1 Misaora an'Yaveh, fa soa Ie, fa maharisty mandrakizay ty fandeferany. 2 Enganie hivola hozao Israely: " Maharitsy mandrakizay ty fandeferany." 3 Tokony hivola hozao ty valy aminanaky i Arona: "Ty fanenkeany mahatoky le haharitsy mandrakizay," 4 Engaho zy manompo an'Yaveh rey hivola manao hozao: "Maharitsy mandrakizay ty fandeferany." 5 Nikaiky an'Yaveh tanay ty fijaliako zaho; namaly ahy Yaveh sady nanafaky ahy. 6 Miaro ahy Yaveh: Tsy havaka zahi; hanino amiko ty olombelo? 7 Mpamonjy anilako eo Yaveh; hahita fandresea amy azy malay ahy zaho. 8 SOa mare ty mialoky amy Yaveh tany mametraky fahatokia amy ty olombelo. 9 Soa mare ty mipetraky amy Yaveh tany azy mametraky fahatokisa amy ty mpanjaka. 10 Ty firenena iaby mihodidy ahy ; ho tapahiko amy alala Yaveh ndrozy. Mihodidy 11 ahy ndrozy; eka, mihodidy ahy ndrozy; ho tapahiko amy alala Yaveh ndrozy. 12 Mihodidy ahy manahaky ty tantely ndrozy manjavo malaky manahaky ty afo tamy fatiky ndrozy; ho tapahiko amy anara Yaveh ndrozy. 13 Nanafiky ahy ndrozy mba handavo ahy, fe nanampy ahy Yaveh. 14 Yaveh ro heriko noho fiafaliako, sady Ie ro toka mpanavotsy ahy. 15 Re amy ty lay ty hato ty koraky ty fiafalia ty fandresea; naharesy ty tana an-kava Yaveh. 16 Asondrotsy ty tana an-kavana Yaveh; maharesy ty tana an-kavana ahy Yaveh. 17 Tsy ho maty zaho, fa ho velo sady hanambara ty asa Yaveh. 18 Fa nosazia Yaveh mare zaho; fe tsy nasesiny ho maty zaho. 19 Vohao ho ty ahy ty vavahady ty hato; hilitsy amy zay ao zaho sady hisaotsy an'Yaveh. 20 Zay ty vavahady ahy Yaveh; ty olo to ro militsy ao. 21 Hisaotsy Anao zaho, safe namaly ahy Iha, sady najary ho famonjea ho tiahy Iha. 22 Azy vato ze tsy nila ty mpanamboasy trano le nanjary vato fehizoro. 23 Zay ro nanovy Yaveh; mahatseriky amy masotsika eo zay. 24 Toy ty andro ze nanovy Yaveh; hifety noho ho falifaly amizay tsika. 25 Mangataky lahy Yaveh, omeo fandresea zahay! Mangataky lahy Yaveh, omeo fahasoa zahay! 26 Ho tahia ie ze ho amy amy anara Yaveh; ho tahinay amy trano Yaveh iha. 27 Yaveh ro Ndranahary, sady fa nanome fahazava ho ahinay Ie; namehy ty soro rey tamy ty taly tamy ty tsifa ty alitara rey. 28 Iha ro Ndranahariko, sady hisaotsy Anao zaho; Iha ro NDranahariko; hanondrotsy Anao zaho. 29 Oh, misaotsy an'Yaveh; fa soa ie; fa maharitsy mandrakizay ty fandeferany.