¹ Paoly , voafonja gnan'i Jesosy Kristy, voho gny rahalahy Timoty ho gnan'i Filemona , namana malalanay voho mpiara-miasa aminay, ² sady ho gnan'i Apia anabavanay, voho ho gnan'ny fiangona zay mivory ao an-tragnonao. ³ Ho aminareo anie gny fahasoava voho fiadagna bakamin-Dranaganhary Babantsika voho Jesosy Kristy Tompo. ⁴ Misaotra gny Ndranagnahariko hatragny aho. ⁵ Manogno gnanao aho amin'ny fivavahako. Fa naheno gny amin'ny hatea voho gny finoa zay anagnanao ao amin'i Jesosy Tompo voho ho gnan'ireo mpino iaby aho. ⁶ Mivavaky aho mba hahatonga gny fiombona amin'ny finoa hahomby amin'ny fahaiza gny raha soa iaby zay eo amintsika ao amin'i Kristy. ⁷ Fa nana hateanao , fotony gny fon'ireo mpino la nivelombelomy tamin'ny alalanao , ry rahalahy. ⁸ Nohon'io , na la mana fahasahia iaby ao amin'i Kristy aza aho handidy gnanao mba hanao gnan'izay tokony hataonao, ⁹ nefa nohon'ny hatea , la mikaiky gnanao koa aho-zaho, Paoly , johary antitsy , voho amizao gadra ho gnan'i Jesosy Kristy. ¹⁰ mangataky gnanao aho gny amin'ny anako Onesimosy, zay naterako tamin'ny fatorako. ¹¹ Fa ie la tsy nahasoa gnanao taloha, fa amizao ie la mahasoa gnanao voho zaho. ¹² Nalefako nimpoly ho agny aminao ie, ie gny teako tokoa. ¹³ Magniry gny hitanjaky gnazy hiaraky amiko aho, mba hahafahany manompo gnahy ho gnanao, laha mbo voafatotsy nohon'ny filazantsara aho. ¹⁴ Nefa tsy te hanao na ino ino laha tsy misy gny fagnenkenao aho. Tsy teako ho an-katerea gny asa soa ataonao fa an-tsitsapo. ¹⁵ Angamba nohon'io ro nisarahany taminao nandritsa gny fotoa fohy, mba hanagnanao gnazy mandrakizay. ¹⁶ Tsy ho andevo sasy ie, fa soa mandilatsy noho gny andevo , la rahalahy malala. Ie ro malala indrindra amiko, sady mandilatsy ho gnanao , na ao amin'ny nofo na ao amin'ny Tompo. ¹⁷ Ka laha mana gnahy ho mpiara-miasa iha , la rambeso manahaky gnahy ie. ¹⁸ Laha manao gny tsy ie na mitsotsa na ino ino aminao , la ataovy ho gnahy io. Zaho , Paoly , manoratsy gnan'izao amin'ny tagnako. ¹⁹ Zaho ro handoa aminao. Tsy milaza aminao hoe mitrosa gny vatanao amiko iha. ²⁰ Eka, ry rahalahy, ataovy mahazo tombony ao amin'ny Tompo aho; omeo fitsahara gny foko ao amin'i Kristy. ²¹ Gny toky mikasiky gny fankatoavanao, ro soratako ho gnanao. Haiko fa hanao mandilatsy nohon'izay angatahiko iha. ²² Mandritsa gnan'io fotoa io avao, omano ho gnahy gny efitsy fandramesam-bahiny, fa manantena aho fa amin'ny alalan'ny vavako la himpoly aminao ndraiky aho. ²³ Epafra , namako mpiara-migadra ao amin'i Jesosy Kristy ,manao veloma gnanao. ²⁴ Manahaky gnan'io koa Marka , Aristarko, Demasy voho Lioka, mpiara-miasa amiko. ²⁵ Ho amin'ny fagnahinareo anie gny fahasoavan'i Jesosy Kristy Tompontsika. Amena.