¹ Anti mbiini ebikukwaata okubirabo bya mwoyo, aboluganda, tinkwendya obutabitegeera. ² Mukumanya nimwaali abakafiiri, mwakyamiziibwe eddi ebissani ebitabaza, nga mukukyamizibwa engeri yoona. ³ Nikyonzwa mbategeeza ndoowo no omwe abaza Omumwoyo gwa NNyamwanga nakoba nti "Yesu okolimirwe."wabulaa omumwooyo ogu kweera. ⁴ Waliwo ebiseembo byamirundi ziingi ,naye omwooyo ogukweera . ⁵ Waliwo engeeri ziingi eza kw'ereza ,era ONnyamwaanga waiswe ommwai. ⁶ Era wataayo okkola kwangeri zzingi,naye ONyamwaanga ali omwai,akola byoona omu byoona. ⁷ Omwooyo abonekera mubuli mmuntu olwakujuna buli omwei. ⁸ Omwooyo aweerya omwei ekigaambo camagezi, nowoondi omwooyo niye omwei amu'weerya ekigaambo kya kweeteja ⁹ Nowoondi omwooyo niye omwai namuweerya okwiikiriza, nowoondi namuweerya ekirabo kyakutamba. ¹⁰ Owoondi namuweerya okkukanga ebya'magero, nowoondi okubuliraanga, no woondi okwa'wulanga emyooyo, owoondi kubaziranga ndimi, owoondi ku kwindulanga ndimi. ¹¹ naye ebyo byo'na omwooyo oyo ommwai niy'abikola, nga akugabira buli ommwai, nkebwa'kutaka. ¹² Kulwakubba omubiri nigubba ogumwai nigubba n'ebituundu biingi, nebitundu byoona ebyamubiri, nebwecaabba nti biingi nigwo mubiri ogumwai, era no Kristo atyo. ¹³ kulwakuba omwooyo gumwai isweena twabatiziibwe okwingira omumubiri gumwai, oba b Bayudaaya, oba Bayonaani, oba badeembe iswena nitu nywisibwa mumwooyo gummwai. ¹⁴ Kulwakubba omubiri tituundu kimwai, baitu biingi. ¹⁵ Okugulu nikubaza nti, "Nkebwentali mukono, era tindi kyituundu camubiri," ekyo tikiindula butabba kyituundu kyamubiri. ¹⁶ Era nokutwi nikubaza nti, "kuba nga tindi riso, era tendi ekitundu kya mubiri," ekyo tenfuula obutaba kitundu kya mubiri. ¹⁷ Omubiri gwoona singa gubeire riiso, okuura kwandibairei? Byoona singa kibaire kuura, kuunyirya kwandibairei? ¹⁸ Naye ate ONyamwanga yateekawo ebitundu buli kimwe okumubiri, nga kwegenderya. ¹⁹ Era byona singa kibeire kitundu kimwei, omubiri gwandibairei? ²⁰ Naye ati ebitundu biri bingi, ate omubiri gumwei. ²¹ Ne eriso telisobola kukoba mukono nti "we tinkwendya," oba omutwe gukoba amaguru nti, "nywe timbendya". ²² Naye, ekikusinga omuno, ebitundu bini ebya mubiri ebirowozebwaaku okuba ebinaki byendebwa. ²³ nebyo ebya ku mubiri byeturowooza okuba ne kitinisya omuno byetuzwalikisya ekitinisa ekisinga obussei, ne bitundu bwaiswei ebitali ebinyakasei byetusinga okulabiirira. ²⁴ Naye ebitundu byeiswei ebikusinga obusei kyibitayendya atyo ONyamwanga nimwo yakobere omubiri, ebitundu ebyandibaire bitakufiirwaku na biweerya ekitinisya ekikusinga obusse ²⁵ Walekeenge kubaawo okwawula omubiri, naye ebitundu byeyombekenge amwe na byonka. ²⁶ Era ekitundu kimwe kyabonabonanga, ebitundu byoona bibonabonenge amwei, oba ekitundu kimwe nekitenderezebwa, ebitundu byoona bisanyukire amwei nakyo. ²⁷ Naye nemwo omubiri gwa Kristo, ni bitundu byaagwo biri amwe. ²⁸ Era ONnyamwanga natekawo ekanisa, okusooka okutuma abatume, abakabiri abanabbi, abasatu bakwegesya, nekwiiraku abarina ebirabo bya kuwonya, abagambi, abakufuula endimi. ²⁹ Bona bona nabatume? Bona bona nabanabii? Bona bona begesya? Bona bona bakukola ebya magero? ³⁰ Bona bona balina ebirabo bya kuwonyanga? Bona bona bakubaza endimi? Bona bona bavunuula? ³¹ Naye mwegombenge ebirabo ebikusinga obukulu. Era kambalange enzira ekusiinga omuno obunyakasai.