1 Amy ty feoko ro itorevako ty famonjea ahy Yaveh; amy ty feoko ro angatahako ty fankasitraha an'yaveh. 2 Hambarako alohany eo ty toreoko;volaniko aminy eo ty fijaliako rey. 3 Lafa Lafa anay ty fanahiko,le Iha ro mahay ty lalako. Amy ty lala ze andinako ro namoniandrozy fandriky ho ahy. 4 Manenty ty ankavanako zaho le mahita fa tsy misy olo midary ahy, tsy misy hiriky ho tiahy; tsy misy olo midary ty fiaiko. 5 Nikaiky Anao mare zaho, lahy Yaveh; le nanao hozao: "Iha ro fialofako, anjarako amy ty tany ty velo. 6 janjino ty kaiko, fa mijaly mare zaho; vonjeo amy ty mpanenjiky ahy rey zaho, fa mehery mandilatsy ahy ndrozy. 7 Aboaho amy ty tarno maiiky ty saiko mba ahaizako manesy fisaora ty anaranao. Hivory mihodidy ahy ty olo to safe Iha ro fa soa tamiko."