¹ Sady reo ro lily zay tsy mainsty hapetrakinao eo agnoloan-drozy: ² ' Laha mivily mpanompo Hebreo iha, la hanompo agnatiny gny enin-tao ie, sady amin'ny tao fahafito la handeha malalaky tsy hagnefa na ino na ino ie. ³ Laha ie vatany ro avy, la tsy maintsy mandeha an-kalalaha gny vatany; laha manambaly ie, gny valiny la tsy maintsy mandeha an-kalalaha misondry agnaminy. ⁴ Laha nagnome valy ho gnazy gny tompony ka niteraky aja johary na aja ampela tagnaminy ie, la gny valiny sady tsy maintsy mandeha an-kalalaha gny vatany. ⁵ Fa laha nisafa mazava soa lay mpanompo hoe: " Teako gny tompoko, gny valiko vo reo anako; tsy handeha am-pahalalaha zaho", ⁶ la ao handay gnazy eo amin-Dranagnahary gny tompony. Tsy maintsy handay gnazy eo am-baravara na tolam-baravara lay tompony, ka tsy maintsy tevehin'ny tompony amin'ny haolo gny sofiny. Sady la hanompo gnazy agnatiny gny ainy lay manompo. ⁷ Laha misy johary mivarotsy gny anany ampela ho mpanompo ampela, la tsy handeha an-kalalaha manahaky lay mpanompo johary ie. ⁸ Fa laha tsy mahafaly gny tompony ie, zay nifily gnazy ho an'ny vatany, la ao ie hagnenga gnazy hoviliny ndraiky. Tsy manan-jo hivarotsy gnazy min'ny vahiny ie. Tsy manan-jo manahaky zay ie, fotony namitaky gnazy. ⁹ Laha filin'ny tompony ho manahaky gny valy ho an'ny anany johary ie, la tsy maintsy handay gnazy atoy gny anany ampela ie. ¹⁰ Laha mangalaky valy hafa ho gnazy ie, la tsy tokony hampihena gny sakafony, gny salony, na gny zo ara-panambaliany. ¹¹ Fa laha tsy magnome gnazy reo raha telo reo, la afaky mandeha ankalalaha ie sady tsy mandova vola. ¹² Na ia na ie mamono olo ka mahafaty gnazy, la ao ho vonoe vatany olo zay. ¹³ Fa laha tsy nagnoma mialoha zay lay johary, fa tsy sitrampony koa, la hanondro toera hahafahany mandositsy zaho. ¹⁴ Laha manafika an-tsitrapo gny mpiara-belo aminy gny olo raika ka mamono gnazy amin'ny hevi-petsy, la tsy ao halainao ie mba homaty, na la agny amin'ny alitara an-Dranagnahary aza ie. ¹⁵ Na ia na ia mamango gny babany na gny reniby la tsy maintsy hovonoe ie. ¹⁶ Na ia na ia mangalaky an-keriny olo raiky ka mivarotsy gnazy, na tratsy tegny an-tagnany lay olo, la ao ho vonoe vatany zay mpangalaky an-keriny zay. ¹⁷ Na ia na ia magnozo gny babany na gny reniny la ao ho vonoe ie. ¹⁸ Laha mialy reo johary ka mamango gny raiky amin'ny vato na komondro, ka tsy maty zay olo zay, nefa tsy afaky miala eo am-piroroany; ¹⁹ sady laha tsy magnahy ie ka afaky mandeha amin'ny fampiasa gny tehy, la tsy maintsy magnohitsy lay fofot tsobo lay olo zay namango gnazy; sady tsy maintsy miantoky gny fanasitrana gnazy tanteraky avao koa ie. Fa zay olo zay la tsy meloky amin'ny famonoa. ²⁰ Laha misy olo mamango gny mpanompony johary na gny mpanompo ampelany amin'ny tehy, ka laha maty nohon'ny ratra lay mpanompo, la tsy maintsy ho sazy vatany zay olo zay. ²¹ Nefa, laha miana agnatiny gny andro raiky na roa lay mpanompo, la tsy tokony ho sazy lay tompony, fotony hijaly amin'ilay fahaverezan'ny mpanompony ie. ²² Laha mialy vo mandratsy ampela bevoka reo johary, ka afa-jazam ie, nefa tsy misy ratra hafa egny aminy, la johary meloky la tsy maintsy magnantanteraky zay sitrapony valin'ilay ampela bakagny amin'ny sady tsy maintsy manohitsy zay araky gny famaritan'ny mpitsara ie. ²³ Fa laha misy ratra bevata koa, ²⁴ la tsy maintsy magnome ay ho solon'ny ay, maso ho solon'ny maso, nify solon'ny nify, tagna ho solon'ny tagna, tomboky solon'ny tomboky, ²⁵ may ho soloin'ny may ratra na manga ho solon'ny manga ie. ²⁶ Laha misy olo mamango gny fijerin'ny mpanompo johariny na gny mpanompo ampelany ka manimba zay, lay tsy maintsy hagnenga lay mpanompo handeha an-kalalaha ho fanonera gny masony ie. ²⁷ Sady laha mangalaky gny hin'ny mpanompo johariny na mpanompo ampelany ie la tsy maintsy hagnega lay mpanompo handeha an-kalalaha ho fanonera gny hiny. ²⁸ Laha misy aomby manoto johary na ampela ka nahafaty gnazy, la tsy maintsy ho toraham-bato lay omby, sady gny nofony la tsy azo hany; la tsy ho meloky tompon'ilay aomby. ²⁹ Fa laha nanam-pahazara nanoto lay aomby taloha, sady fa nampitandrema gny tompony nefa tsi nijanjy zay, ka nahafaty johary na ampela lay aomby, la tsy maintsy ho toraham-bato zay aomby zay, sady tsy maintsy hovonoe ka gny tompony. ³⁰ Laha ila gny fandoava jala ho solon'ny ay, la tsy maintsy handoa zay takiny ie. ³¹ Laha misy aomby nanoto aja johary na ampela, la tsy maintsy manao zay takian'ny lily ho atao lay tompon'ny aomby. ³² Laha manoto mpanompo johary na mpanompo ampela lay aomby, la tsy maintsy mandoa sekely jala foty telopolo gny tompon'ilay aomby, sady tsy maintsy ho toraham-bato lay aomby. ³³ Laha misy olo manokatsy lavaky raiky, na misy olo mihaly mavaky nefa tsy magnaro zay, ka misy aomby na boriky latsaky ao amin'izay, ³⁴ la tsy maintsy mampimpoly gny fatiantiky gny tompon'ilay lavaky. Tsy maintsy magnome jala ho an'ny tompon'ny biby maty ie, sady reo biby maty la ho azony. ³⁵ Laha misy aombin'olo mandratsy gny ombin'ny hafa ka mahafaty gnazy, la tsy maintsy havilin-drozy gny amby velo ka hazara gny viliny, sady tsy maintsy zaran-drozy avao koa gny aomby maty. ³⁶ Fa laha hay fa zatsy nanoto lay aomby teo aloha, ka sty nitandry zay gny tompony, la tsy maintsy hanonitsy aomby ho solon'ny aomby ie, sady lay biby maty la ho azony.