¹ Laha misy olo mangalatsy aomby na aondry ka mamono zay na mivarotsy zay, la tsy maintsy manonitsy aomby dimy ho an'ny aomby raiky, sady aondry efatsy ho an'ny aondry raiky. ² Laha misy mpangalatsy tratsy mamaky tragno, sady laha vonoe ie ka maty, la tsy misy fanameloha nohon'ny vovo-olo hamatora na ia na ia nohon'ny aminy amin'izay tratsy zay. ³ Fa laha niposaky gny masoandro talohan'ny namakiany gny tragno, la hamatotsy lay olo zay namono gnazy, gny fanameloha amin'ny vovo-olo. Tsy maintsy manonitsy gny nangalariny gny mpangalatsy. Laha tsy mana na ino na ino ie, la tsy maintsy havily nohon'ny fangalarany. ⁴ Laha hita velo egny an-tagnany lay biby nangalariny, na aomby zay, na apondra, na aondry,la tsy maintsy hanohitsy avo roa heny zay ie. ⁵ Laha misy olo magnenga gny biby fihare hiraoky egny am-baibo na egny amin'ny tanim-boaloboky sady magnenga reo bibiny ho tsobo, ka mandraoky egny amin'ny sahan'ny olon-kafa zay, la tsy maintsy manonitsy amin'izay soa mare ao amin'ny baibony manoka vo zay soa mare amin'ny tanim-boalobony manoka ie. ⁶ Laha misy afo mirehitsy ka mihitatsy amin'ny fatiky sady mahazo gny voam-bary, na vary voajinja, na baibo, la azo antoky fa tsy maintsy hanonitsy lay raiky zay nampirehitsy gn'afo. ⁷ Laha misy olo magnome jala na hanagna amin'ny namany aminy mba hiarovany zay, sady laha nangalariny tao an-tragnon'ilay olo zay, ka hita lay mpangalatsy, la tsy maintsy hanonitsy avo roa heny lay mpangalatsy. ⁸ Fa laha tsy hita lay mpangalatsy, la tsy maintsy avy alohan'ireo mpitsara lay tompon-tragno mba hijery raha gny tagnany avao ro nangalatsy gny fanagnan'ilay namany aminy. ⁹ Fa gny fifandira iaby momba gny raha raiky, na aomby zay, na apondra, na aondry, na salotsy, na reo raha hafa tsy ampy momba zay safan'iraiky hoe: " Gnahy toy," la tsy maintsy avy eo alohan-drozy mpitsara gny fitaraignan'ireo antoko roa. Lay olo zay namelohan'ny mpitsara la tokony haninitsy avo roa heny amin'ny namany. ¹⁰ Laha misy olo magnome apondra, na aomby, na aondry na biby hafa ho tegirizin'ny mpiara-belo aminy, ka laha maty zay na maratsy na nisy nanday ka tsy nisy nahita, ¹¹ la tsy maintsy mifanta amin'i Yaveh reo roa reo, laha nisy olo raiky na tsia nangalatsy gny fanagnan'ny mpiara-belo agnaminy. Tsy maintsy manaiky zay gny tompony, sady tsy hanohitsy lay raiky hafa. ¹² Fa laha nangalariny taminy zay, la tsy maintsy manohitsy zay amin'ilay tompony gny hafa. ¹³ Laha nisy biby noviravira, la ao lay olo hafa handay lay biby ho porofo. Sady tsy hanohitsy zay fa niviravirany ie. ¹⁴ Laha misy olo mandrava biby amin'ny mpiara-belo agnaminy ka naratsy na maty lay biby nefa tsy nisondry tamin'ny tompony, la tsy maintsy manonitsy lay olo hafa. ¹⁵ Fa laha nisondry tamin'izay lay tompony, la tsy mila manohitsy lay olo hafa; laha nofainy lay biby, la honera amin'ny hafany zay. ¹⁶ Laha johary misariky virijiny zay mbo tsy nanambaly, sady laha miara-miroro agnaminy ie, la tsy maintsy mangalaky gnazy ho valy ie amin'ny alalan'ny tampi-maso taky amin'izay. ¹⁷ Laha manda tanteraky gny hanomeza gnazy ho gnazy gny babany, la tsy maintsy manonitsy jala mitovy amin'ny tampi-maso ho an'ny virijiny ie. ¹⁸ Tsy tokony hagnenga gny mpanandro ho velo iha. ¹⁹ Na ia na ia miara-miroro amin'ny biby la tsy maintsy ho vonoe vatany. ²⁰ Na ia na ia manao soro ho an-Dranagnahary afa-tsy Yaveh la tsy maintsy hosimba tanteraky. ²¹ Ao tsy handiso reo vahiny na hampijaly gnazy iha, fotony iha la vahiny tagny amin'ny tany Egypta. ²² Ao tsy hampijaly gny mpitondra-tena na aja kamboty baba mihitsy iha. ²³ Laha mampijaly gnan-drozy loatsy iha, ka mikaiky Gnahy an-drozy, la ho jako tokoa gny kaikin-drozy. ²⁴ Hirehitsy gny fahatezerako, sady ho vonoeko amin'ny sabatsy iha; hanjary ho mpitondra-tena gny valinao, sady ho kamboty baba reo anakao. ²⁵ Laha mampindra jala ho an'ny oloko zay mahantra eo agnaminao iha, la ao tsy ho manahaky gny mpampindra jala aminy iha na manjakam-bola gnazy. ²⁶ Laha mangalaky gny salon'ny namanao ho antoky iha, la ao hampolinao agnaminy zay alohan'ny hilentehan'ny masoandro, ²⁷ fa zay avao ro fisaora ho gnazy; zay ro salony ho an'ny vatany. Ino avao koa ro afaky hantoriany? Lafa mikaiky Gnahy ie, la hahare gnazy Zaho, fotony be fangoraha Zaho. ²⁸ Ao iha hisafa raty Gnahy, Ndranagnahary, na hagnozo gny mpanjaka gny vahoakinao. ²⁹ Ao tsy hitanjaky reo fanatitsy bakagn'amin'ny vokatsy gny taninao na reo famiazam-boalobokao iha. Ao ho menao Gnahy gny talagn'olonao. ³⁰ Sady ao hanao zay amin'ireo aomby vo aondrinao avao koa iha. Fa amin'ny andro fahafito la afaky hipetraky misondry amin'ireo renin-drozy, fa amin'ny andro fahavalo la tokony hameanareo gnahy. ³¹ Ho olo voatoka ho Gnahy nareo. Noho zay la tsy tokony hihina hena zay fa noviravirain'ny biby tegny am-baibo nareo. Fa koa, ao hapitsinareo ho an'ny amboa izay.