¹ Kisaaniirye okwenyumoirizaangaamu,wadde nga tekikusaana,naaye kanyambe omu kuleetebwa nomukuseekurwa kwa mukama waiswe. ² Mmaite omuuntu omuKristo emyaka eikumi naine eza akairewo eyatwaalibwe omwiiguru ery kasatu,obba omulya kabiri,obba timumubiri,timaite,oNnyamwanga niye amaite. ³ Era nku manya nti omuuntu oyo obba owa mubiri,oba timumubiri,temaite,oNnyamwanga niye amaite, ⁴ niyatwaaliibwe omulusuku lwa Nnyamwanga,nawuura ebigaambo ebitabazibwa,ebitasaana muuntu kwaatula. ⁵ Olwa muuntu ali atyai newesiimisyanga,wabula ebyabunaki byaange. ⁶ Lwakubanga nasiinga ataikire okwesimisya,tinaandibaire m usirusiru;kubanga mbaza mananu;naye mbireka omuuntu yeena aleme okulowooza okunjje okusiinga kyakuba bonamu oba kyakuura jjendi.Opawulo abaza okubunaki bwa mubiri bwe yaalina. ⁷ Naye olwa kundemesya okwegumiliza omunno lwe ebyo ebya swekuliibwe,nikyo mba mpeebwa ekiya kya mubiri,mu baka wa sitaani okunboonyabonya,nindemaanga ogulumizibwa omunno. ⁸ Eruutu eisatu ninegaiira omukama ekigaambo kiddi kinzweeku. ⁹ Nakoba ntini ekisa kyaange kikumala;kubanga amaite agaamwe gakwiikira omu banaki.nikyo nva nenyumirizamu esanyu eriingi olwa bunaki bwaange,namaani ga Kristo galyooke gasisire ¹⁰ okunje kale olwa Kristo,kyonva nkusanyukira obunaki,okolebwe ekyejjo,okwetaasanga,otooolebwaanga,okuteganaanga,okulagibwaanga oKristo:kuba neemba omunaki nimo mba owamaani. obweraliikiiri bwa pawulo. ¹¹ Mbaire musirusiru;nywe mwampalirize;kubanga nasaaniire nywe okuntendereza,kuba waddenga tindi kiintu naye abakweendya oba abakulu omuuno,tebaansiinga mukigaambo kyoona. ¹² Mazima obumanyisyo obwa bakweendya bwa kolebwaanga ewaanywe omukuguminkiriza koona,omubumanyisyo ne byamagero ne bya maani. ¹³ Kubanga kiki ekanisa eyindi kyezabasiingiremu,okuyaku njje njenkai obutalemeerwanga?musonyiwenge olwakibbi ekyo. ¹⁴ Bona,omuruundi gwa kasatu nti netegekere okuyinza jjemuli,naye tendibalemeerya,kuba tinkutoolya bwaanywe,wabula nywe,kubanga tekingwaanire abaana okubikiira abakaire,naye abakaire okubikra abaana. ¹⁵ Ndiwaayo ebyaange,era naanjje ndi ewaayo kakyarumwei oku lwaanywe nga ndi musanyuki.kale nembeendya munno,nywe mugwaanira okunyeendya kadooli ¹⁶ Mukwikiriza nti njje tinabazitowererye,naye ninaali omugerageranya,nabataanga omulukwei nimbakwatisya ¹⁷ Waliwo amagoba goona genafunire okuzwa jjemuli okwaakala omwaabo benatumire? ¹⁸ Nkwegaira oTito okwaaba era nentuma owalugaanda owoondi omwei naye;oTito yafunire amagoba goona okuzwa jjemuli?naye njje tetwakoleere omumwooyo gumwei?tetwatambuliire omu kikaranzira kimwei? ¹⁹ Obwaire ,mulowoozeenge ngeri iswe netukuwolereza omumaiso gaanywe?omumaiso gaNnya mwanga tubazirenge muKristo.naye byoona,abakweendebwa,tukubaza ebikuboomboka nywe. ²⁰ Kuba ntinire ndiiza,mpozi nndeme okubasanga nga mukweisana ngeri nitakwendya,nanje nnywee muleme okusanga nga nkwiisana ngeri nimutakweendya,mpozi niwabawo oku lwaana,obwiiya,o bukaambwe,empaka,okuyoyoma,okugeyeengula,okwegulumiza,nokujeema. ²¹ Era nkutina ntini ni ndiiza neera,Nnyamwanga waange aliira obupya omu maiso gaanywe,njena ninakuura abaingi abasisire eyiere ni bateenenya obugwagwa nokweendaguza nobubaka bwe baakoore.