¹ OPawulo, omutumwa wa Kuristo Yesu olwa kwenya kwa Nyamwanga, nedi abayikiiri abaali omu Efeeso na bayikirizira omu Kristo Yesu ² Ekisa kibenge gyemuli emirembe ezizwa edi ONyamwanga oito waiswei no Mukama waiswei Yesu Kristo. ³ Yebalibwe ONyamwanga oite wa Mukama waiswe Yesu Kristo, eyatuwereire buli mukisa gwona ogwa Mwoyo mu Kristo Yesu oguzwa omubifo ebya muyigulu; ⁴ Kuba kuba yaturodire nke nsi ekyaali kutondebwa, iswei okuba abayikiiri era abatalina kya kunenyezebwa. ⁵ Yatwawiire era omukwendya kwaamwe okuba abaana baamwe okwakala omu Yesu Kristo, nke bweyeyikirize olwa kuteesa kwaamwei. ⁶ Ekitinisa ekya kisa kyaamwe kiryoke kitenderezebwe, kitwawereibwenge omwoyo omuganzi ⁷ Omuyee tulina okununulwa okwakala omumusayi gwaamwe, okuganyirwa ebibbi byaiswei nko obugaiga obwa kisa kyamwei nka bwekili. ⁸ Kyayakaririrye gyetuli mu magezi goona no kumanya kwoona. ⁹ Kuba yamanyisirye omumagezi nokutegeera ekyama ekyakwendya kwaamwe. Nkebweyayikirize yenkai, okusinziira okuntekateka zeyategekeire omu Kristo. ¹⁰ Entegeka ezaikirire omukiseera kyaazo okugaita ebintu byoona omu Kristo, ebiri omuyiguuru ne ebiri omunsi. ¹¹ Mu oyo isweena nimo twafuukire abagweeta, nkewe twayaweirwe era omukumaliira okwa oyo akola byoona nkebwayendya omukuteesa kwaamwe. ¹² Iswei abasokere okusuubira omu Kristo, twategekeibwe no kulondebwa, tulyooke tubeewo olwo okutendereza ekitinisa kyaamwei. ¹³ Omu oyo nanywe abawura ekigambo ekya mananu, enjiri eya bulokole, nokwiikiriza nimweikirize, mwatekeibweku envumbo eya mwoyo omuyikiire eyabasubiziibwe. ¹⁴ Oyo niye musiingo obwa bugweetwa bwaisei, okwikya nzuma ya Nyamwaga ni yalinunulibwa, ekitinisya kyaamwe kitenderezebwe. ¹⁵ Ninawura okuikiriza kwa Mukama waiswei Yesu okuli omunywe, no kwendya kwemulanga abeyikiiri boona. ¹⁶ Nikyonzwa tindekayo kubebarya nga nkubabazaku omukusaba kwange. ¹⁷ Nkusaaba ONyamwanga wa Mukama waiswei Yesu Kristo oito waiswei owakitinisya, abawe omwoyo ogwa magezi no gwa kuswekurwa mu kumutegeera ye. ¹⁸ Emyooyo gyanywe nijaswekurwanga, mulyoke mumanye esuubi eryakweeta kwame nkebwe buli. No bugaiga obwa bitinisya ekyakugwetwa bwamwe omubaikiiri nke bwebuli. ¹⁹ Era nobukuku obwa maani gamwe agasinga omuno eddiswe abeikiriza nke bwebuli, nko obuyinza bwa manyi gaamwe nke bwe bukola. ²⁰ Agogeyakoleserye omu Kristo, bweyamuyimboyire omu baffu, namuyikarya okumukono gwamwei oguryo omubifo ebya muyiguru. ²¹ Igguru muno okusinga okufuga kwoona nobuyinza na maani nobwomi eibara eryaturwa ate ti mumirembe zini zonkai nomwenzo ezikwaaba okwiiza. ²² Nkwaaba kuteeka byoona hansi wa magulu gaamwei nkwakumuteekawo okuba omutwe okubyoona edi ekanisa. ²³ Niiwe mubiri gwaamwe, okwiikiira okwooyo ayikiriza byoona mu byoona