1 Hozao tiasany amiko: ''Ry anak'olo, mitsangana; le mivola aminao Zaho.'' 2 Taran'izay laha mbo nivola tamiko Ie, le nilitsy tanaiko tao ty fanahy le nampitsanga ahy, le reko Ie mivola amiko. 3 Hozao tiasany tamiko: ''Ry anakin'olo, mandefa anao ho amy ty olon'Israely Zaho, amy ty firenena mpimadiky rey ze nivaliky tamiko --- ndra ndrozy ndra ry razany le samby fa nanota tamiko zisiky henanizao! 4 Mana toetsy mahery loha noho tsy miferinay ty tarihandrozy rey. Maniraky anao ho amindrozy rey Zaho, sady hivola hozao amindrozy rey iha: 5 'Zao ty vola i Tompo Yaveh'. Ndra hijanjy ndrozy ndra tsy hijanjy. Tariha ty mpamaliky ndrozy, fe ty farafahakelindrozy halala fa mpaminany ro tamindrozy teo. 6 Iha, ry anakin'olo, ka mavaka androzy ndra ty volan-drozy. Ka mavaka, ndra misy fatiky aza iha sady ndra miay miaraky amy ty maingoky aza iha. Ka mitseky amy ty volan-drozy ndra havaka amy ty vatandrozy, safe tariha ty mpamaliky ndrozy. 7 Fe iha hivola amindrozy ty safako, ndra hijanjy ndrozy na aha, safe mpamaliky mare ndrozy. 8 Fa iha, ry anakin'olo, janjino ze raha volaniko anao. Ka mamaliky manahaky ty tariha mpamaliky rey. Vohao ty vavanao le hano ty fa nameako ano!'' 9 Bakeo le nagnenty zaho, le nisy tana niampatsy tamiko teo; nisy horonan-taratasy voaoratsy tanain'izay tao. 10 Nivoha talohako teo zay; samby voasoratsy iaby ndra ty aloha ndra ty ambaliky, le ty voasoratsy tamizay teo le fitoreova fisaonana, noho loza.