¹ Nisy lehilahin-Dranagnahary bakagny Joda avy tao Betela aminy gny safan'i Yaveh.Nijoro teo agnilan'ny lay alitara i Jeroboama mba hagnoro ditin-kazo magnitsy. ² Nihikiaka tamin'ny alitara amy gny safan'i Iaveh ie hoe :"Alitara! Alitara! Izao ro ambaran'i Iaveh hoe :"Ingo,hisy lehilahy atao hoe Josia hateraky amin'ny fianakavian'i Davida,sady eo aminao ro hagnanaovany soro mpisoro amin'ny toera abo mare zay magnoro ditin-kazo magnitsy eo aminao zao.Nagnoro taolan'olombelo eo aminao rozy ." ³ Bakeo lay lehilah-dragnahary nagnome famantara gny androtr'iny avao,nanao hoe :"Izao ro famantara nosafangin'i Iaveh :"Ingo,hiparitaky gny alitara,sady hiraraky gny lavenoky eo aminy." ⁴ Lafa ren'ny mpanjaka zay nolazain'ilay lehilah-Dranagnahary,fa nikaiky mare nanohitsy gny alitara tao Betela ie,la naninjitra gny tagnany bakeo amin'ny alitara i Jeroboama,nanao hoe :"Samboro ie "bakeo maty lay tagna zay nahinjiny tamin'ny lay lehilahy,ka tsy afaky nampimpoly io tamin'ny vatany ie. ⁵ (Niparitaky ao koa lay alitara sady niraraky bakeo amin'ilay alitara gny lavenoky,araky gny voafaritr'ilay famantara zay nomen'ilay lehilahin-Dranagnahary nohon'ny safan'i Iaveh.) ⁶ Namaly Jeroboama Mpanjaka sady nivola tamin'ilay lehilahin-Dranagnahary hoe :"Mangataha sitraky amin'i Iaveh Ndranagnaharinao,sady mivavaha ho ahy,mba hampoly amiko ndraiky gny tagnako."Nohon'io la nivavaky tamin'i Iaveh lay lehilahin-Dranagnahary,sady nimpoly tamy gny laoniny ndraiky gny tagnan'ny mpanjaka,sady lasa manahaky gny taloha. ⁷ Hoy gny mpanjaka tamin'ilay lehilahin-Dranagnahary hoe:"Andao holy miaraky amiko ka hangalaky tsiotsioky,sady hameako valisoa iha ." ⁸ Hoy lay lehilahin-Dranagnahary tamin'ny mpanjaka hoe:"Ndra la homeanao ahy aza gny antsasaky gny fanagnanao,la tsy handeha hiaraky aminao aho na hihinan-kany na hino rano amy toy toera toy aza, ⁹ Fotony Iaveh nandidy ahy tamin'ny teniny hoe :"Tsy hihina mofo na hino rano iha,na himpoly amin'ny lala hafa zay nihavianao." ¹⁰ Nohon'io la nandeha tamin'ny lala hafa lay lehilahin-Dranagnahary sady tsy nimpoly tagny an-tragnony tamin'ny lala zay nandehanany ho agny Betela. ¹¹ Sady nisy mpaminany antsitsy raiky nipetraky tao Betela,sady avy gny raiky tamin'ireo anakilahiny ka nivola taminy gny raha iaby zay vitan'ilay lehilahin-Dranagnahary tao Betela tamin'io andro io.Nolazain'ny gnanany taminy koa reo teny zay nolazain'ilay lehilahin-Dranagnahary tamin'ny mpanjaka. ¹² Hoy gny rain-drozy tamin-drozy hoe :"Aia ro lala nandehanany ?" Sady hitan'ilay anany gny lala nandehanan'ilay lehilahin-dranagnahary bakagny Joda. ¹³ Noho io la hoy ie tamin'ireo gnanany lahy hoe: "Asio lasely ho ahy gny boriky ".Ka la nasian-drozy lasely lay boriky sady nondranany io. ¹⁴ Nagnaraka lay lehilahin-Dranagnahary lay mpaminany antitsy ka nahita azy nipetraky teo ambonin'ny hazo terebinta ,sady hoy ie taminy : " Iha va lay blehilahin-dranagnahary bakagny Joda? La namaly ie hoe: "Izaho ndrindra." ¹⁵ Bakeo nivola taminy lay mpaminany antitsy hoe: "Andao hisondry amiko agny an-tragno sady hihinan-kany." ¹⁶ La namaly lay lehilahin-Dranagnahary hoe: "Tsy afaky himpoly hisondry aminao aho na hilitsy hiaraky aminao,na hihinan-kany na hino rano miaraky aminao amin'io toera io. ¹⁷ Fotony nandidiana ahy tamin'ny tenin' Iaveh io hoe: " Tsy mahazo mihina sakafo na mino rano agny iha,na mimpoly amin'ny lala zay nandehanana." ¹⁸ La hoy lay mpaminany antitsy taminy hoe: "Mpaminany manahaky anao koa aho,sady nisy anjely niresaky tamiko noho ny tenin' Iaveh,nanao hoe: " Andeso mimpoly agny an-tragnonao misondry aminao ie,mba hahafahany mihinan-kany voho minon-drano." Kanefa navandy tamin'ilay lehilahin-Dranagnahary ie. ¹⁹ Noho io la nandeha nimpoly hisondry tamin'ilay mpaminany antitsy lay lehilahin-Dranagnahary sady nihinan-kany tao an-tragnoko voho ninon-drano . ²⁰ Laha nipetraky teo an-databo rozy,la avy tamin'ilay mpaminany zay nanday azy nimpoly gny tenin'i Iaveh, ²¹ sady nihikiaka tamin'ilay lehilahin-Dranagnahary zay avy agny Joda ie,nanao hoe: " Hoy Iaveh hoe:' Fotony tsy nankato gny tenin' Iaveh iha sady tsy nitandry gny lily zay nomen'i Iaveh anao, ²² Fa nimpoly voho nihinan-kany voho nino rano tao amin'ilay toera zay nolazain' Iaveh anao mba tsy hihina hany na hinima rano,la tsy halevy agny amin'ny fasan'ireo razambenao gny vatanao. " ²³ Lafa baka nihinan-kany voho lafa baka ninondrano ie ,la nasian'ilay mpaminany lasely gny borikin'ilay lehilahin-Dranagnahary,lay lehilahin-Dranagnahary,la ny liona nifagnojy taminy tegny an-dala sady namono azy,ka nenga teo an-dala gny fatiny.Bakeo lay boriky nijoro teo agnilan'io,sady gny liona avao koa la nijoro teo agnilan'ilay faty. ²⁵ Lafa nandalo teo gny olo ka nahita lay faty tavela teo an-dala,sady gny liona nijoro teo agnilan'ilay faty,la nandeha rozy sady nivola io tany amin'ny tana zay nipetrahan'ilay mpaminany antitsy . ²⁶ Lafa ren'ilay mpaminany zay nanday azy nimpoly tamin'ny lala io,la hoy ie hoe: "Lay lehilahin-Dranagnahary zay tsy nagnaraky gny tenin'i Iaveh io.Noho io la nomen'i Iaveh gny liona ie,zay namiravira azy voho namona azy,araky gny nampitandreman'ny tenin'i Iaveh azy." ²⁷ Ka niresaky tamin'ireo anany lahy lay mpaminany ,nanao hoe: "Asio lasely gny borikiko ;la nasian-drozy lasely io. ²⁸ Nandeha ie sady nahita lay faty tavela tegny an-dala,sady lay boriky voho lay liona nijoroteo agnilan'ilay faty.Tsy nohanin'ilay liona lay faty,na novonoany lay ampondra. ²⁹ Nalan'ilay mpaminany gny fatin'ilay lehilahin-Dranagnahary,nampandriany teo amin'ilay boriky io,sady nandesiny nimpoly.Avy tagny amin'ny tanàny manokana ie mba hisaona voho handevy azy. ³⁰ Nampadriany tao amin'ny lolony manoka lay faty,sady nisaona azy rozy,nanao hoe: "Indrisy,ry rahalahiko! " ³¹ Lafa avy nandevy azy rozy,la niresaky tamin'ireo anany lahy lay mpaminany antitsy,nanao hoe: "Lafa maty aho,la alevegno ao amin'ny lolo zay nandevegna gnan'ilay lehilahin-Dranagnahary.Ampandrio eo agnilan'ny taolany gny taolako. ³² Fotony gny hafatsy zay nambarany nohon'ny tenin'i Iaveh tamin'ny alitara tao Betela voho tamin'ireo tragno iaby agny amin'ny toera abo agny amin'ireo tanànan'i Sararia, la hidranga tokoa." ³³ Tafaran'io la tsy niala tamin'ny fomba ratiny i Jeroboama,fa mbo nanohy nanondro mpisoro bakamin'ny karazan'olo ho amin'ny toera agnabo io. Zay te-hanompo la natokany ho mpisoro. ³⁴ Lasa fahota tamin'ny fianakavian'i Jeroboama voho nahatonga gny fianakaviany ho potiky voho ringa teto ambonin'ny tany io.