¹ Sady tamin'izay andro izay Heroda mpanjaka nisambotsy reo sasany zay gnan'ny fiangona mba hahafahany mampijaly gnan-drozy. ² Nivonoiny tamin'ny meso Jakoba rahalahin'i Jaona. ³ Sady lafa jeriny fa nahafaly reo Jiosyizay, la nanao zay hanamborany gnan'i Petera koa ie. Izay la tagnatiny gny andron'ny mofo tsy misy masirasira. ⁴ Lafa avy nisamboriny ie, la nataony tagny agadra ie sady nanondro miaramila efatsy toko hiamby gnazy, nikasa gny handay gnazy eo amin'ny olo afaran'ny Paka ie. ⁵ Noho izay la nitandrahany tao an-gadra Petera, fa gny vavaky la nataon'ireo zay tao am-piangona mare koa tamin-Dranagnahary ho gnazy. ⁶ Gny haliky alohan'ny handaisan'i Heroda gnazy hotsara, Petera la natory teo agnelagnelan'ny miaramila roe, voafehy tamin'ny rojo roe, laha mbo nijano niamby gny gadra gny mpiamby teo alohan'ny varavara. ⁷ Ingo, nisy anjelin'ny Tompo niseho tampoky teo agnilny, sady nisy hazava namiratsy tao agnatin'ny efitsy gny gadra. Namango gnan'i Petera teo amin'ny ilany ie sady namoha gnazy ka nanao hoe: " Mitsangana malaky", sady reo rojony niala tamin'ny tagnany. ⁸ Gny anjely nivola tagnaminy hoe: " Ampisaloro gny vatanao sady anovo gny kiraronao." La nataon'i Petera araky izay. Gny anjely nivola tagnaminy hoe: " Anovo gny akanjonao amonto sady magnaraha gnahy." ⁹ La nagnaraky gny anjely Petera sady niboaky. Tsy hainy fa reo ze nataon'ny anjely la tena ie. Nihevitsy ie fa nahajery fahita. ¹⁰ Lafa avy nandalo teo amin'ny mpiamby voalohany voho faharoe rozy, la avy teo amin'ny vavahady vy zay manday magnagny amin'ny tana; nisokatsy ho gnazy tamin-drozy izay. Niboaky rozy sady nizotso tamin'ny lala raiky, sady gny anjely nandalo gnazy avy hatrany. ¹¹ Lafa nimpoly tamin'ny vatany Petera, nivola ie hoe: " Henanizao la haiko marina fa gny Tompo ro nandefa gny anjeliny sady nagnafaky gnahy tamin'ny tanan'i Heroda, voho tamin'ny raha iaby zay nandrasan'ny Jiosy hiseho. ¹² Lafa tonga say tamin'izay ie, la nagnagny amin'ny tragnon'i Maria renin'i Jaona, kinaiky koa hoe Marka, zay nisy olo maro nivory voho nivavaky. ¹³ Lafa nandodo teo am-bavahady ie, nisy mpanompo sevaky raiky kinaiky hoe Roda avy namaly. ¹⁴ Lafa hainy gny feon'i Petera, tamin-kafalia la tsy nahavita namoha gny varavara ie; fa koa, nandeha nilay nagnagny an-tragno ie, notateriny fa Petera nitranga teo am-baravara. ¹⁵ La nivola tagnaminy rozy hoe: " Adala iha." Fa nanizingizy ie fa izay ro ie. Nivola rozy hoe: " Gny anjeliny izay." ¹⁶ Fa Petera nanohy nandodo, sady lafa nivohandrozy gny varavarava, la nahajery gnan-drozy sady treriky. ¹⁷ Petera nanetsiky gny tagnany tamin-drozy mba hitsy, sady nivolagniny tamin-drozy gny fomba nanandesan'ny Tompo gnazy niboaky gny figadra. Hoy ie hoe: " Tatero agny amin'i Jakoba voho reo rahalahiny izay raha izay." La niala ie sady nandeha tany tamin'ny fipetraha hafa. ¹⁸ Sady lafa nazava gny andro, la tsy nisy fientanam-po kelikely teo amin'ireo miaramila gny amin'izay nitranga tamin'i Petera. ¹⁹ Lafa avy nila gnazy Heroda sady tsy nahajery gnazy, la nanadihady gny mpiamby ie sady nandidy gnan-drozy mba hovinono. La nizotro bakagny Jodia nagnagny Kaisaria ie sady nipetraky tagny. ²⁰ Sady Heroda la meloky mare tamin'ny vahoakan'i Tyra voho Sidona. Niaraky nagnagny agnaminy rozy. Nandresy lahatsy gnan'i Blasto rozy, gny mpanampin'ny mpanjaka, mba hagnampy gnan-drozy. La nangataky fihavagna rozy, fotony gny tagnan-drozy la nandramby gny haniny bak'amin'ny mpanjakan'ny tana. ²¹ Tamin'ny andro voatondro Heroda la nampiakanjo gny vatany salony mpanjaka sady nipetraky teo amin'ny seza fiandriagna; nikabary tamin-drozy ie. ²² Nihiaky gny vahoaky: " Izay la feon-Dranagnahary, fa tsy gnan'olo!" ²³ Teo noho eo; fotony nisy anjelin'ny Tompo namango gnazy; fotony tsy nagnome voninahitsy gnan-Dranagnahary ie; nohanin'ny kanka ie la maty. ²⁴ Fa gny safan-Dranagnahary nitombo voho nihamaro. ²⁵ Ka lafa vitan'i Barnabasy voho Saoly gny iraky nampanaony gnan-drozy, la nimpoly bakagny [ Gny sasany amin'ireo dika soratry tranainy mivola hoe: " Rozy nimpoly tagny Jerosalema] Jerosalema rozy, nanday gnan'i Jaona niaraky tamin-drozy, zay kinaiky avao koa hoe Marka.