¹ Omuntu yenna omuu nywe nibba be nsonga okumwira wamwei awangula okujjura ensonga abatali baikiiri naye eddi etali baikiiri? ² Oba temumaite nga abaikiiri nibbo balisara ensi omusaango? Kaale kuba nywe mulisara ensi omusaango temusobola kusala emisaango ejjidyoli ejjiri omu nywe? ³ Temumaite nga tukisara abamalaika omusaango? Tulemwa tutyei okusala emisaango ejjo mubulamu buni ⁴ Kaale nimweba no kusala emisaango ejjobulamu bunii, lwaki mujitwaala edi abo abaanyomeeibwa omukanisa? ⁵ Nkubazza kini kubaswaza. Ddala omu nywe temuiinza kuzuuka omunywe mugezi ayinza okusara abaganda bamwei omusaango? ⁶ Naye owamukaggo awore owa mukaggo, era no mumaiso gabo abataali abaikiriiza. ⁷ Naye era mutyo mumare okubaku akabbi kubba mulina emisaango nywenkai na nywenkai. Lwaki, obutamala gokolebwanga bubbi? Lwaki obutamala galyazamanyizibwanga? ⁸ Naye nywe nywenkai mukola obubbi, mulyanzamanya, era na bamukaggo! ⁹ Oba nga temumaite nga abatali baikiriri tebalisikira bukama bwa Nnyamwanga? Temulibeyeyebwanga, newankubeire abaramyo ebifananyi, kabenga abenzi, kabenga abafuka abakali kabenga abolya ebisyaga, ¹⁰ kabenga abeibbi, kabenga abeegomba, kabenga abatamire, kabenga abazuma, kabenga abanyaggi tebalisikira bukama bwa Nnyamwanga. ¹¹ Era abamwei oku nywe mwali ka abo era mwanabibwe era mwayeere, era nimubweebwa abwikiiri olwaeibara lya Mukama waiswe Yesu Kuristo no bwomwoyo ogwa Nnyamwanga waiswe. ¹² "Ebintu byoona bisei jeendi" naye byona tebingasa. " Byonai bisai jjendi" naye nje tekwaba kufugibwa kintu kyonai. ¹³ "Ebya kulya okwa nda ne nda ya bya kulya" naye byonai ONnyamwanga alibiyaawo. Naye omubiri ti gwa bwenzi naye gwa Mukama waiswe, no Mukama waiswe avunana omubiri. ¹⁴ Era ONnyamwanga yayimbaire Omukama waiswe naiswe ali tuyimboola olwa manni gamwei ¹⁵ Temumaite nga embiri janywe bitundu bya Kuristo? Kale nyirirenga ebitundu bya Kuristo mbifule ebitundu ebya mwenzi? Kitalo ¹⁶ Temumaite nga eyeigata no mwenzi nigwa omubiri gwamwei? Kubba abaza nti "Boonai baakwiiza kwiisana omubiri guumwei." ¹⁷ Naye eyeigaita n'omukama waiswe baafuuka omwei omuu mwoyo ¹⁸ Mwewaalenge obweenzi. Buuli kiibi kyonai omuuntu kyakola kiiri aigulu kuu mubbiri, naaye eyeendeguza akoola ekiibi okuu muubiri gwamwei. ¹⁹ Oba temuumaite ngaa omubiri gwanywe niiye yeekalu yaa Mwoyo Oguikiri, alii munywe, gwemulina ezwiire ewa Nnyamwanga? Nywenai temuli kuulwanywe? ²⁰ Kuuba mwaagulibwe naa beeyi. Kaale mugulumize ONnyamwanga omuu miibiri janywe.