¹ Zao no lazain'i Yaveh: "Noho reo fahotana telon'i Moaba, eny na efatra aza, de tsy hagnala ny famaizana Za satria izy reo de nandoro ny taolagn'ny mpanjakan'i Edoma ho sokay. ² Handefa afo akeo amin'i Moaba Za, ary ho levoniko ny fiarovana mafin'i Kiriotan ho foaty akao agnatin'ny kotaba sy hiaka ary ny feon'anjomara i Moaba. ³ Ho ravako ny mpitsara akao aminazy, ary ho vonòko miaraka aminazy ny andriana daôly," ozy i Yaveh. ⁴ Zao no lazain'i Yaveh: "Noho reo fahotana telon'Israely, eny na efatra aza, de tsy hagnala ny famaizana za, zatria namidin-jareo volafotsy ny tsy manantsigny ary ny mahantra ho kapa. Nampandeha anzareo tamy lalan-diso ny vandin'zareo, de nandeha nanaraka izany koa ireo razany. ⁵ Handefa afo eo amin'i Joda za, ary ho levoniko ireo fiarovana mafin'i Jerosalema." ⁶ Zao no lazain'i Yaveh: "Noho reo fahotana telon'Israely, eny na efatra aza, de tsy hagnala ny famaizana Za. Satria namidin-jareo volafotsy ny tsy manantsigny ary ny mahantra ho kapa. ⁷ Nagnitsaka ny lôhan'ny mahantra salan'ny fagnitsan'ny ôla ny jofo amin'ny tany zareo; nandrôka ny ory zareo. Ny leila sy ny rainy de samy mandry amin'ny veivavy raikan ary mandoto ny agnarako masina. ⁸ Mandry akeo agnilan'ny alitara amin'ny akanjo azo tamin'ny antoka zareo, ary akao an-dragnon'Andriamanitr'zareo no hisotrny ny divay ze avy am'reo voasazy. ⁹ Nefa efa noravako teo agnolônan-jareo ny Amorita, ny halavany de salan'ny halavan'ny kakazo sedera natanjaka be salan'reo Ôka. Efa noravako ny voany agnambo sy ny fakany ampidigna. ¹⁰ Ary kô, nitondra an'areo nivôka avy taigny amin'ny tany Egypta Za ka nitarika an'nareo efapolo taona taigny agn'efitra mba handovanareo ny tanin'ny Amorita. ¹¹ Nanandratra mpaminany avy tamin'ireo zanakalahinareo sy Nazirita avy tamin'ireo zatovonareo Aho. Moa tsy izany ve, ry vahoakan'Israely? —Izany no fanambaran'i Yaveh. ¹² Nefa ianareo dia nandresy lahatra ireo Nazarita hisotro divay ary nandidy ireo mpaminany tsy haminany. ¹³ Indro, hagnitsaka an'nareo salan'ny fagnitsan'ny sarety feno vary ny ôla Za. ¹⁴ Tsy afaka hilefa ny ôla kinga; tsy hampitombo ny heriny ny matanjaka, ary ny mahery tsy havonjy ny tegnany. ¹⁵ Tsy tafatsangana ny mpandefa tsipika; tsy afaka milefa ny mpihazakazaka mahery, tsy havonjy tegna ny mpitikina soavaly. ¹⁶ Na de ny mpiady be herimpo aza de hilefa matanjaka am'zany andro zany_ zany no lazain'i Yaveh."