1 Engaho hitsanga Njanahary; engaho fahavalony reo hiparitaky; engaho avao koa malay azy rey hilay tsy ho anilany eo. 2 Manahaky ty bsetroky miparitaky,ro hampiparitahy androzy; nanaky ty savoky atsanaky anay ty afo, ro engaho handrava ty raty fanahy amy ty fiatreha an-Janahary eo. 3 Fa engao koa ty olo-to ho faly; enganie ndrozy hifaly anilan-Janahary eo; hifalifaly lahy rozy rey le vatany faly. 4 Mihira ho ahin-Njanahary! mihira fanompoa hoahy ty anarany! Tompo`Azy mandeha manapatapaky tany mando ty baibon-driaky Jordana reo! Yaveh ro anarany! Mifalia anilany eo! 5 Baba ty kamboty, mpitsara tsy manambaly reo, azy Njanahary amy ty fipetraha masy any. 6 Njanahary mampipetraky ty raiky ho amy ty longony, andesiny miboaky an-kira ty gadra; fa ty maheriloha mipetraky amy ty tany maiky any. 7 Nao lahy Njanahary e, laha niboaky tanila ty olo lakonao teo Iha, lafa nandeha nanapatapaky ty tany lavitsy Iha, Sela 8 Le nangitikitiky ty tany; ty lanitsy avao koa ni- te ora tamy ty fiatrehan-Janahary, tamy ty fanatrehan-Janahary lafa avy ta Sinay any Ie, tamy fiatrehan-Janahary, azy ty Njanahary Israely. 9 Iha, lahy Njanahary e, ro nandefa ora lako; Iha ro nampatanjaky ty lovanao lafa vozaky zay. 10 Mipetraky ao ty olo lako nao; Iha, Njanahary, nanome ty mijaly tamy ty hasoanao. 11 Ty tompo ro nanome didy rey, sady miaramila maheryndrozy ze nivola zay. 12 Nilay mpanjaka ty miaramila rey,nilay ndrozy, sady nizara ty fandrava ampela nandiny tan-trano ao rozy: pizon atsiky volafoty noho elatsy volamena zony. 13 Lafa nipetraky tamy ty valan'aondry ty ilany olo lako rey, le nanino nareo ro manao ho zay? 14 Nampiparitahany azy Tsitoha tany ty mpanjaka,tamy zay nisia ty oram-panala tamy ty vohitsy Zalmona. 15 Vohitsy mahery ro tany vohitsy i Basana; vohitsy abo ro tany vohiitsy Basana. 16 Nanino iha ro manenty am-paniria, iha lahy tany vohitsy, anabo ty vohitsy ze tean-Janahary ho toera hipetrahany? Hipetraky ao zisiky farany vatany Yaveh. 17 Roa aly kalesan-Janahary rey, mandilatsy ty arivo ty analiny; amindrozy eo ty fitoera masy,manahaky ty tany Sinay ty Tompo. 18 Nandilatsy ty abo Iha; nandesinao gadra rey;nandramby fanomeza baka ty olo rey Iha, eka fa ndra ze baka nialy taminao aza,mba hipetraky any,Iha, lahy Yaveh Njanahary. 19 Isaora lahy ty Tompo, ze manday ty entantsika saky sanandro, azy Njanahary ze famonjea ho antsika. Sela 20 Ty Njanaharitsika le Njanahary manavotsy; mahay manavotsy antsika ty tompo Yaveh amy ty fahafatesa. 21 Fa Njanahary le hamango amy loha ty vahavalony rey, amy ty volon-doha ze mandeha amy ty tsy fanaraha ty lala`na manohitsy Azy rey. 22 Hozao tytompo hoe: "Handesiko mimpoly baka Basana any vahavaloko rey; handesiko mimpoly baka an-daliky ty riaky iny ndrozy 23 mba hahaizanao manorotoro ty fahavalonao,mampijobo ty tombonao amy ty lio,noho mba hahaiza ty lela ty alikanao rey hana ty anjara amy fahavalonao rey." 24 Fa nahitaky ty filaharanao zaho,Njanahry o, le filahara ty Njanahariko, mpanjakako, amy ty fitoera masy ao. 25 Mphira rey ro handeha voalohany,manoriky zy ty mpititiky valiha,sady tanivony ty somondrara tsy mana-mbaly mibeko amponga tampaky. 26 Isaora Njanahary amy fiangona ao, tompo` Yaveh, nareo ty tena tariky Israely. 27 Misy ty voalohany le i Benjamina,azy foko biby,manoriky rey mpitariky Jodan noho ty mpanoriky androzy, mpitariky Zebolona noho mpitariky tiahy Naftaly. 28 Ty Njanaharinareo,lahy Israely,le fa nandily ty tanjakinao, NJanahary o,manahaky ty nampitoroanao azy tamy fotoa fa la ela. 29 Ampanenteo anay baka amy ty fiangona a Jerosalema ao ,ze anesea ty mpanjaka fanomeza ho Tiahinao, ty herinao. 30 Mikoraha` amy ty aly hanohitsy bibily`anty ty volotara, hanohitsy olo rey, ty halako ty aomby lahy noho ty anak'aomby zao. Vonjeo ndrozy sady ampanandeso fanomeza; aparitaho aazy olo tea mila aly rey. 31 Mpanajaka ro ho avy baka Egypta; i Etiopia malisa hanampatsy ty tanany ho amy Njanahary. 32 Mihira hoahy Njanahary, nareo fanjaka ty tany; Sela Mihira hoahy Yaveh. 33 Ho tiazy ze miakatsy amy ty lanitsy ty lanitsy, ze nisy baka amy ty fotoa fa ela; ingo Ie manandrotsy ty feo amy ty hery. 34 Enkeno ho ahy Njanahary ty hery;tiahy Israely ty voninahitsiny, sady an-danitsy eny ty heriny. 35 NJanahary o mampatahotsy Iha amy ty fipetrahanao masy any; azy NJanahary ty Israely - manome hery noho hatanjaha ho tiahy olony Ie. Isaora lahy Njanahary.