¹ Simooni Petero,omwiru era omutume wayesu kurisito,eddi abo abafunire okwikiriz kwamuwendo ogwingi nka nswei twakufunire omubwikiri bwa Nyamwanga waiswe era omulokozi waiswe oyesu kurisito; ² ekisa ne mirembe byeyongerenge jemuuli omukutegera daala Onyamwanga no yesu omukama waiswe ³ Kubanga obuyinza bwa Nyamwanga nibbo bwatuware byoona ebya bwoomi ne byakutina Onyamwanga,olwakutegera kakimwei oyo ayatweetere olwakitinisya no buusai bwamwei. ⁴ Omwebyo niimo yatuweiryerye obisubizo ebikooto era ebyamuwendo ogwingi omuno,olwebyo mumale muwone okwikiriza okuuli omunsi okuleetebwa okwegomba okuubi,mumale mugabane okubwanyamwanga obwamwei. ⁵ Olwasoonga eni mufube okuboona nga,okwikiriza kwanywe mwongereku obusai,era no kubusai mwongereku okuteggera ; ⁶ era no kukuteggera kwanywe mwongereku okwegendereza;era no okukwengendereza kwanywe mwongereku okuggumikiriza era mwongereku okutina Onyamwanga. ⁷ Era nokutina kwanywe Onyamwanga mwogereku okwendya obaluganda;era nokwendya abaluganda kwanywe mwongerwaku okwendya. ⁸ kubanga nemuba nebyo ne bibba ebbingi,bibafula abatali abagayavu na babare ebibbala olwakutegera ddala omukama waiswe oyesu kurisito. ⁹ Kubanga atabba nebyo niye omwigali wamaiso akumantaala neyerabira okunabibwaku ebibbi byamwei ebyeirai . ¹⁰ kale,abaluganda,kyemwazwanga mweyongera mufubenge okwenyweza okwetebwa kwanywe no kulondebwa,kubanga ne mwabikolonga,temulyekanga na kadyoli. ¹¹ Nimwo mutyo mumale mwingiribwe omu bugaigai obwamukama obatawawo obwamukama waiswe era omulokoozsi waiswe oyesu kurisito. ¹² Nikyo kinazwanga nyendya ennakku zoona okubaizukirya ebyo waddenga mukubimanya ne mugumira omanaanu gemulina. ¹³ Era nkulowoza nga kyasoonga,nga nkyaali mubiri guni,okubakurizanga nga nkubaizukirya; ¹⁴ nga nkumanya natera okuzwa omumubiri gguni era nga omukama waiswe oyesu kurisito ne ya manyisirye. ¹⁵ Nikyo nzwa nfuuba muno okubonanga nebwendibba nga maare okuffa,nga ebyo byoona musobola okubizukira. ¹⁶ Kubba tetwasengeryairye oluffumu effumu ezatekaibwaiwo obuyinza no kwiza okwamukama waiswe oyesu kurisito,naye twabweine namaiso gaiswe obukulu bwamwei. ¹⁷ Kubba niye yawebweibwe Onyamwanga oitewaiswe etendo ne kitinisya,eirakka ne ryazwire omukitinisya ekikumasamasa ne riiza jjali nimwo riti nti,"oni niye omwana wange gwenyendya,gwe sanyukira omuuno." ¹⁸ Twawulire erakka riini eryazwire omwiguuru ,kubanga twabeire naaye amwei okulusozi olwikiiri. ¹⁹ Era ekisinga obugumu tulinna ekigambo kya banabbi;mukola kusai okukibona ekyo,nketaala ekwakira omu kiffo ekya nzikiza,okwikya obwire nebwalikyanganuka obunyenyezii bukeisya obwire nebwaka omumutima gwanywe . ²⁰ Okusokera kakimwei mutegeere kiini,nti buli kigambo kyabanabbi ekyawandikibwe tekyaizire nga kikusinzira okukunyonyola kwanabbi oyo. ²¹ Kubba tewaliwo kigambo kyabunabbi ekyali kireteibwe omukwendya kwabantu,naye abantu babazanga ebya zwanga eddi Onyamwanga,nga bakwatibwe omwoyo omwikiri.