1 Manompoa an'Yaveh. Mihira fihira vaovao hoahy Yaveh; mihira fihira ho Tiazy amy ty fiangona ty olo matoky rey. 2 Engaho hifaly amy ty azy namboatsy androzy; engao hifaly amy ty mpanjakandrozy ty olo Ziona rey. 3 Enganie ndrozy hanompo ty anarany amy tsinjaky; enganie ndrozy hihira fanompoa ho tiazy amy ty aponga tampaky noho ty harpa. 4 Fa Yaveh le mankasitraky ty olony; mankalaza ty mpanambany vata amy ty famonjea Ie. 5 Engaho hifaly ty olo masy amy ty fandresea; engaho hihira fifalia am-kitrely ao ndrozy. 6 Ho amy ty vavandrozy anie ty fanompoa Andranahary sady ty mesobe roa lela ho an-tanany eo 7 mba hahatanteraky valifaty amy ty firenena lako noho ty fihetsiky manasazy ty olo. 8 Hamehy ty mpanjakany amy ty rojo ndrozy sady ty manam-boninahitsy amy ty ravaky vy. 9 Hanatenteraky ty fitsara ze nosorata ndrozy. Zay le voninahitsy hoahy ty olony matoky iabby. Manompoa an'Yaveh.