¹ Tamy vola fahafito tamy andro faha roapolo raikamby vola,la avy tamin'ny alalan'i Hagay mpaminany gny safan'i Yaveh ,nanao hoe:" ² Milaza amin'ny governoran'i Joda,la i Zerobabela anaky lahin'i Sealtiela,voho amy gny mpisoro be la i Josoa anak'i Jehozadaka,voho amy gny sisan'ny olo.Lazao hoe: ³ "Ia aminareo ro tavela nahita toy tragno toy tamin'ny voninahiny taloha? Manao akory gny fahitanareo io amizao? Tsy intoy va raha tsy misy lanjany aminareo io? ⁴ Amizao,matanjaha,ry Zerobabela!_io ro fagnambaran'i Yaveh_voho ,matanjaha,ry mpisoro be la i Josoa anaky lahin'i Jehozadaka;sady matanjaha nareo olo iaby amin'ny tany!_io ro fagnambaran'i Yaveh_sady miasa,fa hitahy anareo Zaho!_io ro fagnambaran'i Yaveh Tompon'ny maro. ⁵ Io fagnenkea zay naoriko taminareo laha niboaky tagny Egypta nareo,sady mipetraky ao agnatinareo gny fagnahiko.Fa ka matahotsy! ⁶ Fa zao ro lazain'i Yaveh Tompon'ny maro :Ao agnatin'ny anmdro kelikely la hagnozongozo gny lagnitsy voho gny tany,gny riaky voho gny tany maiky ndraiky Zaho! ⁷ Hagnozongozo gny firenena manontolo,sady handay reo raha sarobidy eto Amiko gny firenena manontolo, sady ho fenoako voninahitsy toy tragno toy, hoy Yaveh Tompon'ny maro. ⁸ Gnahy gny volafoty voho gny volamena!_io ro fagnambaran'i Yaveh Tompon'ny maro. ⁹ Gny voninahitsy toy tragno toy la ho bevata amy gny hoavy noho gny tagny amboalohany,hoy i Yaveh Tompon'ny maro:" sady eto amy toy toera toy ro hagnoimezako fiadagna!_io ro fagnambaran'i Yaveh Tompon'ny maro," ¹⁰ Tamy andro faha roapolo efatsamby vola faha sivy,tamin'ny tao faha roe nanjakan'i Dariosa,la avy tamin'i Hagay mpaminany gny safan'i Yaveh, nanao hoe ¹¹ "Izao ro lazain'i Yaveh Tompon'ny maro: Magnontania reo mpisoro mahakasiky gny lalagna,ka lazao hoe: ¹² "Laha misy olo manday hena zay voatoka ho gnan'i Yaveh ao amin'ny volan'akanjony,sady mikasiky mofo na hany,divay na dil;oilo lay valonany,na zay karazanm-tsakafo,la tsy lasa masy va ie?" Namaly reo mpisoro ka nanao hoe:"Tsia." ¹³ La hoy i Hagay:" Laha misy olo zay maloto amin'ny faty mikasiky reo raha reo,tsy manjary maloto va reo?" Namaly reo mpisoro ka nanao hoe:" Eka alsa maloto reo." ¹⁴ La namaly Hagay ka nanao hoe:" La manahaky an'io koa olo reto voho firenena toy eo agnatrehako!_io gny fagnambaran'i Yaveh_sady manahaky an'io koa gny raha iaby vitan'ny tagnan-drozy, ze atolotsin-drozy Gnahy la maloto. ¹⁵ Ka amizao,hevero ao an-tsainareo gny lasa ka hatramizao andro zao. Talohany gny nametraha gny vato agnabon'ny vato tao an-tempolin'i Yaveh, ¹⁶ la nanao akory io? Laha ave teo amin'ny antontam-bary roapolo fatra nareo,la folo avao ro nisy,sady laha avy teo amin'ny vatan-divay mba handraoky dimampolo fatra nareo ,la roapolo avao ro nisy. ¹⁷ Namely anareo voho gny asany gny tagnanareo manontolo tamy vary voho gny maty foty Zaho,nefa mbo tsy nimpoly tamiko avao nareo_io ro fagnambaran' Yaveh. ¹⁸ Hevero manomboky mizao andro zao,ka hataramin'ny nandro faha roapolo efatsambin'ny vola fahasivy,hatramin'ny andro zay nametraha gny fototry gny tempolin'i Yaveh. Hevero io! ¹⁹ Mbo misy voa va ao amin'ny tragno fagnajaria? Tsy namokatsy gny divay,gny hazon'aviavy , gny ampongaben-dagnitsy ,sady gny hazon'oliva! Fa manomboky amizao la hitahy gnanareo Zaho!" ²⁰ La avy fagnindroe tamin'i Hagay tamin'ny andro faha roapolo efatsambin'ny vola gny safan'i Yaveh nanao hoe:" ²¹ Milaza amin'i governora n'i Joda,la i Zerobabela,ka lazao hoe: "Hagnozongozo gny lagnitsy voho gny tany Zaho. ²² Fotony haravako gny seza fiandrianan'ireo fanjaka voho hopotehiko gny herin'ireo fanjakan'ny firenena! Haravako reo kalesa voho reo mpanday an'io; ho lavo reo soavaly voho gny mpanday an'io, gny kirakiraiky lavo noho gny sabatsy gny rahalahiny. ²³ Amin'io andro io__io ro fagnambaran'i Yaveh Tompon'ny maro__ la halako iha, ry Zerobabela anak'i Sealtiela,ho mpanompoko__io gny fagnambaran'i Yaveh. Hataoko manahaky gny peratsy fanombohan-kase iha,fa fa nifily gnanao Zaho! io ro fagnambaran'i Yaveh Tompon'ny maro!"