¹ Toy ro zara-tanin'ny fokon'i Manase( zay lahimatoan'i Josefa)__izany hoe, ho gnani Makira, zay lahimatoan'i Manase voho gny vatany zay rain'i Gileada. Gny tanin'i Gileada voho basana la notendre ho gnan'ireo avorohotan'o Makira, fotony Makira la joharin'aly. ² Gny tany la notendre ho gnan'ny fokon'i Manase, namea reo fokon-drozy_la i Abi-ezera, Heleka, Asriela, Sekema, Hefera, voho Semida. Reo ro avorohota lahin'i Manase anakay lahin'i Josefa, natolotr'ireo fokon-drozy. ³ Sady Tselofehada anaky lahin'i Hefera anak'i Gileada anak'i Makira anak'i Manase la tsy nana gnanaky lahy, fa anaky ampela avao.Reo iaby gny agnaran'ireo anaka ampelany: Mahala, Noha, Hogla, Milka, voho i Triza. ⁴ Namonjy gnan'i Eleazara lay mpisoro , Josoa anaky lahin'i Nona, voho reo loholon-drozy, sady hoy rozy hoe:' Yaveh ro nandidy gnan'i Mosesy hagnome antsika lova miaraky amin'ireo raharahantsika." Nohon'io gny fagnarahan'ireo lilin'i Yaveh, ro nagnomezany lova ho gnan'ireo ampela reo teo amin'ireo rahalain-drain-drozy. ⁵ Gny tsinjaran-tany folo tao Gileada voho Basana la nontendre ho gnan'i Manase, ze egny am-pitan'i Jordana, ⁶ fotony reo anaky ampelan'i Manase la nandramby lova niaraky tamin'ireo anany lahy. Gny tanin'i Gileada la notendre ho gnan'ny ambin'ny fokon'i Manase. ⁷ Gny faritanin'i Manase la avy hatragny Asera ka hatragny Mikmetata, ze agny antignanan'i Sekema. Sady gny sisin-tany la nandeha nagnantigna nagnagny amin'ireo ze mipetraky agnilan'ny faritanin'i Topoa. ⁸ ( Gny tanin'i Topoa la gnan'i Manase fa ingo gny tana-dehiben'i Topoa eo amin'ny sisin-tanin'i Manase koa la gnan'ny fokon'i Efraim.) ⁹ Gny faritany la mizotso magnagny amin'ny lohasahan-driakin'i Kana. Reo tana antimon'ny lohasahan-driaky eo amin'ny tana-dehiben'i Manase la gnan'i Efraima. Gny faritanin'i Manase la agny avaratsy gny lohasahan-driaky, sady miafara agny amin'ny ranomasina. ¹⁰ Gny tany antimo la gnan'i Efraima, sady gny tagny agny avaratsy la gnan'i Manase; gny ranomasina ro faritany. agny amin'ny sisiny avarats'i Asera, ka hatragny amin'ny antignana, la i Isakara. ¹¹ Agny Isakara voho agny Asera avao koa, Manase la nana gnan'i Beti-sana voho reo tanany, Ibleama voho reo tanany, reo olon'i Dora voho gny tanany, reo olon'i En-dora voho gny tanany, reo olon'i Tanaka voho gny tanany, sady reo olon'i Megido voho gny tanany (sady gny tana fahatelo la i Naftea). ¹² Mbo tsy afaky mangalaky ho fanagna gnan'ireo tana reo gny fokon'i Manase, fotony reo Kananita la mbo mipetraky ao amin'io tany io. ¹³ Lafa niha-natanjakay gny fokonolon'Israely, la noteren-drozy hiasa reo Kananita, fa tsy norambesiny tanteraky. ¹⁴ Bakeo reo avorohotan'i Josefa nivola tamin'i Josoa , nanao hoe:' Nagnino ro asan'ny tany raiky avao ro natolotrao ho gnanay sady tsinjara raiky amin'ny lova, kanefa maro agn'isa rahay, sady fa notahin'i Yaveh rahay manontolo? ¹⁵ Hoy Josoa tamin-drozy :' Laha fokonolo maro agn'isa nareo , la miaraky agny anaty ala gny vatanareo voho tapaho reo hazo ao amin'ny tanin'i Periza voho Refaita agny . ataovo io, fotony gny havoan'ny firenenan'i Efraima la kely ho gnanareo." ¹⁶ Hoy reo avorohotan'i Josefa:' Tsy ampy gnanay gny havoana. fa reo Kananita ze mipetraky agny amin'ny lohasaha la mana kalesy vy, rozy agny Beti-sana voho gny tanany, sady rozy ze agny amin'ny lohasahan'i Jezirela. ¹⁷ Sady hoy i Josoa tamin'ny avorohotan'i Josefa tamin'i Efraima voho Manase;' Fokonolo maro agn'isa nareo, sady mana hery bevata. Tsy tokony ho zaran-tany raiky avo ro notendre ho gnanareo. ¹⁸ Gny havoana avao koa la ho gnanareo. Na gny alan'io, la ho tapanareo ka ataovo fanagna hatragny amin'ny sisiny lavitsy mare io. Hamoaky reo Kananita nareo , ndra la mana kalesa vy aza rozy, ndra la matanjaky aza rozy."