1 Maskila nanovy Asafa. Njanahary lahy, nanino Iha nanda` any mandrakizay? Nanino ro le masiaky amy ty aondry ty fihinana akata ty helokinao? 2 Tiarovo ty olonao,ze nihiagninao tamy fa ela, ty foko ze fa navotanao mba ho lovanao raiky,noho ty vohitsy Ziona, ze ipetrahanao. 3 Miavia hanenty ty faharava vatany,ty fahasimbany iabyze nanovy ty vahavalo tamy fitoera masy. 4 Mierotsy amy ty fotoa voatinginao rey fahavalonao; manenga ty say ty aliny. 5 Nanapatapaky amy famaky manahaky ty ala lako ndrozy. 6 Namopipotiky noho nandrava sarisary iaby; novakin- drozy tamy famaky noho tan-tana. 7 Noroan-drozy ty fitoera masinao; nivazavaza ty fipetrahanao, mnadravoky zay amy ty tany. 8 Hoizao asan-drozy mivola anay: " Iaby rey ho ravanay." Noroan-drozy iaby ty fipetrahanao iaby tamy ty tany. 9 Tsy mahitaky famantara sasy zahay; tsy misy mpaminany sasy, sady tsy misy aminay mahay ze fahareta zay. 10 Zisiky ombia, lahy Njanahary,ro handefan-drozy fahavalo ziva aminao any? Vasa hivola raty ty Anaranao mandrakizay va ndrozy? 11 Nanino iha ro mitanjaky ty tananao, le ty tananao anakavana? Apotaho anay ty sikinao ty tananao ankavana le ravao ndrozy. 12 Kanefa njanahary le mpanjakako fa ela ,manday faonjea amy ty tany. 13 Iha ro nampisaraky ty riaky tamy herinao; Iha ro nampotipoky ty loha ty drago ty riaky tanay ty rano. 14 Iha ro namotipotiky ty loha ireo levitana; Iha ro namaha aazy ho amy ty velo rey ta an'efitsy. 15 Iha ro nampiboaky loharano noho renirano;Iha ro nitsitsiky ty rano mandeha. 16 Ahinao ty andro, sady ahinao avao koa ty haly; Iha ty nametraky ty mahasoandro amy ty vola amy ty petrakiny. 17 Iha fa nametraky ty kilan-tany iaby; Iha fa nanao ty fahavaratsy noho ty hasotry. 19 Tiarovo ty fomba nivazavaza ty vahavalonao, lahy Yaveh, sady rey olo gegy ze fa nivola raty ty anaranao. 18 Mba ka ametraky amy ty bibi-ly ty ay ty pizon-nao. Ka halino ty ay ty olo nampijalea mandrakizay rey. 20 Tiarovo ty fifanarahanao, fa ty toera maiky amy ty tany le atsiky ty fitoboha ty mahery loha. 21 Mba ka enga`himpoly amy ty henatsy rey nampijalea; engaho hankalaza ty anaranao ty mahantra noho ty nampijalea. 22 Miongaha`, lahy Njanahary; embeno manoka ty voninahitsinao; tiarovo ty fomba nivazavaza ty gegy Anao sanandro sanandro zao. 23 Ka halino ty feo ty mpialy aminao rey ndra ty korakoraky ty ze mila aly tsy ankieny Anao rey.