1 Fihirana fanganiha. Lafa nampipoly ty hanagna i Ziona Yaveh, le manahaky manonofy rey tsika. 2 Bakeo homehy ty vavatsika sady hihira ty lelatsika. Le hozao tiasandrozy tamy firenena rey manao hozao: "Nanao raha bevata hoahindrozy rey Yaveh." 3 Nanao raha bevata hoahitsika Yaveh; ho tiafaliantsika! 4 Yaveh o, ampolio ty hanagnanay, manahaky ty riaky a Negeva ao. 5 Azy mamafy am-pilamina le hanapaky amy ty fifalia. 6 Ze mandeha mitany, manday voa hafafy, le mimpoly amy ty koraky ampifalia ndraiky ty amboarany miaraky aminy.