¹ Joda, mpanompon'i Jesosy Kristy raiky, rahalahin'i Jakoba, ho gnan'ireo kinaiky hoe, malala ao amin-Dragnanahary gny Baba, voho voatahiry ho gnan'i Jesosy Kristy: ² Hampitomboe ho agnaminareo anie gny famindram-po voho gny fiadagna sady gny fitiava. ³ Ry malala, laha igny nanao gny ezaky iaby hanoratsy ho gnanareo gny mahakasiky gny famonjea hiombognantsika igny zaho, la nanoratsy ho gnanareo aho mba hanosiky gnanareo hialy mare ho gnan'ny finoa zay fa natolotsy ndraiky avao ho gnan'ireo mpino. ⁴ Fa ho gnan'ny olo sasany nisisiky antsokosoko eo agnaminareo. Reo la olo voamariky ho gnan'ny fanameloha. Reo la olo raty fagnahy zay manevateva gny fahasoavan-Dranagnahary ho agny amin'ny fipozepozea, sady la tsy magnenky gny Andriana voho gny Tompo tokantsika, Jesosy Kristy. ⁵ Henanizao aho la te hampahatiaro gnanareo_na la fa hainareo tanteraky sady izay_fa gny Tompo la nagnavotsy gny olo aby tao amin'ny tany Egypta, fa tafaran'izay la naringany zay iaby tsy nino. ⁶ Sady reo anjely zay tsy nitandraky gny fahefa zay napetraky tamin-drozy, fa zay nagnenga gny fipetrahan-drozy_Ndranagnahary la namehy gnan-drozy tamin'ny fehy la traky farany, ao amin'ny maiky mare tanteraky, ho amin'ny andron'ny fitsara bevata. ⁷ Manahaky gnan'i Sodoma voho Gomora reo tana magnodidy gnan-drozy, zay nanolotsy gny vatan-drozy ho amin'ny fijangajanga voho gny fanaova fila tsy ara-boajanahary. La natao ohatsy amin'ireo zay mijaly amin'ny fagnasazia agny amin'ny bolo la traky farany rozy. ⁸ Nefa manahaky izay avao, reo mpanofinofy reo la mandoto avao koa gny vatan-drozy, sady mivola raha raty manohitsy reo manam-boninahitsy. ⁹ Fa ndra i Mikaela arikanjely aza, lafa nialy tamin'ny devoly voho nifandietsy tagnaminy mikasiky gny fatin'i Mosesy, la tsy nahasaky nivola raty hagnameloky gnazy. Fa hoy koa ie: " Hagnanatsy gnanao gny Tompo!" ¹⁰ Fa reo olo reo la mivola raty gny raha iaby tsy hainy. Sady ze hainy_manahaky gny fahalalan'ny biby tsy manan-tsay_izay ro manimba gnazy reo. ¹¹ Loza ho gnan-drozy! Fa laha nandeha tao amin'ny tanan'i Kaina rozy, sady nagnaraky gny fahadisoan'i Balama hahazoa tambiny. La rava tao amin'ny fikomian'i Kora rozy. ¹² Reo la gn'olo ze harambato mietaky ao amin'nyn hani-kateanareo. Mihina am-pahamegnara, mamoky gny vatan-drozy avao. Rozy la raho tsy misy rano, andesin-tsioky. Hazo faosa tsy misy voany_indroe maty, niala fototry. ¹³ Rozy la onjan-dranomasy mahery, mitopatopa mamorivory gny fahamegnaran-drozy. Kinta mivezivezy rozy, ka voatahiry ho gnazy zisiky farany gny hamaintiny gny mahiky. ¹⁴ Sady Enoka, gny faha fiton'i Adama, la fa naminany mikasiky reo, nivola hoe: " Ingo! Ho avy gny Tompo miaraky amin'ireo masiny amagnaliny. ¹⁵ Ho avy Ie mba hagnatanteraky gny fitsara gn'olo iaby. Ho avy Ie hampagneky gny olo raty fagnahy iaby tamin'ny asa vitany tamin'ny haratiam-pagnahiny, sady reo safa mare iaby ze nambaran'ny olo raty fagnahy hanohitsy Gnazy." ¹⁶ Reo la mpimonomono, voho mpimenomeno, ze magnaraky gny filan-dratin-drozy. Rozy la mpibohaboha fatratsy, nohon'ny tombotsoan-drozy manoka, la mandoka gny hafa.