¹ Nandritsa gny telo tao lasa la tsy nisy aly teo amin'i Arama voho i Israely. ² Sady tamin'ny tao faha telo, la nandeha tagny amin'ny mpanjakan'i Israely i Josafata mpanjakan'i Joda. ³ Sady gny mpanjakan'i Israely la fa nisafa tamin'ny mpanompony hoe:' Mba hainareo va fa Ramota-gileada la gnantsika, fa zao tsy manao na ino ino tsika hangalaky gnan'io eo an-tagnan'i mpanjakan'i Arama?" ⁴ La hoy ie tamin'i Josafata:" Hiaraky amiko hialy agny Ramota-gileada va iha? Josafata namaly gny mpanjaka hoe :" Zaho la manahaky gnanao, gny oloko la manahaky gny olonao, sady reo soavaliko la manahaky reo soavalinao." ⁵ Hoy i Josafata tamin'ny mpanjaka hoe:" Mila lahy tari-dala bakamin'ny safan'i Yaveh gny amin 'izay tokony hataonao voalohany." ⁶ La nampivory reo mpaminany niaraky gny mpanjakan'Israely, Johary efajato, sady volagno rozy hoe:" Tokony ho agny Ramota-gileada va aho mba hialy, sa tsy tokony ?" La hoy rozy hoe:" Manafia, fa gny Tompo hagnome gnan'io ho eo an-tagnan'ny mpanjaka." ⁷ Fa hoy i Josafata hoe:" Tsy misy mpaminanin-Dranagnaharyhafa zay mety hahazoantsika hevitsy sasy va eto?" ⁸ La hoy gny mpanjakan'Israely tamin'i Josafata hoe:' Mbo misy johary raiky zay mety hahzoantsika hevitsy bakamin'i Yaveh mba ho fagnampiny, Mikaia anaky lahin'i Jimia, fa zao halako ie fotony tsy mba naminany raha soa mahakasiky ahy , fa loza avao." Fa hoy i Josafata hoe:' Tsy Hivola gnan'io gny mpanjaka." ⁹ La nikaiky manam-pahefa raiky gny mpanjakan'i Israely sady nagnome baiko hoe:" andeso atoy i Mikaia anaky lahin'i Jimia, zaho la zao ." ¹⁰ Sady i Ahaba mpanjakan'Israely voho i Josafata mpanjakan'i Joda la samy nipetraky tamin'ny seza fiandriana aby, niakanjo gny akanjon-drozy, teo amin'ny toera malalaky teo amin'ny filiran'ny vavahadin'i Samaria, sady reo mpaminany iaby la naminany teo alohan-drozy. ¹¹ Zedekia anaky lahin'i Kenana tenany la nanao tandroky vy sady nisafa hoe:' Zao voalazan'i Yaveh :' Amin'ireto ro hanotoanao gny Syriana mandra-paharingany." ¹² Sady gny mpaminany iaby naminany nitovy, nanao hoe:' Tafiho Ramota-gileada ka mahazoa fandresea, fa i Yaveh nanolotsy azy ho eo an-tagnan'ny mpanjaka." ¹³ Gny mpanday hafatsy zay nandeha nikaiky gnan'i Mikaia nisafa taminy, nanao hoe:' Ingo amizao, gny safan'ireo mpaminany la magnambara raha soa ho gnan'ny mpanjaka tamin'ny vava raiky. Ao lahy gny vatanao mba hanahaky gny raiky amin'ireo sady milaza raha soa.' ¹⁴ La namaly Mikaia hoe:" Laha mbo velo koa i Yaveh, la zay lazain'i Yaveh amiko ro ho lazaiko." ¹⁵ Lafa avy teo amin 'ny mpanjaka ie, la hoy gny mpanjaka taminy hoe:" Ry Mikaia, tokony handeha hialy agny Ramota-gileada va zahay, sa tsia? Mikaia namaly azy hoe:" Manafiha ka mandresea. Hanolotsy azy ho eo an-tagnan'ny mpanjaka i Yaveh." ¹⁶ Sady hoy mpanjaka taminy hoe:' Impiry aho ro nila gnanao hianiainan mba tsy hisafa na ino ino amiko amin'ny agnaran'i Yaveh afa-tsy gny marina avao?" ¹⁷ La hoy i Mikaia hoe:" Hitako niely tegny an-tendrombohitsy gny Israely manontolo, manahaky gny aondry tsy misy mpiandry, sady Yaveh nanao hoe:' Tsy mana miaraky reo.Ao gny johary kirakiraikyholy soa aman-tsara agny an-tragnony." ¹⁸ La hoy gny mpanjakan'Israely tamin'i Josafata hoe:" Tsy fa nivola taminao va aho fa tsy mety maminany raha soa mahakasiky ahy ie, fa loza avao?" ¹⁹ La hoy Mikaia hoe:' Nohon'io janjigno gny safan'i Yaveh:' nahita gnan'i Yaveh nipetraky teo amin'ny seza fiandriana aho, sady reo miaramilan'ny lagnitsy manontolo la nijoro teo agnilany teo an-kavanany voho teo an-kaviany. ²⁰ Hoy i Yaveh hoe:' Ia ro hitao gnan'i Ahaba, mba hiakatsy ie ka ho lavo agny Ramota-gileada?" Gny raiky tamin-drozy nivola zao sady gny raiky hafa nivla zao. ²¹ Bakeo la nisy fagnahy raiky hafa nandoso , ka nanao hoe:' Zaho ro hitao azy . La hoy Yaveh taminy hoe:' Amin'ny fomba manao akory gny ?" ²² La namaly lay fagnahy hoe:" Hiboaky aho sady ho fagnahy mavandy eo am-bavan'ireo mpaminany manontolo."Yaveh namaly hoe:" Hahatao azy iha, sady hahomby koa. Koa mandehana sady ataovo io. ²³ La ingo, Yaveh nametraky fagnahy mavandy teo am-bavan'ireo mpaminaninao manontolo reo, sady Yaveh fa nilaza ho gnanao." ²⁴ Sady Zedekia anaky lahin'i Kenana, niakatsy, namelaky gny takolak'i Mikaia, sady nanao hoe:" Taia ro lalan'ny fagnahin'i Yaveh niala tamiko mba hivola aminao?" ²⁵ La hoy i Mikaia hoe:' Ingo, ho hainao io amin'io andro io lafa militsy gny efitsy agnatiny mba hietaha iha." ²⁶ Hoy gny mpanjakan'Israely tamin'ny mpanompony hoe:' Samboro Mikaia sady andeso agny amin'i Amona, lay governoran'ny tana, sady agny amin'i Joasy, anako lahy. ²⁷ Lazao ie hoe:' Ampiliro am-pondra toy johary toy hoy gny mpanjaka, sady fahano mofo kelikely voho rano kelikely avao ie, mandra-piaviako soa aman-tsara. ²⁸ Sady hoy i Mikaia hoe:' Laha tahiany ka tafampoly soa aman-tsara iha, la tsy nampitenenin'i Yaveh aho tsy akory." Sady nampiany hoe;' Janjigno io , ry olo manontolo." ²⁹ La nandeha ho agny Ramota-gileada i Ahaba, mpanjakan'Israely, voho Josafata, mpanjakan'i Joda. ³⁰ Gny mpanjakan'i Israely nivola tamin'i Josafata hoe:" Holy olon-kafa aho sady hirotsaky ao agnaty aly, fa iha koa hanao gny akanjon'ny mpanajaka." La nody olo hafa gny mpanjakan'Israely ka nirotsaky tagny agnaty aly. ³¹ La nandidy gny kapitenin'ny kalesiny telopolo roa amby gny mpanjakan'i Syria, nanao hoe:" Ka manafiky gny miaramila kely na bevata. Fa gny mpanjakan'i Israely avao ro tafiho." ³² Sady lafa nahita gnan'i Josafata reo kapitenin'ny Kalesy la nanao hoe:' Igni tokoa ro mpanjakan'Israely .' Nimpoly rozy mba hamely azy' Ka nikaiky mare i Josafata . ³³ Sady lafa hitan'ireo mpifehy gny nkalesy fa tsy igny ro mpanjakan'i Israely, la nimpoly tamin'ny fagnenjeha gnazy rozy. ³⁴ Fa nisy johary raiky nandefa gny ana-tsipikany kitoatoa sady nahavoa gny mpanjakan'i Israely teo agnelanelan'ireo fiarovan-tratrany.Sady i Ahaba nisafa tamin'ny mpanday gny kalesiny hoe:" " Mimpolia ka andeso miboaky gny aly aho, fa naratsy mare aho." ³⁵ Nihamafy gny aly tamin'io andro io sady gny mpanjaka la notohagna hitsanga tao amin'ny kalesiny nagnatriky gny Syriana. Maty ie nony hariva. Nikininiky bakeo amin'ny ratrany ka hatragny amin'ny voli-kalesy gny ra. ³⁶ Sady nony fa hilentiky gny masoandro, la nisy kaikaiky mare manera gny tafiky, nanao hoe:' Samia moly agny amin'ny tanany aby gny johary manontolo; sady samia moly agny amin'ny faritaniny aby gny johary manontolo!" ³⁷ La maty i Ahaba mpanjaka sady nandesy tagny Samaria, ka nalevin-drozy tao samaria ie. ³⁸ Nisasan-drozy teo amin'ny farihin'i Samaria gny kalesy, sady nolelafin'ny alika gny rany ( teo ro fandroan'ireo ampela janga), araky zay fa nambaran'ny tenin'i Yaveh. ³⁹ Sady laha hafa mahakasiky gnan'i Ahaba, voho zay iaby nataony, sady tragno iaby zay naoriny, moa va tsy fa voasoratsy ao amin'ny bokin'ny tanataran'ny mpanajakan'Israely reo? ⁴⁰ Sady nimaty tagny amin'ireo razambeny i Ahaba, ka i Ahzia anany lahy ro lasa mpanajaka nandimby gny toerany. ⁴¹ Sady i Josafata anaky lahin'i Asa nanomboky nanjaka nanera gnan'i Joda tamin'ny tao faha efatsy efatsy nanjakan'i Ahaba mpanjakan'Israely. ⁴² Telopolo limy amby tao i Josafata no nanomboky nanjaka, sady nanjaka tao Jerosalema nandritsa gny roa polo limy amby tao ie. Azoba ro agnaran-dreniny, lay anaka pelan'i Sily. ⁴³ Nagnaraky gny fomban'i Asa rainy ie; tsy niala tamin'ireo ie; nanao zay marina teo amason'i Yaveh ie. Kanefa gny toera abo la tsy mba narava. Fa gny olo mbo nanao soro voho nagnoro ditin-kazo magnitsy teo amin'ireo toera abo avao. ⁴⁴ Sady i Josafata nilongo tamin'ny mpanjakan'Israely. ⁴⁵ Sady gny raharaha hafa mahakasiky gnan'i Josafata, voho gny hery zay nasehony, sady gny fomba nialiany, moa va reo tsy fa voasoratsyao agnatin'ny bokin'ny tantaran'ny mpanjakan'i Joda? ⁴⁶ Nalany teo amin'ny tany reo sisa tavela tamin'ny olo nanolo-tena hijangajanga ho fanompoan-tsampy zay mbo tamin'ny andron'i Asa rainy. ⁴⁷ Tsy nisy mpanjaka tao Edoma, fa olo voatendry ro nitondra tao. ⁴⁸ Josafata nanao sambo fitatera an-dranomasina, nandeha nagnagny Ofira rozy hangalaky volamena, kanefa tsy lasa fotony nikatso tao Ezion-gebera reo sambo. ⁴⁹ La hoy Ahazia anaky lahin'i Ahaba tamin'i Josafata hoe:" Ao mba hiara- hiantsambo amin'ny mpanomponao gny mpanompoko." Fa i Josafata tsy nagnenky gnan'io. ⁵⁰ Nimaty tagny amin'ireo razambeny i Josafata sady nalevy niaraky tamin-drozy tao an-tanan'i Davida, razambeny; sady Jerohama anaky lahiny ro lasa mpanjaka nandimby gny toerany. ⁵¹ Ahazia anaky lahin'i Ahaba la nanomboky nanjaka nanera gnan'Israely tagny Samaria tamin'ny tao faha folo fitoamby nanjakan'i Josafata mpanjakan'i Joda, sady nanjaka roe tao teo amin'Israely ie. ⁵² Nanao zay raty teo amason'i Yaveh ie sady nagnaraky gny fomban'ny rainy, tamin'ny fombab'ny reniny, sady tamin'ny fomban'i Jeroboama anaky lahin'i Nebata, zay nitarihany gny Israely hanota. ⁵³ Nanompo gnan'i Bala voho nivavaky tamin'io ie sady nanao zay hampasiaky gnan'i Yaveh, lay Ndranagnaharin'i Israely, manahaky gny fa nataon-drainy avao.