¹ Ati buni, abaluganda, nkubaizukirya byenasinziiraku okubakoba enjirri, jemwafunire, jimweemereiremu, ² Jimulokooramu, banga, mujigumya, wabula nga mwaikiriziire b nabategeezere ekigambo ekikulu omuno nanje kinaweereiweerere. ³ Kubanga nabategeezere ekigambo ekikulu omuno nananje kinawereibwe, ng'oKuristo yafiire olwa bibbi byaiswe nke'byawandikibwe nibikoba, ⁴ ngayaziikibwe, nga yayimbookeibwe okulunaku lwa kasatu nke'bya wandiikibwe nibikoba. ⁵ Era nga yabonekeire OKeefa, nalyoka nabonekera eikumi nababiiri; ⁶ oka nabonekera abalugaanda abakwaakala omubikumi ebitaanu [500] omuruunndi ogu mwai,era abaingi okubo bakyaali boomi wade nga abamwei baafiire. ⁷ Olwo nalyoka nabonekera OYakobo ate nalyoka nabonekera abatume boona. ⁸ Oluzwanyuma, lwaboona nabonekera naanje, nkomwaana omusowole. ⁹ Nje ndimuto omutumwa atakusaana kweetebwa mutumwa okulwakubba nayasayasanyanga ekanisa ya NYamwaanga. ¹⁰ Naye olwakisa kya NYamwaanga, niindi nimwo ndi kubaanga ekyisa kyaamwei tikyaali kya bwereere. ¹¹ Kale oba neigye oba abo, tutyo nimutyo tweikeire abafiire, naye lwaki abamu okunywe mukoba nti ndooyo kuyimbokebwa. ¹² naye OKristo nabuuliranga anga ayembokere omu bafu, naye lwaki abamwe okunywe timwikiriza? ¹³ Naye obanga ndowo kuyikiriza nti okuyimboka omu bafiire, era no Okristo teyayembokere. ¹⁴ Era niyabanga Okristo tiyayombokeirwe, kale okubulira kwayiswe tekulimu, era nokuyikiriza kwanywe tikulimu. ¹⁵ Nae tukuboneka nka bajjuulwa babugaigai bwa ONyamwanga, kubanga twategaiere ONyamwanga yayimbokerye OKristo, gwatayembokiire, oba nka abafu tebayimbokeirwe. ¹⁶ Kuba abo bafu tebayombokeirwe, era no OKristo tiyayimbokere ¹⁷ Obanga OKristo tim.okere, okwiikiriza kwanywe tekulina kye kugasa mukyali mu mubii wanywe. ¹⁸ Era naabo abafiire omukristo bazikirrire, ¹⁹ Obanga obwomi buni bwonkai mutubeire ne ssuubi omu Kristo, tulibakusasirwa okusinga abantu boona. ²⁰ Naye kituuku nti Kristo yayembokeirwe omu bafiire, ebibala ebyasokerwe bwaabo abaafiire. ²¹ Kubanga okuffa nikwaleteirwe omuntu, era nokuyimboka kwareteirwe muntu. ²² Kuba bonna nka nibafiire OAdamu, era batyo omuKristo nimo batyo bafukiire aboomi. ²³ Naye buli muntu omukifo kyammwei nywe, Kristo yasookere okutwaala kwiikiriza kwame abamwe baireku. ²⁴ Olwo enkango nelyoka neyika, nimwo amwei, era no mwana omwenyini aliwaawo obwabukama endi ONyamwanga oyito waamwe, nalibanga amaliirwe okufuga kwona kwona na maani goona no buyinza. ²⁵ Kubanga kimugwanire okufuanga okwiikya naliteeka abanyanzugu baamwe hansi wa magulu gaamwei. ²⁶ Omunyanzugu alisembayo okuyikirizibwa nikwo kufaa. ²⁷ Kubanga " ONyamwanga atekere ebintu byoona hansi ha magulu gaamwe", naye nikikobwa nti "ebintu byoona byoona bitekeirwe hansi wa magulu gaamwei"kiba kitutegeeza nti oyo tiyatekere byoona byoona hansi wa magulu gaamwe. ²⁸ Byoona byoona nibilimara okuteekebwa wansi wa magulu gaamwe, era no'omwana omwenyini nalyoka natekebwa wansi waayo ayatekere hansi byoona wa magulu gaamwe, aale ONyamwanga abeenge byoona mu byoona. ²⁹ Kubanga balikwebalya abatiziibwe okulwabafiire? Kubanga ayimbokeirwe abafiire kakyarumwei, lwaki mubatiza okulwaabo? ³⁰ Naye lwaaki mukuba omu kibbi buli kiseera? ³¹ Abaluganda, mpakanisya okwenyumiriza kwenina omunywe, ndinakwo mu Kristo Yesu Omukama waiswe, njeena nfa buli lunaku. ³² Obanga nalwayine ne nsalo omu Efeso, nk'omuntu omu buntu, nga sirwa ntyai? Oba nka baffu tebayimbokeibwe "tulye, tunywe tukufa emambya." ³³ Timobeyegebwanga, " eminywanyi egibi nigisiisa empisa ezesai." ³⁴ Mwiiremu amagezi, mutawura kusiisa, kubanga abandi tibamayitei Nnyamwanga, mbazire kubakwatya ensoni. ³⁵ Naye omuntu asobola okubulya nti, "abafiire bahimboka batyai? era mubiri ki gwebayizire nagwo?" ³⁶ Musirusiru we, ensigo gyosiga temeruka be nga tefiire. ³⁷ Nojisiga mubiri oguliba, wabula mpeke zerere, mpozi ngano, oba yangeri gyindi. ³⁸ Naye ONyamwanga agyiweerya omubiri nokwendya era buli nsigo agiweerya omubiri gwaagyo yonkai. ³⁹ Enyama yona yoona tinyama emwe, naye egindi ya bantu, egindi ya bisoro, negindi ya binyonyi, negindi ya binage. ⁴⁰ Era waliwo emibwigya omuyigulu emibiri gya kunsi, naye ekitinisya kya mweiguru kindi, naye ekya kunsi kyona kindi. ⁴¹ Ekitinisya kya isana kindi nekitinisa kya kwezi kindi, nekya munyenyezi kindi kubanga onyenyezi teyenkana nagyira yagyo kitinisya. ⁴² Era, nokuyimboka kwa bafiire kutyo kusigibwa mu kujuunda, guyimbokibwa mu kujuunda. ⁴³ Gusigibwa awatali kitinisya, guyimbokebwa mu kitinisya, gusigibwa omubunaki, guyimbokeebwa omu maani. ⁴⁴ Gusigibwa nga mubiri gwa buliizo, guzukiira nka omubiri gwa mwoyo. Oba nga waliwo omubiri gwa buliizo, waliwo n'omubiri gwa mwoyo. ⁴⁵ era kityo kyaawandikiibwe nti "omuuntu eyakeereire Adamu yafuukire mukama mwoomi" oluzwanyuma yafookere mwooyo aleeta obwoomi. ⁴⁶ Naye ekya mwooyo tikyibaanza, wazira ekya mwiika, oluzwa nyuma ekya mwooyo. ⁴⁷ Omuntu eyabaandize, yazwiire mwiitakali, omuntu eyairiire nazwa omwiiguru. ⁴⁸ Nko'ni owa itakali niyaali, era nabaitakali nimwo batyo, era nko'ddi owamwiiguru niyaali,era batyo na'ba mwiiguru nimwo bali. ⁴⁹ Era nka nibaabbaire ekisani owaitakali, era tulitwaala ekisani kyodi owa mwiyigulu. ⁵⁰ Naye kini kyenkubakuba, abaluganda, ngomubiri no musayi, tebiyinza kusikira bwakabaka bwa NNyamwanga, okwiiyaku okujuunda okusikira butajuunda. ⁵¹ Bonna, kambakobe ekyama, Isweena titulina kufaa, naye iseena tulina kukyusiibwa. ⁵² Amangu ago, nga akutemya ekikoowa, ekigombe ekya nkomererwo nikituuta, kubanga kivuga, nabafiirwwe nibaliyimbokebwa obutajuunda, naiswei tulikyuusibwa. ⁵³ Kubanga okujuunda kuni kikugwaniire okuzwara obutajuunda, nokufa kuni okuzwara obutafa. ⁵⁴ Naye okujuunda kuni nga kumaale okuzwaara obutajuunda, nokufa okuzwaara obutafa, ekigambo ekyawandikibwe nikiryoka nikibaza nti "Okufa kimiriirwe omukuwangurwa." ⁵⁵ "We okufa, okuwangula kwamu kuliluddai? We okufa, okunena kwamu kuliluddai? ⁵⁶ Okunena kwa kibi nikwo kufa, na maani ga kibi nigo mateeka. ⁵⁷ Naye ONyamwanga yebalibwe, atuwangulisya iswe okubwa bukama bwaiswe OYesu Kristo. ⁵⁸ Kale, bamweiswe abendebwa, mugumenge obutatiina, leke mweyongerenge bulizo omumulimu gwa Mukama waiswe, kubanga mumaite ngo'kufuba kwaanywe ti kwa bwerere omu Mukama waiswe.