¹ Loza ho gnanareo zay mahazo ay a Ziona ao, voho ho gnanareo zay milamy amin'ny gny tany havoan'i Samaria, Reo olo-malaza bakamin'ireo firenena soa mare, zay iavian'ny gny vavean'Israely mba ho vonje! ² Hoy mpitariky reo: "Mandena a Kalne agny ka manentea; bakeo mandehana Hamata agny, zay tana bevata; bakeo la mijotsoa a Gatan'i Filistina reo agny. Soa nohon'ny gny fanjankanao roa reo va reo? Bevata nohon'ny gny faritaninao va gny faritanindrozy?" ³ Loza ho an'ny gny mampihemotsy gnandron'ny gny loza voho mamparikitsy gny sezy fanjakan'ny gny herisetra. ⁴ Mandry am-pandrea ivory eo rozy voho miampatsampatsy an-kitrelindrozy eo. Mihina anak'aondry bakaminireo aondry amagn'osy rozy voho anak'aondry bakamin'ny gny fihinanagn'akata. ⁵ Nihira hiran'adaladala reo tamin'ny gny feon'ny gny harpa rozy; namoromporo raha magnano manahaky gny nataon'i Davida. ⁶ Nino divay tamin'ny gny finga jobo rozy voho soliky soa mare, fe tsy nalahelo gnamin'ny gny faharavan'i Josefa. ⁷ Ka handeha an-tsesitany miaraky amin'ireo sesitany voalohany rozy henanizao, voho gny firavoaravoan'ireo zay nitsotsotsy la ho rava. ⁸ "Zaho, Tompo Yaveh, la fa nifanenky tamin'ny gny vatako ___ zay ro fagnabaran'ny gny Tompo Yaveh, Nragnahary Tompon'ny gny maro, halako gny fieboaboan'i Jakoka; halako gny fiarova maheriny. ka hanolotsy gny tana mbamin'ny gny zay iaby aminy ao Aho." ⁹ Laha misy folo lahy tavela an-tragno raiky ao, la ho maty iaby rozy. ¹⁰ Laha misy longon-dralehilahy avy mba hangalaky gny fatin-drozy ___ gny raiky zay hagnoro gny fatin-drozy afaran'ny gny hagnandesany faty reo miboaky gny tragno ___ laha mivola amin'ny gnolo an-tragno ao ie hoe: "Misy olo miaraky aminao va ao?" Laha mamaly zay olo zay hoe: "Aha". La hivola ie hoe: "Miegnena, fa ao tsika tsy hanogno gnagnaran'i Yaveh." ¹¹ Fa, ingo, hagnina Yaveh, ka ho torotoro gny trano bevata voho ho potipotiky gny tragno kalikely. ¹² Gny soavaly va lomay amin'ny gny harambato? Misy olo manitsy aomby va gnao? Fe namaliky gny to ho poizy nareo voho gny vokatsy gny to ho mafaitsy. ¹³ Nareo zay mazoto amin'ny gny Lodebara, zay manao hoe: "Va tsy nangalaky an'i Karnaima tamin'ny gny herinay avao rahay?" ¹⁴ "Fe ingo, hananga firenena hanohitsy anareo Aho, ry vavean'Israely ___ zay ro fagnambaran'ny gny Tompo Yaveh, Ndragnahary Tompon'ny gny maro. Hampahory anareo manomboky a Lebo-hamata ao hatragny amin'ny gny lohasahan-driak'Araba rozy."