1 Ho ahy ty mpihira; noho ty fomba i Jedotona. Salamo nanovy i Asafa. Hikaiky an-Janahary mare amy ty feoko zaho; Hikaiky an-Janahary amy ty feoko zaho,sady hahare ahy Njanahariko. 2 Nitalia ty tompo zaho tamy ty anddro ty fijaliako; nanampatsy ty tanako zaho lafa haly,sady tsy nety vozaky reo. Tsy nety nampiono ty fanahiko. 3 Nametsivetsy an-Janahary tamy ty fisentoa zaho;lafa nanjary antitsy zaho le nametsivetsy ty mikasiky Azy. Sela 4 Nitanjaky ty masoko hanenty Iha;Mijaly vatany zaho lafa nivola. 5 Nametsivetsy ty fa ela zaho, fotoa iaby fa lilatsy reo. 6 Liany nankaly le nahatiaro azy hiara nihirako ndraiky mandeha iny zaho. Nametsivetsy soa zaho sady niezaky nitakatsy ze niseho. 7 Handa ahy zisiky amparany va ty Tompo? Tsy hatoky ahy sasy va ty tompo? Tsy hanakasitaraky ahy sasy va Ie? 8 Vasa tsy fa nandeha mandrakizay va ty fitiavany matoky? vasa tsy efa tampitsy mandrakizay ty fampitamaniny? 9 Ka NJanahary va fa nanalino ty maha mpamalo fo? Vasa ty helokiny fa nagnily ty fitsetrezam-pony? Sela 10 Hozao ty asako: " Zao ty alaheloko: le ty fiova ty tana ankavana azy Anabo biby mbamy tsika." 11 Fa tiaroko asanao rey, lahy Yaveh; hametsivetsy ty asanao mahatseriky taloha reyzaho. 12 Hametsivetsy asanao iaby rey zaho le hieritseritsy rey. 13 Ty lalanao,Lahy Njanahary, ro masy; Njanahary ino moa ro mifanahaky amin-Jnanaharinay bevata? 14 Iha azy NJanahary ze nanao ty fahatsereha; fa nampitoro ty herinao tamy ty olonao rey Iha. 15 Nanome fandresea ty olonao tamy ty alala ty herinao bevata Iha- le tariky Jakoba noho Josefa rey. 16 Nahitaky anao ty rano, lahy Njanahary; nahitaky anao ty rano,sady vatany navaka; nangitikitiky ty laliky. 17 Nandatsaky ranonora ty rahona. ty lanitsy atsiky raho nampiboaky feo; Nivorotsaky ty kititsinao. 18 Ty feonao nangotroky le re ty amy ty tsioky; ty helatsy nanazava ty tany; nihovitsovitsy noho nihozongozo ty tany. 19 Tamy ty riaky mbeo ty lalanao sady ty lianao tamy ty rano lozoky, fe tsy talaky ty liatom- bonao. 20 Nanday ty olonao manahaky ty biby hary tamy ty tana i Mosesy noho Arona Iha.