¹ Laha misy olo manolotsy soro, zay fanati-pilongoa amin'ny raiky amin'ireo biby bakamin'ny andian'omby, na lahy na vavy, la ao ie hagnome biby tsy misy kilema eo agnoloan'i Yaveh. ² Hametraky gny tagnany eo an-dohan'ny fagnatitsy ie sady hamono izay eo ambaravaran'ny lay fihaogna. Sady reo anaky lahin'i Arona mpisoro hamafy gny lion'izay amin'ireo lafin'ny alitara. ³ Hanolotsy soron'ny fanati-pilongoa amin'ny bolo ho gnan'i Yaveh lay johary. Gny sabora zay mandrakotsy na mifandray amin'ny taovany, ⁴ vo reo voa roa vo gny sabora zay eo amin-drozy amin'ny alalan'ny valahiny, sady gny ilan'ny atiny, miaraky amin'ny voany__la ho alany izay iaby izay. ⁵ Reo anaky lahin'i Arona la hagnoro izay eo agnobon'ny alitara miaraky amin'ny fagnatitsy oroa, zay agnabon'ny kata fa mirehitsy. Hamoaky hagnitsy malemy ho gnan'i Yaveh izay; ho fagnatitsy oroa natao ho Gnazy amin'ny alalan'ny bolo izay. ⁶ Laha toa ka amin'ny aondry aman'osy ro soron'ny fanati-pilongoan'ilay johary ho gnan'i Yaveh; na lahy na vavy, la tsy maintsy manolotsy soro tsy misy kilema ie. ⁷ Laha manolotsy anak'aondry ho ataony soro ie, la tsy maintsy atolony eo agnoloan'i Yaveh izay. ⁸ Hametraky gny tagnany eo an-dohan'ny soro vo hamono izay eo agnoloan'ny lay fihaogna ie. Sady hamafy gny liony amin'ny sisin'ny alitara reo anaky lahin'i Arona. ⁹ Hanolotsy gny soron'ny fanati-pilongoa ho fagnatitsy natao tamin'ny bolo ho gnan'i Yaveh lay johary. Gny sabora, gny rambo vondraky manontolo la hotapahy marikitsy gny taolan-dambosy, sady gny sabora zay mandrakotsy reo taovany vo reo sabora iaby zay marikitsy reo taova, ¹⁰ sady reo voa roa vo gny sabora zay ao agnatin'ireo, zay ao agnatin'ny valahany, sady gny ila-atiny, miaraky amin'ireo voa__la ho alany izay iaby izay. ¹¹ La hagnoro izay iaby izay eo amin'ny alitara ho fagnatitsy oroa hohany ho gnan'i Yaveh mpisoro. ¹² Laha toa ka osilahy ro fagnatitr'ilay johary, la hanolotsy izay eo agnoloan'i Yaveh ie. ¹³ Ao ie hametraky gny tagnany eo an-dohan'ny osilahy sady hamono izay manoloa gny lay fihaogna. La hamafy gny lion'izay amin'ny lafin'ny alitara reo anaky lahin'i Arona. ¹⁴ Hanolotsy gny sorony natao tamin'ny bolo ho gnan'i Yaveh lay johary. Hangalaky gny sabora zay mandrakotsy reo fagnatitsy agnaty ie, sady gny sabora iaby mariniky reo faritsy agnaty. ¹⁵ Hangalaky gny voa roa vo reo sabora zay miaraky amin'ireo ie, zay agnilan'ny valahany, sady gny ila-atiny miaraky amin'ny voa. ¹⁶ Hagnoro izay iaby izay eo agnabo alitara ho fagnatitsy hohany natao tamin'ny bolo gny mpisoro, mba hamoaky hagnitsy malemy. An'i Yaveh gny sabora iaby. ¹⁷ Ho lalagna mandrakizay eo amin'ny avorohotanareo fara mandimby amin'izay toera iaby honenanareo izay, la ao tsy hihina sabora na lio nareo".