¹ Noho izay, fotony nijaly tamin'ny nofo i Kristy, la atavo fialian'ny vatanareo izay tanjona izay. Fa ze nijaly iaby tamin'ny nofo la nitsahatsy tamin'ny fahota. ² Vokatr'izay, gny olo manahaky izay, tagnaty gny fotoa kelikely hiay, la tsy hiay ho gnan'ny fagnirian'ny olo sasy, fa ho gnan'ny sitrapon-Dranagnahary. ³ Fa ampy zay gny fotoa lasa nanaova zay tian'ny Jentilisa atao- hafalian'ny nofo, fijejojejoa, fimamoa, fitondran-tena mahamegnatsy, filalaovan-draty, sady reo asan'ny fanompoan-tsampy maharikoriko. ⁴ Dinihin-drozy fa hafahafa fotony tsy mikamba amin-drozy ao amin'izay fagnaranam-po maro izay nareo, noho izay la hivola raty mikasiky nareo rozy. ⁵ Hamaly gny raiky ze vonona hitsara gny velo voho gny maty rozy. ⁶ Noho izay antony izay ro nitoria gny vaovao mahafaly tamin'ireo maty avao koa, mba na la nitsara tamin'ny nofo manahaky gny olo aza rozy, la hiay manahaky an-Dranagnahary ao amin'ny fagnahy. ⁷ Magnariniky gny faran'ny raha iaby. Noho izay tongava say, sady mampionogna vata amin'ny eritreritrareo ho gnan'ny fitiavam-bavaky. ⁸ Agnabon'ny raha iaby, mana fitiava feno ho gnan'ny kiraidraiky aby, fa gny fitiava mandrakotsy fahota maro. ⁹ Mifampiantranoa tsy am-pitaraigna. ¹⁰ Fa gny kiraidraiky agnaminareo la nandramby fanomezam-pahasoava, ampiasao hifanompoa izay. Manaova izay manahaky gny mpitan-draharahan'ny fanomezam-pahasoava maro maimaimpoa an-Dranagnahary. ¹¹ Laha misy mivola, ao ie hanao izay manahaky gny raiky mivola gny safan-Dranagnahary. Laha misy manompo, ao izay ho avy amin'ny hery zay omen-Dranagnahary. Manaova reo raha reo mba homem-boninahitsy amin'ny alalan'i Jesosy Kristy amin'ny fomba iaby Ndranagnahary. Ao ho gnan'i Jesosy Kristy gny voninahitsy voho hery la traky farany. Amena. ¹² Ry malala, ka rambesy ho hafahafa gny fitsapa amin'ny bolo zay nitranga tagnaminareo, manahaky gny hoe nisy raha hafahafa nitranga tagnaminareo. ¹³ Fa koa, na la maro ka gny hiaignanareo reo fijalian'i Kristy, mifalia, mba ho afaky hifaly avao koa nareo sady ho ravoravo amin'ny fanambara gny voninahiny. ¹⁴ Laha notevatevay noho gny agnaran'i Kristy nareo, la voatahy, fotony gny Fagnahin'ny voninahitsy voho gny Fagnahin-Dranagnahary la mipetraha ao agnaminareo. ¹⁵ Fa ao tsy hisy na ia na ia agnaminareo hijaly manahaly gny mpamono olo, mpangalatsy, mpanao raty, na mpiraharaha gny an'ny hafa. ¹⁶ Fa laha misy mijaly fa Kristiana, ao ie tsy ho megnatsy; fa koa, ao hagnome voninahitsy an-Dranagnahary amin'izay agnara izay ie. ¹⁷ Fa fotoa zao hanomboha gny fitsara miaraky amin'ny avorohotan-Dranagnahary. Laha manomboky amintsika izay, ino ro ho vokatsy ho gnan'ireo zay tsy mankato gny filazantsaran-Dranagnahary? ¹⁸ Sady laha " gny olo-to aza ila tsy ho voavonjy, amin'ny fomba manao akory ro hisehoan'ny olo tsy an-Dranagnahary voho gny mpanota?" ¹⁹ Noho izay ao reo zay mijaly noho gny sitrapon-Dranagnahary hanankina gny fanahin-drozy amin'ny Mpamoro mahatoky amin'ny fanaovan-tsoa.