¹ Laha nisafa tagnamin'ireo vahoaky i Petera voho Jaona, la avy reo mpisoro voho gny johariny gny mpiamby gny fiangona sady reo Sadoseo. ² Neloky mare rozy noho i Petera voho Jaona nampagnanatsy gny vahoaky voho nitory gny fitsangana amy gny maty tamy gny alalan'i Jesosy. ³ Nisinambotsy rozy sady natao tagny an-gadra mandrapahaviny gny to, fotony fa haly gnandro tamin'izay. ⁴ Nefa maro tagnamin'ireo olo zay nahaja gny hafatsy ro nino; sady gny isan'ireo johary zay nino la limy arivo teo ho eo. ⁵ Sady lafa hamarainigny la nivory tao Jerosalema gny mpanapakin-drozy, zokiolo sady reo mpanora-dily. ⁶ Teo i Anasy mpisorombe, Kaiafa, Jaona, voho Aleksoronabe. ⁷ Lafa naroso teo agnivony i Petera voho Jaona, la nagnontany gnan-drozy hoe he: " Amy gny hery ino, na amy gny agnara ino, ro nanaovanareo izay?" ⁸ Bakeo i Petera, feno gny Fagnahy Masy, la nivola gnan-drozy hoe he: " Iha ro mpanampaky gny vahoaky, voho gny loholo, ⁹ laha nagnontania mikasiky gny asa soa nataonay tagnamin'io johary narary io rahay tamin'io andro io_ tamy gny fomba ahoa ro nahasitragna io johary io? ¹⁰ La ao ho hainareo iaby sady gny vahoakan'Israely iaby, fa tamy gny agnarany gny Jesosy Kristy bakagny Nazareta, zay nivinononareo, zay natsangan-Dranagnahary tamy gny maty_ tamy gny alalany ro itranganany toy johary toy salama eto imasonareo." ¹¹ Jesosy Kristy la vato zay nataonareo mpanori-tragno tsinotsino nefa fa natao ho lohany gny vato fehizoro. ¹² Sady tsy misy famonjena bakamy gny hafa, fa tsy misy agnara hafa ambaniny gny lagnitsy nomeny gny olo zay tsy maintsy hahavonjy gnantsika." ¹³ Sady lafa nahajery gny fahasakian'i Petera voho Jaona rozy, sady nahatsapa fa olon-tsotra, olo tsy nandia fianara, la treriky rozy, nahay fa niaraky tagnamin'i Jesosy i Petera voho Jaona. ¹⁴ Fotony rozy nahajery zay johary zay tsy nagnahy nitranga niaraky tagnamin-drozy, ka tsy nahajery safa hanohera zay rozy. ¹⁵ Fa lafa baka nandidy reo apostoly hienga gny fivoriany gny filan-kevitsy rozy, la nifampivola rozy. ¹⁶ Hoy rozy hoe he: Ino ro tokony ho atao agnamin'ireto johary reto? Noho gny fahagaga vita tamy gny alalan-drozy la hain-drozy olo iaby mipetraky eto Jerosalema, sady tsy azontsika liery. ¹⁷ Fa mba tsy hiparitahan'izay amy gny vahoaky koa, la hienga tsika hampitandrina gnan-drozy mba tsy hivolan-drozy zay agnara zay sasy. ¹⁸ Kinainy hilitsy i Petera voho Jaona sady nivolagniny rozy tsy hisafa voho tsy hampagnanatsy amy gny agnaran'i Jesosy sasy. ¹⁹ Nefa namaly gnan-drozy koa i Petera voho Jaona nivola hoe he: " Laha to eo imason-Dranagnahary gny magneky gnanareo mihoatsy Gnazy, la nareo ro mitsara. ²⁰ Tsy afaky gny hijano tsy hisafa mikasiky reo raha jerinay voho janay rahay." ²¹ Tafarany gny fampitandrema gnan'i Petera voho Jaona, la nengany nandeha rozy. Fa tsy nahajery fomba hagnasazia gnan-drozy, fotony nandrengy an-Dranagnahary reo vahoaky noho gny raha vitany. ²² Zay johary zay niay gny fahagaga voho fagnasitragna la nihoatsy gny efa-palo tao. ²³ Tafarany gny nagnafaha gnan-drozy la avy teo amy gny vahoakany i Petera voho Jaona sady nitateriny an-drozy zay iaby nivolagnin'ireo lohany gny mpisoro voho reo loholo tamin-drozy. ²⁴ Lafa jan-drozy zay, la niaraky nanandratsy gny feon-drozy ho an-Dranagnahary rozy ka nisafa hoe he: " Tompo, iha ro nanao gny lagnitsy voho gny tany voho gny ranomasy, sady zay iaby ao agnaminy. ²⁵ Nisafa tamy gny alalany gny Fagnahy Masy tamy gny tsihoviny gny mpanomponao, gny babantsika Davida Iha hoe: ' Nagnino ro meloky reo firenena Jentilisa, voho reo olo mieritreritsy raha tsy misy ila gnazy? ²⁶ Iha misafa hoe he: Reo Mpanjakany gny tany la nitambatsy, sady reo mpanapaky la nivory hanohitsy gny Tompo, voho hanohitsy gny Kristiny.' ²⁷ Fa i Heroda voho Pontsy pilaty, zay niaraky tagnamin'ireo jentilisa voho reo vahoakan'Israely, ro niara-nivory tao an-tana hanohitsy gnan'i Jesosy mpanomponareo, zay nihosoranareo. ²⁸ Niara-nivory rozy mba hanao zay iaby nataony gny tagnanareo voho reo drafitrareo zay fa nitapahin-drozy ho atao mialoha. ²⁹ Henanizao, Tompo, henteo reo fampitandreman-drozy sady omeo reo mpanomponao mba hivolagnany gny safanao an-kasakia tanteraky. ³⁰ Amparo gny tagnanao mba hagnasitragna sady hagnome reo famantara voho fahagaga amy gny alalany gny agnaran'i Jesosy mpanomponao masy." ³¹ Lafa avy nivavaky rozy, la nihozongozo gny toera zay niarahan-drozy nivory, sady feno gny Fagnahy Masy rozy iaby sady nagnambara gny safan-Dranagnahary an-kasahia. ³² Gny ankabeazan'ireo zay nino la fo voho fagnahy raiky nivola fa gny raha zay azony la gnazy manoka, fa raha niarahan-drozy nanagna. ³³ Niaraka tamy gny hery bevata ro nagnambarany gny apostoly gny fijoroan-drozy vavolom-belo mikasiky gny fitsanganan'i Jesosy Tompo tamy gny maty, sady fahasoava bevata ro teo amin-drozy iaby ³⁴ Tsy nisy olo nanan-java maha-ory teo amin-drozy, fa zay iaby nana tany na trano la namily sady nanday gny jalany gny raha iaby zay sarotsy. ³⁵ sady napetraky teo an-tombon-drozy apostoly, sady nizarainy tamy gny olo kiraidraiky araky zay ilan-drozy. ³⁶ Josefa, Levita raiky, johary bakagny Sipra zay kinain-drozy apostoly hoe he Barnabasy (zay midika hoe Gnanaky johariny gny Fampahereza), ³⁷ nivarotsy tany voho nanday gny jala sady nametraky gnazy teo an-tombok'ireo apostoly.