¹ Toy gny fiandohan'ny filazantsaran'i Jesosy Kristy, gny Anakin-Dranagnahary. ² Araky zay voasoratsy ao amin'Isaia mpaminany hoe:' Ingo, Zaho magniraky gny irako hialoha Gnanao, gny raiky hamboatsy gny lalanao. ³ Misy feo re mikaiky mare agny agn'efitsy hoe:" Ataovy vonona gny lalan'ny Tompo; ataovy mahitsy gny lala handehanany." ⁴ Avy Jaona , nanao batisa tagny agn'efitsy voho gny nitory gny batisan'ny fibebaha ho amin'ny famelan-keloky noho gny ota. ⁵ Gny tanin'i Jodia iaby voho gny olo iaby ao Jerosalema la avy namonjy gnazy. Nataony batisa tao amin'ny onin'i Jordana rozy, lafa niaiky gny fahotany. ⁶ Jaona la nignisy siky volon-drameva voho nanao fehikibo holitsy teo am-balahany, ka galala voho gny tantely remby ro nihaniny. ⁷ nagnambara ie hoe:" Misy ho avy magnaraky gnahy zay mahery mandilatsy gnahy, sady tsy mendriky ahy ndra la gny hamaha gny feh-kapany aza. ⁸ Zaho nanao batisa gnanareo tamin'ny rano, fa Ie koa hanao batisa gnanareo amin'ny Fagnahy Masy." ⁹ Tamin'ireo andro niavian'i Jesosy bakagny nazareta tao Galilia ro nitranga io, sady nataon'i Jaona batisa tao amin'ny onin'i Jordana Ie. ¹⁰ Laha vao niboaky gny rano Jesosy , la hitany nisokatsy gny lagnitsy sady nizotso teo aminy manahaky gny voromahilala gny Fagnahy. ¹¹ Sady nisy feo bakagny an-dagnitsy nanao hoe:" Iha ro Anako malalako . Iha ro sitrako." ¹² Bakeo la nataonin'ny Fagnahy ho agny agn'efitsy Jesosy. ¹³ Efapolo andro Ie ro tagny agn'efitsy, nalan'ny satana fagnahy. Nipetray niaraky tamin'ny bibilia Ie, voho nanompo Gnazy reo anjely. ¹⁴ Sady lafa voasambotsy Jaona , la avy tao Galilia nitory gny filazantsaran-Dranagnahary, ¹⁵ sady niresaky hoe:" Fa avy gny fotoa, voho fa mariniky gny fanjakan-Dranagnahary. Mibebaha la minoa gny filazantsara." ¹⁶ Lafa nandeha tegny amoron-dranomasin'i Galilia Ie, la nahajery gnan'i Simona voho Andrea rahalahin'i Simona nagnarato, fotony mpagnarato rozy. ¹⁷ Hoy Jesosy tamin-drozy hoe:" Avia , magnaraha Gnahy, fa ataoko mpagnarato olo nareo." ¹⁸ Teo eo la nagnenga gny harato rozy ka nagnaraky Gnazy. ¹⁹ Lafa nandeha lavidavitsy Jesosy, la nahita gnan'i Jakoba anak'i Zebedio voho Jaona rahalahiny; zay tao an-tsambokely namboatsy gny harato. ²⁰ Nikaiky gnan-drozy Ie ka la nilaozany tao an-tsambokely avy hatragny Zebedio babany niaraky tamin'ireo mpikarama, ka nagnaraky Gnazy rozy. ²¹ Bakeo la avy tao Kapernaomy rozy, sady tamin'ny andro Sabata , la nilitsy tao amin'ny Synagoga Jesosy ka nampianatsy. ²² Tandregna tamin'ny fampianarany rozy, fotony nampianatsy gnan-drozy manahaky gny olo mana fahefa Ie fa tsy manahaky reo mpanora-dalagna. ²³ Bakeo nisy johary raiky tao amin'ny synagogan-drozy zay nana fagnahy maloto nikoraky mare, ²⁴ nanao hoe;" Ino ro hifandraisany aminao, ry Jesosy bakagny Nazareta? Avy hamotiky gnanay va Iha? Haiko hoe ia Iha. Iha zay Masin-Dranagnahary!" ²⁵ Niresaky mare gny demonia Jesosy ka nanao hoe:" Mangina ka miboaha aminy!" ²⁶ Sady gny fagnahy maloto nandova gnazy voho niboaky taminy ka nikaiky tamin'ny feo mahery. ²⁷ Tandregna gny olo manontolo, ka nifagnontany rozy hoe:" Ino toy? Fampianara vaovao misy fahefa? Baikony ndra la reo fagnahy maloto aza ka la magnenky Gnazy rozy!" ²⁸ Gny vaovao momba Gnazy la niparitaky tegny tao amin'ny farits'i Galilia ray manontolo. ²⁹ Lafa baka niboaky gny synagoga , la avy tao an-tragnon'i Simona voho Andrea rozy, niaraky tamin'i jakoba voho Jaona. ³⁰ Sady gny rafozam-bavin'i Simona nandry nararin'ny tazo , ka niresahin-drozy gnan'i Jesosy gny momba gnazy. ³¹ La namonjy Ie, ka nandramby gnazy tamin'ny tagnany, sady nagnary gnazy, la afaky gny tazony , voho nanomboky nanompo gnan-drozy ie. ³² Tamin'io hariva io, tafaran'ny filentehan'ny masoandro, la nandesin-drozy teo aminy zay narary iaby na misy demonia. ³³ Tafavory niaraky teo am-baravagna gny tao an-tana iaby. ³⁴ Nagnasitsana olo maro zay nararin'ny arety sambihafa Ie sady nandroaky demonia maro, fa tsy nengany hiresaky reo demonia fotony nahay Gnazy rozy. ³⁵ Nifoha maray be Ie, laha mbo maiky gny andro; niala teo Ie ka nandeha tagny amin'ny toera mitoka sady reo Ie ro nivavaky. ³⁶ Nila Gnazy Simona voho reo zay niaraky taminy. ³⁷ Nahajery Gnazy rozy sady niresaky taminy hoe:' Mila Gnanao gny olo iaby." ³⁸ Hoy Ie hoe:" Andeha tsika ho agny amin'ny toera hafa, agny ivelany ao amin'ireo tana magnodidy , mba hahafahako mitory safa agny koa. Fa io ro antony niboahako tatoy." ³⁹ la nitety gnan'i Galilia manontolo Ie, nitory teny tao amin'ny Synagogan-drozy sady nandroaky demonia maro. ⁴⁰ Nisy boka raiky avy taminy teo .Nitalaho taminy ie; nandohaliky teo Aminy voho niresaky taminy hoe:" laha sitrakao, la afaky magnalio gnahy Iha." ⁴¹ Onana gnazy, la naninjitsy gny tagnany Jesosy voho nikasiky gnazy, nanao taminy hoe:" ⁴² Niala taminy avy hatragny gny haboka, ka nalio ie. ⁴³ Nampitandrina mare gnazy Jesosy ka nandefa gnazy. ⁴⁴ Hoy Ie taminy hoe:" Tandremo tsy hivola na ino ino amin'ia nia iha, fa mandehana, aseho amin'ny mpisoro gny vatanao , ka manaova fagnatitsy noho gny fagnadiova gnanao araky gny nandidian'i Mosesy, mba ho fijoroa vavolombelo ho gnan-drozy." ⁴⁵ Fa niboaky ie sady nanomboky nilaza tamin'ny olo iaby voho nampiely loatsy gny safa ka la tsy afaky nilitsy an-kalalaha atgny amin'ny tana iaby sasy Jesosy. Ka nipetraky tagny ivelany tagny amin'ny toera mitoka Ie ka namonjy Gnazy gny olo baka toera manontolo.