1 Ho ahy ty mpipaiky hira. Salamo nanovy anakilahy i Kora. Mitehafa tana olo lako iaby; mihira ho an-Janahary amy ty feo ty fandresea. 2 Fa Yaveh ro Abo Bibiky ka le hatahora; Ie ro Mpanjaka bevata ty tany toy iaby. 3 Mandresy olo ambanitsika rey eo Ie sady firenea ho ambany tomboky eo. 4 Mitingy ty lovantsika ho antsika Ie, ty voninahitsy Jakoba ze teany. Sela 5 Njanahary ro fa niakatsy am-pifalea Njanahary, Yaveh tamy ty feo ty trompetra. 6 Mihirà fihira ho an-Janahary, mihirà fihira; ho ahy azy Mpanjakatsika iny, mihirà fihira. 7 Fa Njanahary ro mpanjaka ty tany toy iaby; mihirà fihira amy ty fazavan-tsay. 8 Manjaka ty firenea toy Njanahary rey; mipetsaky anabo ty seza fipetrahany masy Njanahary. 9 Mpanjaka ty olo mivory ho ahy ty olo lakon-Janahary i Abrahama rey; fa fiaro ty tany rey le an-Janahary; Ie ro hasonjotsy bibiky.