1 Salamo nanovy Asafa. Azy Tsitoha, Ndranahary, Yaveh, le fa nivola noho nikaiky ty tany manomboky ty fiboaha ty mahasoandro zisky amy ty filentehany. 2 Baka a Ziona, azy soa amy ty hasoan-tarehy, ro natoron-Dranahary. 3 Ho avy Ndranaharitsika le tsy hangiky; Hisy avo mampitranaky alohany eo, sady andiantsioky mare ro mihodidy Azy. 4 Mikaiky ty lanitsy anabo noho ty tany Ie mba hahaizany mitsara ty olony: 5 ''Avorio miaraky ho anamiko atoy matahotsy Ahy rey, le azy fa nanao fanenkea tamiko tamy ty soro." 6 TY lanitsy hanambara ty famarinany, fa vata-tena Ndranahary mihintsy ro mpitsara. Sela 7 Mijanjina, lahy oloko, le hivola Zaho, Zaho ro Ndranahary, Azy Ndranaharinareo. 8 Tsy hananatsy anao noho soronao rey zaho; alohako avao azy fandainao ho roa rey. 9 Tsy hangalaky aomby lahy baka an-tranonao zaho, ndra aosy lahy baka amy ty valanao. 10 Fa tiahy iaby ty biby anay ty ala, noho ty biby fihary iaby amy ty vohitsy anarivo. 11 Haiko iaby ty voro mitily ty vohittsy iaby, sady Tiahy ty biby li am-baibo. 12 Lafa mosare Zaho, Tsy hivola aminao zao; fa ahiko ty tany, noho ze kila raha iaby aminy ao. 13 Vasa hihina ty nofitsy ty aomy lahy va Zaho ndra hino ty lio ty aosy? 14 Aseseo amy Ndranahary ty sorom-pisaora , sady efao amy ty Anabo mare ty voadinao rey. 15 Kaiho Zaho amy ty andro fijalia; le hamonjy anao Zaho, sady hanome voninahitsy Ahy iha. 16 Fa hozao tiasan-Dranahary amy ty raty fanahy manao hozao: "Ino ro anovinao amy ty fanambara ty liliko rey, fa norambesinao am-bavanao eo ty 17 fanenkeako, safe malay ty fananara iha sady manary safako rey? 18 Lafa mahita mpangalatsy iha, le miharo loha aminy iha; mandramby anjara amy ty mandranto iha. 19 Asesinao hoahy ty raty ty vavanao, sady ty lelanaao manaboaky verivery. 20 Mipetraky iha sady mivola manaboka ty rahalahinao; asarasaranao ty anakilahy ty renninao. 21 Fa nanao kila raha iaby rey iha, fe nitanjaky ty fahangina zaho, hay ndra mieritseritsy iha fa olo manahaky ty vatanao avao Zaho. Fe hananatsy anao zaho sady hampiakatsy, ho amy tandrify ty masonao, kila raha iaby fa nivitao. 22 Asio findiniha soa zay, iha ze nagnalino an_DRanahary, lafa tsy zay le horavaravako iha, sady tsy misy avy hanampy anao! 23 Ze manesy sorom-pilongoa ro mankalaza Ahy, sady hoahy ze mikinia ty lalany ho amy ty lala to ro hatoroko ty famonjean-Dranahary."