Essula 2
1
Awoo olwaikire omubiro ebyo aitakali Lyazwiire eddi Kayisaali Augusto Abanamawanga boona okuwandiikibwa
2
okwoo nikookuwandiikibwa okwasookere okubaawo nga Okuleniyo niyaali akufuga obusuuli.
3
Boona boona baayabire kokwewandiikisya, bulyomwei mukibugga kyamwei.
4
No Yusufu nazwa e Nazaalesi muki buga kya Gkgaliraaya naniina e Buyudaaya okwaba omukyibuga kya Dawudi ekyetebwa Beserekemu, kubba yaali amwei onnyuba era wakyika kya Dawudi,
5
Yewandiikisirye no Malyamu, gweyaali akwaine nga ali ndda.
6
Awoo olwaijkire, baali balieyo, ebiro bya kubyaala nebiika.
7
nabyaala onmwana wamwei akusooka, namusweka omungoye ezabaana abato namuteka mukyiraalo kubba tebaboine kyifo kyaabagenyi.
8
waaliwo abalisya omunsi eyo abaikaaranga omukisiklo nga bakuuma ekyiraalo kyaabwe ekyaali omukibiinjja.
9
Awoo omalayika wamukama nayemera okumabali nekyitinisya kyamukama nekyetoloola nga kyikupereketya
10
Omalaika nabakoba nti temutiina, kubba mbaliteire ebisai ebyamasanyu againgi agalibba eddi abantu boona;
11
kubba olwaleero abyaalibwe eddi nywe omukyibuga kya Dawudi, niiye omukama waiswe.
12
kanni niko akamanyisyo eddi nywe, mukwabaku boona omwana omuto nga asweikwibwe omugoye bwa baana abato nga ateikeibwe omukiraalo
13
Awoo omulabuka okwoo waliwo no malaika oyoo, baingi okubamagyae agomwiiguuru nga bakuramya Nnyamwanga, nga abakocba nti,
14
Ekyitinisya kyibbe eddi oNnyamwanga waigguuru omunno, nomunsi emireembe jibbe omubantu abasiimibwe.
17
Awoo nebabweine ,nebamanyisya ekyigambo kyebakobeibwe
18
Boona boona ababawulire bewunyire ebigambo abalisya byebakobere.
19
Naye oMalyamu nasirikiranga ebigambo byoona nga akubirowoozaku omumutima gwaamwei.
20
Awoo abalisya nebeirayo, nga bakugulumiza nga bakutendereza oNnyamwanga olwabigambo byoona bye bawulire, ebya baboine nka bwebaawulire.
21
Awoo ebiiro omunaanai nebika ebya kumutaira nayalikibwa veibara lyaamwei Yesu, liddi eryabazibwe omalaika nga akyaali mundda
22
Awoo enaaku nezaikire, ezakutereeza amateeka ga Musa nigaali nebamutwaala nebamuninisya eYerusaalemi, okumwanjura omukama.
23
(nka bwe kyawandiikibwe omubiragiro bya mukama nti buli kyisaiza ekyigaalanda kyailietebwa kyikiiri eddi omukama.
24
nokuweeryayo esaddaka nka bwekyakobeibwe. omubirango bya mukama, obukaamukukulu bubiri, oba obungiwo obuto bubiri
25
Era bonnyiya, waliwo omuntu omwei eYerusaalemi eibaara lya Simoni, omuntu oyo yaali mwiikiri era atiina oNnyamwanga, okusemeerwa kwa Isiraeri: era omwooyo omwikiiri yaali kuniye,
26
oyo yasweekulibwe omwooyo omwiikiri nambu taliboona kufaa ngakyaali kuboona ku kuristo wamukama
27
Naizira omumwooyo omu yekaalo: abkaire baamwei nebaingira omwaana oYesu okumutairira nkeempisa yabiragiiroo,
28
awoo yenamukwaata omumikoono gyamwei, neeyebaalya oNyamwanga ngaakoobba nti
29
omukama wange, atii okusibula omwiiru waamu Emirembe, nkeekigambo kyaamu bwe kyaali
30
kubba amaiso gaange gaabwoine obulokozi bwamu
31
Niweteekateka omu maiso gabantu boona:
32
okubba aisana ogwookimula amawanga, nokubba nekyitiibwa kyabantu baamu.
33
Oito waamwei no nnyina nebewunyanga ebigambo ebyo ebyaamubaziibweku;
34
AwooSIimoni naabasabira omukisa, naakobba oMalyamu onnyina nti boona, onni ataikeibwewo baingi omu Isiraeri abaagwenge baimerenge, nookubba akamanyisyo akombokeibwe;
35
Era weisumu lirikumutibwa omumutima; ebirowoozo ebyamitimaejjingi bilyooke biswekulwe;
36
Awoo waaliwo Anna omulangi omukazi, omwaarawa Fanweri owaamukyika kya Aseri (yaali yaakamala emyaaka jingi, yaabire noibawaamwei emyaaka musanjju okuzwa omubutoo bwaamwei.
37
naye yaali naamwandu nga yaakamala emyaaka kyinaanai nenai) ataazwaanga omu yeekaalu, nga atendereza nookusiinga nookweegairanga obwiire nemisana.
38
oyoo niyeizire omukaseera akko niyeeebalya oNnyamwanga, nabakkoba ebigambo byamweieddi boona boona abalinga balindiirirye okununulwa kwa Yerusaalemi
39
Awoo nebwebaamaare okwiikiirya byoona ebiri omubiragiro bya mukama, nibeirayo eGgaliraaya kyagabuga kyaabaabwe Nazaaleesi
40
Awoo omwaana naakula, nayoongerwaku amaani naizulwa amagezi, ekisa kya Nnyamwanga nekibaanga kuniye.
41
Awoo ababeire baamwei bayabaanga e Yerusaalemi okumbaga yakwaakalaaku.
42
Awoo niyaali yaakala emyaaka ikumi naibiri nebaniina nkabweyaali empisaa yaambaga;
43
awoo neebeikirye ennaku zaabwe baali bakwiirayo omwaana oyoo oYesu nasigala om Yerusaalemi nababyare baamwei ne baatamanya
44
naye nebaaloowozera nti yaali akubagoobera, ne baatambula olugenndo lwalunaku lumwei ne baamutoolya omubagande baabwei, nomubanwaani baabwe.
45
nibaatambwire niibeirayo e Yerusaalemi, nga baakumutoolya.
46
Awoo olweikire niwayakairewo enaaku issatu ne baamusanga mu Yeekaaio, nga aikaliire akaati omubagesebwa, nga kubawuliirya, ngaakubabuulya.
47
Boona boona abaamuwuliire nebenyamira okulwaamagezigaamwei neinyiramu yaamwei.
48
Awoo nibaamaare nebaasaamiira; omaawaamwe naamukoba nti mwaana waange, lwaaki otukoorekyini wee otti? bwoona oitoowo naanjje twaakutoolyanga nga tukweewuniikirirye.
49
Nabakobba nti mwaantolyangaki? Temwamaite nga kingwaaniire okubba omubigambo byeitoo waange.
50
Neebataategeera ekyigambo ekyo kyeyaakobeere.
51
Nasiirimuka naabo naiza eNazaaleennsi, naabagonderanga omaawamwei nayeekumaanga ebigambo ebyo byoona mumutima gwaamwe,
52
Awoo oyesu ne yeeyoongeraku amaagezi nokukuula, noomukisa eddi oNnyamwanga needdi abantu.