¹ Avy gny olon'ny Kiriata jearima , nangalaky gny fiaran'i Yaveh, sady nanday gnan'io tao an-tragnon'i Abinadaba tagny amin'ny havoa.Nanoka gnan'i Eleazara anany lahy rozy mba hitandry gny fiaran'i Yaveh. ² Nanomboky tamin'ny andro zay nipetrahan'ny fiara tao Kiriata jearima, la tao maro ro lasa, roapolo tao. Gny avorohotanIsraely iaby la nalahelo gnan'i Yaveh ka nagniry himpoly amin'i Yaveh. ³ Hoy i Samoela tamin'ny avorohotan'ny Israely manontolo hoe;"Laha mimpoly amin'i Yaveh amin'ny fonareo manontolo nareo , la ala eo aminareo reo ndranagnaharin-kafa voho Astarta, atoliho amin'i Yaveh gny fonareo, sady Ie raiky avao tompoa, la hamonjy eo an-tagnan'ireo Filistina ie." ⁴ La nangalaky reo Bala voho gny Astarta gny fokonolon'ny Israely, sady nanompo gnan'i Yaveh raiky avao. ⁵ Sady hoy Samoela hoe;' Andeso ho agny Mizpa gny Israely manontolo, la hivavaky amin'i Yaveh ho gnanareo aho." ⁶ Nivory tao Mizpa rozy, sady nanoby rano ka nandraraky gnan'io teo agnatrehan'i Yaveh. Nifaly hany rozy tamin'io andro io ka nanao hoe:" Fa nanota tamin'i Yaveh tsika." Tagny ro nanapahan'i Samoela hevitsy hitsara gny fifandiran'ny fokonolon'ny Israely voho nagnandesany gnazy. ⁷ Sady lafa ren'ireo Filistia fa nivory tao Mizpa gny fokonolon'Israely, la nanafiky gny Israely reo mpanapaky gny Filistina. Laha nahare gnan'io gny fokonolon'Israely la natahotsy reo Filistina rozy. ⁸ Sady hoy reo fokonolon'Israely tamin'iu Samoela:' Ka mijano mikaiky gnan'i Yaveh Ndranagnaharintsika ho gnantsika, fa hagnavotsy gnantsika eo an-tagnan'ireo Filistina Ie." ⁹ La nangalaky anak'aondry mbo minono i Samoela sady nagnome gnan'io manontolo mba ho fagnatitsy dorana ho gnan'i Yaveh ho gnan'ny Israely Samoela, ka namaly gnzy Yaveh. ¹⁰ Sady laha mbo nagnatitsy fagnatitsy dorana Samoela, la namonjy hanafiky gny Israely reo Filistina, Fa Yaveh nampikotrok'ora tamin'ny feo mare tamin'io andro io hanohitsy reo Filistina ka nampifanjevo gnan-drozy, sady resy teo agnatrehan'ny Israely rozy. ¹¹ Sady joharin'ny Israely niala bakagny Mizpa, la nagnenjiky gny Filistina ka namono gnan-drozy mandra-piaviany teo ambanin'i Betikara. ¹² Bakeo la nangalaky vato i Samoela nametraky gnan'io teo agnelagnelan'i Mizpa voho Sena. Nataony hoe Ebenezera gny agnaran'io , manao hoe;" Hatramin'izao ro namonjen'i Yaveh gnantsika." ¹³ La resy reo Filistina ka tsy nilitsy teo amin'ny fari-tanin'ny Israely. Gny tagnan'i Yaveh nanohitsy reo Filistina tamin'ny andron'i Samoela manontolo. ¹⁴ Reo tana zay nalan'ireo Filistina tamin'ny Israely la tafampoly tamin'ny Israely, hatragny Ekrona ka hatragny Gata; nimpoly tamin'ny Israely koa gny faritaniny tagny amin'ireo Filistina. La nisy filongoa teo amin'ny Israely voho gny Amorita. ¹⁵ Ntsara gny Israely nandritsa gny androm-piaignany manontolo i Samoela. ¹⁶ Isan-tao la nandeha nivezinezy tagny Betela, Gilgala, voho Mizpa ie. Nanapa-kevitsy tamin'ny aly ho gnan'Israely teo amin'ireo toera iaby reo ie. ¹⁷ Sady nimpoly tagny Rama ndraiky ie, fotony tagny gny tragnony; sady tagny avao koa ro nanapahany hevitsy tamin'ny aly ho gnan'ny Israely. Nagnory alitara ho gnan'i Yaveh tagny avao koa ie.