¹ Lafa vitan'i Jesosy io safa iaby io, la niresaky tamin'ireo mpianany Ie hoe:" ² Hainareo fa afaky roe andro la ho avy gny Paska, sady hatolotsy homboa amin'ny hazofijalia gny Anak'Olo." ³ Bakeo gny lehiben'ny mpisoro voho gny loholona niara-nivory tao amin'ny lapan'ny mpisorona-be, zay natao hoe Kaiafa. ⁴ Niara-nanao tetiky rozy mba hanambora mangina gnan'i Jesosy voho hamonoa Gnazy. ⁵ Fa hoy rozy:" Tsy ami'ny fety, mba tsy hisian'ny koronta eo amin'ny gn'olo." ⁶ Sady Jesosy lafa tao Betania tao an-tragnon'i Simona boka, ⁷ laha nipetraky nihina teo amin'ny latabo , la nisy ampela raiky nana tavoara alabastara feno menaky sarotsy vily namonjy Gnazy, la nandraraky gnan'io tamin'ny lohany. ⁸ Fa lafa hitan'ireo mpianany io, la nasiaky rozy ka nanao hoe:" Ino ro anton'izao fandania zao? ⁹ afaky avily sarotsy voho hamea reo mahantra io." ¹⁰ Fa Jesosy , nahay gnan'io , niresaky gnan-drozy :" nagnino nareo ro magnary say gnan'ny ampela io? Fa raha soa ro nataony tamiko. ¹¹ Eo aminareo mandrakariva gny mahantra , fa Zaho la tsy ho eo aminareo mandrakariva. ¹² Fa lafa nandraraky gnan'io menaky magnitsy io tamin'ny vatako ie, la nataony ho gnan'ny fandevegna Gnahy io. ¹³ Lazaiko marina aminareo, na ia ia hitoria gny filazantsara eto amin'izao tontolo manontolo zao, zay nataon'ny toy ampela toy la ho resahy avao ho fahatiarova gnazy." ¹⁴ Bakeo raiky tamin'ireo folo roamby lahy, zay atao hoe Jodasy Iskraiota, nagnagny amin'ny lehiben'ny mpisoro ¹⁵ sady nanao hoe:" Omeo nareo otrino aho hanolorako Gnazy aminareo?" Nandanja volafoty maliniky telopolo rozy ho gnazy. ¹⁶ Tamin'io fotoa io la nila fahafaha ie mba hanolora Gnazy amin-drozy. ¹⁷ Tamin'ny andro voalohan'ny mofo tsy misy lalivay la namonjy gnan'i Jesosy reo mpianatsy ka niresaky hoe:" aia ro tianao hagnomananay ho gnanao hihina gny sakafon'ny Paska?" ¹⁸ Namaly Ie hoe:" Milira ao an-tana misy johary raiky voho resaho ie hoe:"Hoy gny Mpampianatsy hoe:" Fa mariniky gny fotoako. Ato an-tragnonao Aho ro hanao gny paska miaraky amin'ireo mpianatso." ¹⁹ Nataon'ireo mpianatsy araky zay nandidian'i Jesosy gnan-drozy, sady nagnoma gny sakafon'ny paska rozy. ²⁰ Lafa avy gny hariva , la nipetraky nihina niaraky tamin'ny mpianatsy folo roamby Ie. ²¹ Lafa nihina rozy, la hoy Gnataony hoe:" Resahako marina aminareo fa hisy raiky aminareo hamadiky Gnahy." ²² Nalahelo rozy sady nanomboky nagnontany Gnazy gny kirakiraiky hoe:" tsy ho zaho mihitsy, ry Tompo?" ²³ Namaly Ie hoe:" zay niara-nagnatsoky gny tagnany tamiko tao agnaty finga ro gny raiky hamadiky Gnahy. ²⁴ Handefa gny anak'Olo, araky zay fa voasoratsy momba Gnazy. Nefa lozan'ny olo zay hamadiky gny Anak'Olo! Soa tokoa ho gnan'io olo io ro tsy teraka akory." ²⁵ Jodasy , zay hamadiky Gnazy niresaky hoe:" zaho va io, Raby o?" Hoy Ie taminy hoe:" Voalazanao." ²⁶ Laha mbo nihina rozy, la nangalaky mofo Jesosy, nisaotra, voho nanapaky gnan'io. nameany reo mpianatsy io, voho niresaky Ie hoe:" Rambeso , hano. Toy ro vatako." ²⁷ Nandramby gny kapoaky Ie sady nisaotra, voho nagnome gnan'io gnan-drozy ka niresaky hoe:" Nareo iaby, hinomo toy. ²⁸ Fa toy gny lion'ny fagnenkem-pilongoa arotsaky ho gnan'ny maro ho famelan-keloky. ²⁹ Fa resahako aminareo, fa tsy mbo nino gny vokatsy gny voaloboky sasy Aho, mandra-pihavin'ny finoma vaovao hiarahako aminareo agny amin'ny fanjakan'ny Babako." ³⁰ Lafa nihira hira fiderana rozy, la nandeha tagny amin'ny tendrombohits'i Oliva. ³¹ Bakeo hoy Jesosy tamin-drozy hoe:" Nareo iaby la hagnenga Gnahy noho gny amiko anio haly, fa voasoratsy hoe:" hamely gny mpiandry aondry Aho la hiparitaky gny aondry." ³² Fa afaran'ny fitsanganako amin'ny maty, la hialoha lala gnanareo agny galilia." ³³ fa Petera nanao taminy hoe:" Ndra la hagnenga nohon'ny aminao aza rozy, zaho tsy mba hagnenga mihintsy." ³⁴ Hoy Jesosy taminy hoe:" Resahako marina aminao, fa haly zao laha mbo tsy magneno gnakoho , la handa Gnahy intelo iha." ³⁵ Petera niresaky taminy hoe:" Ndra la tsy maintsy ho maty miaraky aminaoaza aho, la tsy handa gnanao." Manahaky gnan'io iaby ro niresahan'ireo mpianatsy hafa. ³⁶ Sady Jesosy nandeha niaraky tamin-drozy nagnagny amin'ny toera atao hoe Getsemane sady niresaky tamin'ny mpianatsy hoe:" Mipetraha eto laha mbo handeha ery hivavaky Aho." ³⁷ nanday gnan'i Petera mbamin'ny anak'i Zebedio roe lahy Ie sady nanomboky nalahelo voho ory. ³⁸ Bakeo hoy Ie tamin-drozy hoe:" fadiranova gny fagnahiko, manahaky gny fa ho maty. Mipetrara eto sady mihambena miaraky amiko." ³⁹ Nisitaky kely Ie, niankohoky sady nivavaky. Hoy Ie hoe:" Ry Babako,laha azo atao, la ao ala amiko toy kapoaky toy. Nefa , ao tsy araky gny sitrapoko ro atao , fa gny sitraponao." ⁴⁰ Namonjy reo mpianatsy Ie voho nahita gnan-drozy azon-droro, ka ho Ie tamin'i Petera hoe:" Ino , tsy mahavita miamby mimby miaraky amiko ndra la lera raiky aza va nareo? ⁴¹ Miambena voho mivavaha mba tsy ho azon'ny fakam-panahy nareo. Mety avao gny fagnahy, fa gny nofo ro malemy." ⁴² Mbo nandeha fagnindroe Ie sady nivavaky. Hoy Ie hoe:" Ry Babako, raha toa tsy azo ala amiko toy raha toy tsy misotro Aho, la hatao anie gny sitraponao." ⁴³ Nimpoly ndraiky Ie sady mbo nahajery gnan-drozy niroro, fa navesasy gny fijerin-drozy. ⁴⁴ Ka nagnenga gnan-drozy ndraiky Ie, lasa sady nivavaky fagnintelo, nilaza reo safa reo avao. ⁴⁵ Bakeo Jesosy namonjy reo mpianatsy ka nanao tamin-drozy hoe:" Mbo miroro voho miala sasatsy va nareo? Jereo, fa mariniky gny fotoa, sady gny Anak'Olo la hatolotsy eo an-tagnan'ireo mpanota. ⁴⁶ Mitsangana, andeha tsika. Jereo , fa mariniky lay hamadiky Ahy." ⁴⁷ Laha mbo niresaky Ie, la avy Jodasy, raiky amin'ireo folo roamby lahy. Nisy vahoaky maro avy niaraky taminy bakamin'ny lehiben'ny mpisoro voho reo loholona. Avy niaraky tamin'ny sabatsy voho langilangy rozy. ⁴⁸ sady nagnome famantara gnan-drozy gny johary hamadiky gnan'i Jesosy, aminao hoe:" zay horofako ,ro Ie. Samboro Ie." ⁴⁹ Teo ho eo avao la namonjy gnan'i Jesosy ie voho niresaky hoe:" Finaritsy, raby!" Sady nagnoroky Gnazy ie. ⁵⁰ Hoy Jesosy taminy hoe:" Ry sakaiza, ataovo za nalehanao eto." Bakeo avy rozy, maninjitsy tagna tamin'i Jesosy, sady nanambotsy Gnazy. ⁵¹ Ingo, raiky tamin'ireo niaraky tamin'i Jesosy naninjitsy gny tagnany, nagnatsoaky gny sabany, nikapa gny mpanompon'ny mpisoronabe, sady nahafaky gny sofiny. ⁵² Bakeo hoy Jesosy taminy hoe:" Ampolio amin'ny toerany gny sabatrao, fa reo zay mandramby sabatsy la hovonoa amin'ny sabatsy. ⁵³ Mieritreretra va nareo fa tsy afaky mikaiky gny Babako Aho, sady Ie la afaky mandefa Ahy tafik'anjely mandilatsy noho gny folo roamby? ⁵⁴ Fa atao akory io ro hahatanteraky gny Soratsy Masy, zay milaza fa tsy maintsy hitranga io?" ⁵⁵ Tamin'io andro io Jesosy niresaky tamin'ny vahoaky hoe:' avy miaraky amin'ny sabatsy voho langilangy hanambotsy Gnahy manahaky gny jiolahy va nareo? Isan'andro la nipetraky nampianatsy teo amin'ny tempoly Aho, fa ts nisamborinareo. ⁵⁶ Fa io iaby io la nitranga mba hahatanteraky zay voasorats'ireo mpaminany." bakeo nangnenga Gnazy reo mpianatsy manontolo ka nandositsy. ⁵⁷ nandesin'ireo nanambotsy Gnazy tagny amin'i Kaiafa mpisoronabe Jesosy, zay nivorian'ireo mpanora-dalagna voho loholona. ⁵⁸ Fa Petera nagnaraky Gnazy bakagny lavitsy nagnagny amin'ny kiajan'ny mpisoronabe. Nilitsy tao agnatiny ie sady nipetraky niaraky tamin'ireo mpiandry raharaha mba hahajery zay hiafarany. ⁵⁹ Sady reo lehiben'ny mpisoro voho reo Synedriona manontolo la nila fiampanga tsy marina manohitsy gnan'i Jesosy, mba mety ahafahan-drozy mamono Gnazy. ⁶⁰ Tsy nahajery ndra ino ino rozy, ndra la nisy mpijoro vavolombelo maro tsy marina avy aza teo. sady kelikely bakeo la nisy roe avy namonjy teo ⁶¹ sady niresaky hoe:" Io johary io la niresaky hoe:" Afaky mandrava gny Tempolin-Dranagnahary Aho sady mananga gnanio ndraiky afaky telo andro." ⁶² Nitsanga gny mpisoronabe ka nanao taminy hoe:" Tsy manan-kavaly va iha? Ino io hiampangan-drozy Gnanao io? ⁶³ fa nangina Jesosy. Hoy gny mpisoronabe taminy hoe:" mandidy Gnanao amin'ny alalan-Dranagnahary velo aho, lazao aminay laha Iha ro Kristy, Anakin-Dranagnahary." ⁶⁴ Jesosy namaly gnazy hoe:" Voalazanao. fa resahako aminareo , manomboky amin'izao la ho jerinareo gny Anak'Olo hipetraky eo antagna ankavanan'ny Hery, voho ho avy eo amin'ny rahon'ny lagnitsy." ⁶⁵ Bakeo gny mpisoronabe nanataky gny ankanjony sady niresaky hoe:" Nivola raty Ie! nagnino tsika ro mila mpijoro vavolombelo? Ingo, renareogny fivolagnan-draty zao. ⁶⁶ Ino ro hevitrareo?" Namaly rozy sady nanao hoe:" Mendriky gny ho maty Ie." ⁶⁷ bakeo rozy nandora gny tarehiny voho namango Gnazy, sady namely tehamaina Gnazy, ⁶⁸ sady nanao hoe:" Maminania aminay, ry Kristy. Ia ro namely Gnanao?" ⁶⁹ Sady Petera nipetraky ivelan'ny kianja, sady nisy mpanompo vavy avy namonjy gnazy niresaky hoe:" Iha avao koa la niaraky tamin'i Jesosin'ny Galilia." ⁷⁰ Fa nanda gnan'io teo agnatrehan-drozy ie, manao hoe:" tsy haiko zay resahanao." ⁷¹ Lafa niboaky gny vavahady ie, la nisy mpanompo ampela hafa nahita gnazy sady niresaky tamin'ireo zay teo hoe:" Toy johary toy avao koa la niarakay tamin'i Jesosy bakagny Nazerata." ⁷² Mbo nanda ndraiky ie niaraky tamin'ny fianianiana hoe:" tsy haiko io johary io!" ⁷³ Lafa afaky kelikely la namonjy reo zay nitsanga teo sady niresaky tamin'i Petera hoe:" Iha avao koa la tena raiky amin-drozy, fa gny fomba firesakao la miampanga gnanao." ⁷⁴ Bakeo ie nanaomboky nagnozo voho ninia ka anao hoe:" Tsy haikoio johary io." sady teo ho eo la nagneno gny akoho. ⁷⁵ Tiaron'i Petera gny safa nambaran'i Jesosy hoe:" Mbo tsy magneno gny akoho la handa Gnahy intelo iha." Bakeo ie niboaky sady nitagny mare.