¹ Lafa jereny fokon 'olo nirehindrehitsy hizotso baka am-bohitsy egny i Mosesy , la mivory magnodidy an'i Arona rozy ka manao taminy hoe ;"Avia ,manova aoly ho anay mba hitaraky gny lalan- tsika . Fa laha gny Mosesy igny, ze johary nanday an-tsika niakatsy bakagny ami- gny tany Egypta,la tsdy hainay ze nahazo azy." ² La hoy Arona tamin- drozy hoe:"Alao gny kiviro volamena ze egny ami-gny sofiny gny vaalinareo , ndraiky egny ami- gny sofiny gnanakareo johary ndraiky vavy,la andeso agn'amiko." ³ La samby mamotaky gny kiviro volamena tami- gny fokon'olo iaby ka nanday an'izay tagnamin'i Arona . ⁴ Nandramby gny volamena bakamin-drozy ie ,ka mamboatsy, ndraiky mamboatsy azy ho gnanak'aomby namboarimboary. la hoy gny fokon' olo hoe"Israely,intoy ro an-dranagnaharinao nanday anao niakatsy baka Egypta tagny." ⁵ Ka lafa hitan' i Arona raha zay ,la nagnamboatsy alitara tangnatrehany gny anak'aomby ie ka nanao fagnambarana, hoy gnataony hoe:"Ho andro fifalia ami- gny voninahin' i Yaveh hamaray ." ⁶ Nifoha marandray gny foko'olo hamaray nio ka nagnome fagnatitsy haroa ndraiky fagnati- pilongoa .bakeo la mifitaky hihina ndraiky ihino rozy, voho mitsanga nanao lily fankalaza timbotimbo. ⁷ Bakeo nigny Yaveh nisafa tamin' i Mosesy hoe:"mandehana malaky, fotony manao raty, fokon'olonao ,nandesinao miakatsy baka ami- gny taniny gny Egypta tagny . ⁸ Nivio malaky tami gny lala nibaikoako an- drozy rozy. namboatsy aomby kelikely ho an - drozy rozy ka nanompo ndraiky nanao soro ho any gny raha io . Hoy rozy hoe :" Ry Israely,intoy ro an- dranagnaharinao nandray anao niakatsy taminy gny Egypta bakagny." ⁹ La hoy Yaveh tamin ' mosesyhoe:" fa jeriko retoa fokon'olo retoa .Ingo , fokon'olo mahery ahavaky rozy. ¹⁰ Ka androany, ka manaha ahy sasy. Hirehitsy amin-drozy siakiko,halingako rozy . Lahanao firenenena bavata baka aminao aho." ¹¹ Fa miezaky nanambitamby an'i Yaveh an-dranagnahariny i Mosesy. Hoy ie hoe:" Yaver nagnino gny siakinao ro mirehitsy anmi- gny fokonon'olonao ,nandesinao baka Egypta bakagny tami- gny hery bavata ndraiky tagna mahery? ¹² Nagnino Egyptiana reo ro tokony hivola hoe:" fikasagna raty ro nitarihany aaaaan-droozy hiboaky,mba hamonoa gnan-drozy am-bohitsy agny ndraiky handrava gnan- drozy hiala ami-gny tany? Miala ami- gny siakinao voho tampiho toy fandilovana ami-gny fokon'olonao toy . ¹³ Tiarovo Abrahama ndraiky Isaka voho Isaraely ,mpanomponao, niangnanao ka nivolagninao tamin- drozy hoe:"hagnamaro gny taranak'areo manahaky gny basia aaaan- dagnitsy egny aho ,ndraiky omeako gny taranak'areo gny tany iaby ze fa nivolagniko taminareo. Handova any zay mandrakizay rozy ." ¹⁴ bakeola nandefitsy tamigny fandilovana ze ny safagniny fa hasehony ami-gny fokon'olony i Yaveh . ¹⁵ bakeo la nitoliky i Nosesy ndraiky nidrotso bakam- bohitsy egny , nanday ato pisaky roa tan- tagnany tegny misy gny lalany gny fagnekea .samby voasoratsy gn y andininy roa ami- gny vato gnan' aloha ndraiky afara . ¹⁶ Asan- dranagnahary manoka vato reo ,ndraiky sora -tagnan- dranagnahary manoka gny soratsy voasikotra ami- gny vato pisaky reo. ¹⁷ lafa jan'i josoa gny tabatabany gny fokon'olo ze nikoraky ,la hoy ie tamin' i Mosesy hoe :" tsy feony gny aly ami-gny toby ao." ¹⁸ Fa hoy Mosesy hoe :" tsy feony gny mpandresy zao reko zao , voho tsy feony gn' olo resy fa feony gn'olo miantra ro reko." ¹⁹ Ka lafa namonjy gny toby Mosesy , la nahajery gny anak' aomby ndraiky fokonolo mitsinjaky. Nasiaky mare ie. Ka natorakiny baka an-tagnany tegny vato pisaky regny ndraiky ny pinotikiny tam- baniny gny vohitsy ao. ²⁰ Nalany gn'anak' aomby namboariny gny fokonolo, noroany ,ndraky notorotoroany soa ho lemboky ,ka narahiny tan-drano agny .bakeo nampinominy gny fokonolo Israely . ²¹ La hoy i mosesy tamin'iArona hoe :"Ino ro nataon-dreto fokonolo rety taminao ro la nagnandesana fahota bevata manahaky any zao rozy? ²² Fa hoy Arona hoe:"ka enga hirehitsy gny siakao, tompoko .Hainao reo fokonolo reo. gny fahasakian- drozy hanao raty. ²³ Hoy rozy tamiko hoe:Agnamboaro NDragnahary hitariky lala ho anay rahay fa laha gny ami- gny Mosesy igny ,johary nanday anay niakatsy baka Egypta tagny, la tsy hanay ze nahazo azy . ²⁴ Ka hoy tamin-drozy hoe:Na ia na ia mana volamena ,la ao ie hangalaky an' izay:Namean-drozy ahy gny volamena lanatorako ta gnatin'olo volio baka ami-gny zay ro nahazahoanay toy aomby kelikely toy" ²⁵ Jerin' i mosesy fa manao fandesan-tena tsy mangnevan-drozy gny fokonolo ( fotony nengan'i Arona hanaontao fahatany rozy, nagnenga gny fahavalon-drozy handatsa androzy rozy). ²⁶ Bakeo mosesy nitsanga tami-gny filira magnami-gny toby ka nanao hoe:" Na ia na ia miaraky amin'i Yaveh, la mandehana agn' amiko etoy. " Nivory nagnodidy azy gny levita iabiaby. ²⁷ Hoy ie tamin-drozy hoe: "Yaveh An- dranagnaharin' Israely, nivola hoe: 'Ao gn' olo kiraindraiky hanao gny mesony ambaniany ndraiky hiriorio ami-gny isam-baravara magnera gny toby, ka hamono gny rahalahiny, gny namany voho gny namany agn' aminy."' ²⁸ Nataony reo Levita ze nibaikoa an' i mosesy. Tamign' andro io la teo ami-gny telo arivo gn' olo maty. ²⁹ Hoy mosesy tamy reo levita hoe: " Henan' izao la natao ho mpanompon' i Yaveh nareo,fotony namono gny anakiny draiky gny rahalahiny nareo iaby iaby, mba hagnomezan' i Yaveh fitahia ho anareo androany. ³⁰ Gny hamarain' igny la hoy Mosesy tami-gny fokonolo hoe : " Nanao fahota bavata vatany nareo. Androany la hiakatsy agnamin' i Yaveh zaho. Vasa afaky manday fagnavota ami-gny fahotanareo zaho." ³¹ La nimpoly tagnamin' i Yaveh tagny i Mosesy ka nanao hoe: " Fe la! Nanao fahota bevata vatany rety fokonolo rety ndraiky namboatsy aoly vita tami-gny volamena ho any gny vatan- drozy. ³² Fe androany, engao lahy gny fahotan-drozy: fa laha tsy zay la alao ami-gny boky nisinoratsao gn' agnarako." ³³ Hoy Yaveh tamin' i Mosesy hoe " Na ia na ia nanonta tamiko, la alako agnaty boky gnagnaran' olo zay. ³⁴ Ka mandehana henan' ity, tariho ho agny ami-gny toera ze fa nivolagniko anao gny fokonolo. Ingo, hitariky anao gny anjeliko. Fa ami-gn'andro handilovako an-drozy, la ho liloviko nohony gny fahotany rozy." ³⁵ Bakeo nigny Yaveh nandefa loza tami-gny fokonolo fotony rozy nagnamboatsy any gny aomby kelikely, nataon' i Arona.