¹ Paoly, Apostoly, tsy apostoly avy tame olo na tame alalan'e olo, fa avy tamin'i Jesosy Kristy izy ame Andriamanitry Abatsika, izay nanangagny Anazy tame maty, ² da e rahala agnaby miaraky amina, da ho an'e Fiangonagny Galatianina. ³ Fahasoavagny ho aminareo sady fiadanagny avy amin'Andriamanitry Raintsika sy Jesosy Kristy Tompo , ⁴ izay nagnome gne tegnany ho an'e fahotantsika mba hagnafahagny antsika amin'izao andron'e faharatsiagny izao , araky gne sitrapon'Andriamanitry izy ame Raintsika , ⁵ ho an'Azy anie gne voninahitry mandrakizay doria. Amena. ⁶ Gaga iao raha hoe niala nalaky tamin'e nangaiky anareo tame fahasoavan'i Kristy anareo.Gaga iao fa mitodiky ho ame filazantsara hafa anareo. ⁷ Tsy midika izany fa misy filazantsara hafa ndre da eo izany , fa misy olo maromaro izay magnakorotagny anareo sady te hagnova gne filazantsaran'i Kristy. ⁸ Fa ndre iay , ndre gn'anjely avy agny an-dagnitry aza gne hitory Filazantsara hafa aminareo noho izay nitorianay taminareo, da lonoky izy ho voahozogny. ⁹ Araky gne nozakainay taloha , da amin'izao fotoagny izao iao magnambara indraiky hoe : " Raha misy olo magnambara aminareo Filazantsara hafa noho izay azonareo da lonoky izy ho voahozogny ." ¹⁰ Sa, iao amin'izao fotoagny izao mitady gne fagneken'olo sa Andriamanitry ? Sa iao gne mitady izay hampifaly gn'olo ? Raha mbola manohy miezaky gne hampifaly olo iao , da tsy mpanompon'i Kristy . ¹¹ Ô rahalàko , fa tiako Ho fantatrareo , fa gne Filazantsara izay nambarako da tsy filazantsaran'olombelogny. ¹² Tsy tamign'olo gne nazahoako an'izany, na nampianarigny anà izany . Kanefa , izany da fagnambaran'i Kristy Jesosy taminà. ¹³ Fa anareo naharegny gne fiaignako taloha tame fomba fivavahagny Jiosy , izy ame nagnenjehako gne fiangonan'Andriamanitry mihoatry gne tokony ho izy sady gne fiezahako handrava an'izany. ¹⁴ Nandroso tame fivavahan'eJiosy iao nihoatry e maro tame nitovy taogny taminà, da e raiky firenegny taminà da akô izany e fomba nitazomako mafy e fomban-drazako . ¹⁵ Kanefa Andriamanitry , izay nanokagny anà latan-trokin'iendriko, sady nangaiky anà tame gn'alalan'e fahasoavagny , ¹⁶ refa faly gne hagnaboaky gne Zanany lahy taminà, mba ahafahako magnambara an'Azy agny ame jentilisa , da tsy nisaigny araky gne nofotry izy ame rà iao . ¹⁷ Tsy niakatry tagny Jerosalema ho amindreo izay efa lasa apostoly talohako iao . Fa , nandeha tagny Arabia sady avy eo da nimpody tagny damaskosy iao. ¹⁸ Da telo taogny tafara taty da niakatry tagny Jerosalema mba hifankafantatry tamin'i Kefasy iao sady nijanogny niaraky tamin'azy nandritry gne dimy ambin'ny folo andro . ¹⁹ Fa I Jakoba avao gne hitako tamin'e Apostoly ,da igny rahalàn'i Tompo igny. ²⁰ Da ao ame raha saratako ho anareo, da nagnome toky anareo iao eo egnatrehan'Andriamanitry, fa tsy mavandy iao . ²¹ Avy teo iao da nandeha tagny ame faritr'i Syria sy Kilikia. ²² Tsy mbola fantatry teo amin'e fiangonan'i Jodia izay ao amin'i Kristy iao. ²³ Regnindreo fotsiny gne voazaka hoe : " Igny lelà izay nagnenjiky antsika taloha amin'izao fotoagny izao igny da nagnambara gne finoagny izay niezahany nopotehigny taloha." ²⁴ Noho izany indreo da nidera an'Andriamanitry nohon'e aminà.