¹ Tamin-zany fotôna zany, Heroda mpanapaka nareigny ny laza momba an'i Jesosy. ² Ozy izy tamin-jareo mpanompony hoe: "Jaona mpagnano batisa zany: nitsangana tamin'ny maty izy. No zany de miasa akao aminy reo hery reo." ³ Fa Heroda nisambotra an'i Jaona, namatotra an'azy, ary nandefa an'azy takeigny an-dragnomaizigna noho i Herodiasy, vadin'i Filipo rahalahiny. ⁴ Fa ozy Jaona tamin'azy hoe: "Tsy ara-dalàna ho an'nao no managna an'azy ho vadinao." ⁵ Magniry ny hamono an'azy Heroda, saingy natatra ireo vahôka izy, satria noraisin-jareo salan'ny mpaminagny izy. ⁶ Fa rafa tonga ny tsingerin'ny andro nateran'i Heroda, de nandihy teo am-povôn-jareo vahiny nasaina ny zanakavavin'i Herodiasy ka nafinaritra an'i Heroda. ⁷ Ho tambin'zany, de nampagnategna tamin'i fianianana izy hangome ze angatahiny na ino na ino. ⁸ Rafa avy notoroan'ny reniny marika, de ozy izy hoe: "Ameo anà aketo ambony vilia, ny lôn'i Jaona mpagnano batisa, ⁹ nalaelo mafy non'ny fangatahany ny mpanjaka, saingy non'ny voadiny sy no reo daôlo nihinana niaraka tamin'azy de nagnome baiko izy fa tokony ho vita zany. ¹⁰ Nagniraka nanapaka ny lôn'i Jaona takao an'dragnomaizina izy. ¹¹ Avy akeo nentina tamin'ny vilia ny lôny ary namena an'le zaza vevavy ary nentina takeo amin'ny reniny izany. ¹² Avy akeo de tonga reo mpianagny, naka le faty, ary nandevigna izany. Tafaran-zany, de nande zareo ary nilaza tamin'i Jesosy. ¹³ Ary rafa nareigny an-zany Jesosy, de niala avy tam-le sambokely raika Izy, hankeigny amin'ny tôrana mitokana raika. Rafa nareigny an-zany reo vahôka, de nagnaraka an'Azy an-tongotra avy taigny amin'ireo tanan-dehibe. ¹⁴ Avy akeo Jesosy nankeo alôn-jareo ary natazagna reo vahôka betsaka be. Nangôraka an-jareo Izy, ary nagnasitragna ny aretin-jareo. ¹⁵ Rafa tonga ny hariva, de nankeo amin'Azy reo mpianatra ary nitaré hoe: "Ty de tany fôgna, ary efa tapitra sady ny andro. Alefaso reo vahôka mba afan-jareo mande aigny amin'ireo tagnàna, ary hividy hanina ho hanin-jareo. ¹⁶ Fa Jesosy nitaré an-jareo hoe: "Tsy azo avela mande lavitra zareo. Amenareo ra hoanin-jareo." ¹⁷ Ozy zareo tamin'azy hoe: "Mofo dimy sy hazan-dragno roey fôgna no agnananay aketo." ¹⁸ Ozy Jesosy hoe: "Ndeso mankaty aminà zany." ¹⁹ Avy akeo Jesosy de nibaiko an'ireo vahôka mba hipetraka akeo amin'ny bozaka. Nalainy reo mofo dimy sy hazan-dragno roey. Niandrandra takeigny an-dagnitra, de nisôtra Izy ary nanapaka reo mofo ka nameny an'ireo mpianatra, ary reo mpianatra nagnome izany an'ireo vahôka. ²⁰ Nihinana daôly zareo ka voky. Avy akeo de nangonin-jareo ny sisan'ny potin-kanina ka nafeno rombefolo sobika. ²¹ Teo amin'ny dimy arivo lahy teo reo nihinana akôtran'reo zaza am-bevavy. ²² Avy hatraigny de nasainy nankao amin'ny sambokely ary nandeha hialô an'Azy ho aigny am-pita reo mpianagny, ra mbola nandefa reo vahôka Izy. Tafaran'ny nandefasany reo vahôka, ²³ de nande niakatra taigny an-tanety rerika Izy hande hivavaka. Rafa tonga ny hariva de Izy rerika no takeo. ²⁴ Ary ny sambo de efa lasana lavitry ny tanety, natopatopan'ny onja satria nitsoka nanohitra an'azy ny rivotra. ²⁵ Tamin'ny fiambesana faefatry ny alina de nagnantona an-jareo Jesosy, nandeha teigny ambony ranomasina. ²⁶ Rafa natazagna an'Azy nande teo ambony ranomasina ireo mpianatra, de natatra ka nitaré hoe: "Matotoa io", ary de niaikaika tamin-tatra zareo. ²⁷ Fa Jesosy nitaré tamin-jareo avy hatrany hoe: "Mahereza, Za ty! Aza matatra." ²⁸ Namaly an'Azy Petera ka nagnano hoe: "Tompo ra Enao io, de asaivo magnantona an'nao aigny ambony rano za." ²⁹ Ozy Jesosy hoe: "Magnantona" ka de niala avy takao amin'ny sambokely Petera ary nande teo ambony rano mba hagnantona an'i Jesosy. ³⁰ Fa rafa natazagna rivotra Petera, de lasa natatra. Ra iny izy nanomboka nilentika iny, de nikika mafy izy sady nitaré hoe: "Tompo, vonjeo za!" ³¹ Avy hatrany Jesosy nagninjitra ny tagnany, nitana an'i Petera ary nitaré tamin'azy hoe: "Enao ry kely finona, fa magnino enao no miahiahy?" ³² Avy akeo Jesosy sy Petera nande namonjy ny sambokely, nijanona nitsoka ny rivotra. ³³ Avy akeo reo mpianatra takao agnaty sambokely nidera an'i Jesosy ary nikoragna hoe: "Enao marina no Zanak'Andriamanitra." ³⁴ Rafa avy niampita zareo de tonga takeigny an-tanety tao Genesareta. ³⁵ Rafa nahay an'i Jesosy reo leila takao amin'zany tôrana zany, de nandefa hafatra taigny amin'ny faritra magnodidina daôly, ary nentin-jareo tamin'azy ze marary daôly. ³⁶ Nitalao tamin'Azy ry zareo mba afan-jareo mikasika ny sisin'ankajony fôgna, ary betsaka reo nikasika an'zany ka sitragna.