1 Maskila nanovy Asafa. janjino ty fampianarako,lahy ty oloko, janjino safa aboaky ty vavako rey. 2 Hamoha ty vavako amy ty fanohara zaho; hihira mikasiky raha mivony mikasiky ty taloha rey zaho. 3 Reo le raha fa nirenay noho fa nianaranay, raha ze fa nivolany ty razambenay rey anay. 4 Tsy hamony rey amy ty tarikiny zahay. hivola amy tariky misolo rey asa soa fanompoa nanovy Yaveh, ty heriny, sady raha mahatseriky fa nivitany rey zahay. 5 Fa nametraky didy fanenkea tamy Jakoba Ie, sady nitingy lala`na tamy Israely. Nandily razam-benay rey Ie mba hampianatsy rey amy ty anakiny. 6 Nandily zay Ie mba hahaizan-drozy tariky ty hisolo ty lala`ny, le rey anaky mbo tsy teraky aza, ze tokony hinasisy zay amy ty anan-drozy avao. 7 Sady hanenga ty fanantenany amy Njanahary ndrozy le tsy hanalinoty asany, fa hidary ty lala`ny. 8 Le tsy hanahaky ty razambeny rey, ze mahery volany noho ty tariky ty mpialy, tariky ze tsy mba mahity fo, sady tsy nanome ty fanahiny noho nitama` tamy njanahary ndrozy. 9 Efraimita rey le nanaday kititsy, fe tsy nihemotsy ndrozy tamy ty fotoa ty aly. 10 Tsy nidary fanenkea tamy Njanahary ndrozy, sady tsy nanenky ty hasarota ty lala`ny. 11 Nagnalino asany rey ndrozy, rey raha mahatseriky ze fa nampitoroanay azy ndrozy. 12 Nagnalino ty raha mahatseriky rey ze nanoviny niatsiky ty razambeny rey, tamy ty tany Egypta, tamy ty tany Zoana ndrozy. 13 Nampisaraky ty riaky Ie sady nanday androzy nanapatapaky zay; nanoviny nitsanga manahaky ty manda ty rano. 14 Raho ro nitarihany androzy lafa midi, sady tamy ty afo mazava mazava lafa haly. 15 Namaky lafiam-bato ty tany efitsy rey Ie,sady nanome rano lako mare androzy, ampy hanatreha ty lalaiky ty riaky. 16 Nampandeha rano baka amy ty lafiam-bato Ie sady nanoviny nandeha manahaky ty ranobe zay. 17 Nefa mbo nanohy nanao hadisoa taminy avao ndrozy, fialia tamy azy Anabo biby tan'efitsy. 18 Nila aly amin-Janahary tamy ty fony ndrozy, tamy ty alala ty fangatah hany mba hahavintsy androzy. 19 Nivola nanohitsy an-Janahary ndrozy; Hozao ty asan-drozy: "Afaky mamelatsy latabo ho ahinay an'efitsy vatany va Njanahary? 20 Ingo,lafa namaky ty lafiam-bato Ie, le nikororoky ty rano sady nidadada nandifotsy. Fe afaky nanome mofo avao koava ie? Hizara hena hoahy ty olo rey va Ie?'' 21 Lafa re Yaveh zay, le nimeloky Ie; le nandoro ahy Jakoba ty afony, sady nanisy ty Israely ty helokiny, 22 Safe ndrozy le tsy nino an-Janahary sady tsy natoky ty famonjeany. 23 Kay hondy nanily ty lanitsy anabo Ie sady namoha ty varavara ty lanitsy. 24 Nandatsaky mana manahaky ty ranonora Ie mba ho hanin-drozy Ie, sady nanome vary androzy baka an-danitsy. 25 Nihina ty mofo tiahy anjely ty olo. Nandefa hany maro biby hoahin-drozy Ie. 26 Nampitsioky ty tsioky baka an-tinana tamy lanitsy eny Ie, sady tamy ty heriny ro nandidiany ty tsioky baka an-timo. 27 Nandatsaky hena tamy ndrozy manahaky ty lemboky Ie,voro lako manahaky ty fasin-driaky. 28 Rey le nilatsaky tanivo ty vondron-drozy, mihodidy ty lainy iaby. 29 Le nihina ndrozy le vintsy. Nameany androzy ze nilany mare. 30 Fe mbo tsy afa-po avao ndrozy; ty haniny nefa mbo tsy teliny. 31 Le nahazo androzy ty helokin-Janahary sady nahafaty ty matanjaky mare tamin-drozy. Namono ty pamaraky tiahy Israely Ie. 32 Ndra teo zay, le mbo nanao hadisoa vao ndrozy,sady tsy nino rey asa nahafinaritsy. 33 Lafa zay nanovin-Janahary fohy ty andron-drozy; sady atrikyhorohoro ty tao-ny. 34 Ndra ombi ndra ombia nampijalian-Janahary androzy, le nanomboky nila Azy, sady nimpoly nila Azy mare. 35 Ho tiaron-drozy fa NJanahary ro lafiam-baton -drozy sady azy Njanahary Anabo mare ro mpamonjjy azy. 36 Fe hanao safa malemy Aminy ndrozy sady havandy Aminy amy ty safan-drozy. 37 Safe ty fon-drozy mbo tsy namihy vatany taminy, sady ndrozy le tsy natoky ty fanekeany. 38 Fa Ie koa, amy vtymaha mpamalo fo, le nanenga ty helon-drozy sady tsy nandrva androzy. Eka, matetiky Ie ro mitanjaky ty helokiny, sady tsy nampihetsiky ty helokiny iaby. 39 Tiarony fa ndrozy le namboary baka amy ty nofo, tsioky mandalo sady tsy mimpoly sasy. 40 Impiry moa ndrozy ro nila aly hanohitsy Azy tan'efitsy sady nampalahelo Azy tany amy ty tany mafy! 41 Lila kinainay amy Yaveh zisiky amparany le nampalahelo azy Masy t'Israely. 42 tsy mba nieritreritsy ty amy ty heriny, ze nahafahany androzy tamy ty fahavalony 43 lafa nanatanteraky famantaranynampangitikitiky ta Egyta noho hatsereha rey tamy ty faritany tiahy Ziona. 44 Navaliky ho lio ty rano ty Egypta mba tsy hahafahan-drozy mino amy ty reniranony. 45 Nandefa vondron-dalitsy ze nampitranaky androzy Ie sady saboketra ze niparitaky tamy ty tanan-drozy. 46 Nameany ty sopanga ty fambolean-drozy sady ty asany nameany ty valala. 47 Noravany tamy havanddra ty voalobokin-drozy sady ty amontany tamy havandra lako. 48 Nandatsaky havandra tamy ty biby harindrozy noho varatsy tamy aondry noho ty aosy Ie. 49 Namango anadrozy ty helokiny mare. Nandefa siaky, heloky,sady fijalea manahaky ty kopy mandday loza Ie. 50 Nanamary ty lala ho ahy ty heloky Ie; tsy niaro an-drozy tamy ty fahafatesa Ie; fe nanolotsy androzy tamy arety mandringa. 51 Namono ty talan'olo lahilahy iaby ta Egypta Ie, ty veloha ty haterahan-drozy ta anay ty lay i Hama. 52 Nanday ty olo niboaky manahaky ty aondry Ie sady nitariky androzy tan'efitsy manahaky ty vondro ty aondry. 53 Nandesy am-pilamina ndrozy le tsy navaka, fa try riaky nandetiky ty fahavalony. 54 Sady nanday androzy tanila ty tany masy Ie, tamy ty vohitsy ze vohitsy azo ty tanany ankavana zay. 55 Nandroaky firenena talohan-drozy Ie sady niondro rey ho lovany. Nametraky ty foko ty Israely tan-dainy ndrozy Ie. 56 Fe nila kinainay noho tsy nanenky azy Njanahary Anabo biby ndrozy sady tsy nidary dily masy. 57 Tsy natoky ndrozy sady nivaliky manahaky ty razany; vevy manahaky ty kititsy mandrio ndrozy. 58 Safe ndrozy nahameloky Azy tamy ty fipetraha anabon-drozy sady nila kinainay ty farahany tamy ty sampy. 59 Lafa nahare zay Najanahary, le nimeloky noho le vatany tsy nanenky any Israaely. 60 Nanenga ty fipetraha masy ta Silo Ie,le azy lay ze nipetrahany tamy olo rey. 61 Nanenga ty tanjakiny ho tratsy Ie, sady nanome ty voninahitsiny ho an-tana ty vahavalo. 62 Nanome ty olony ho azo ty mesobe Ie, sady meloky tamy ty lovany. 63 Ty afo nampitranaky pamaraky rey, sady somondrarany tsy mba nana hira fampiakara. 64 Maty ty mesobe mpisoro rey, sady tsy naha-fitany ndrozy mpanday ty vatan-drozy. 65 Bakeo le nifoha nanahaky ty baka niroro ty Tompo, manahaky ty mpialy mikorakoraky vokatsy ty divay. 66 Le nandroaky fahavalony rey Ie; sady nanenga androzy ho amy ty henatsy mandrakizay. 67 Tsy nenkeny ty lay ty Josefa, sady tsy nitingy ty foko ty Efraima Ie. 68 Ty foko ty JOda noho ty vohitsy ZIona tenay ro nitingininy. 69 Nanamboatsy ty fipetrahany masy manahaky ty lanitsy Ie, sady manahaky ty tany ze fa namboariny mandrakizay. 70 Nitingy tiahy Davida, mpanompony Ie sady nangalaky azy baka an-trano ty aondry. 71 Nangalaky azy baka amy ty tany ty fiaraha ty aondry rey vavy noho ty anany Ie, sady nanday azy ho mpiamby ahy Jakoba,olony, noho ahy Israely, lovany. 72 Nandigny androzy tamy ty fhitia ty fo i Davida, sady nanday androzy tamy ty fahaiza ty tanany.