¹ Opawulo, eyayeteibwe okubba omukwenda wa Kristo olwa kwendya kwa Nyamwanga, n'OSosene owaluganda, ² endi ekanisa ya Nyamwanga endi Kkolinso, edi abo abeyikirirye omu Kristo Yesu, abeyeteibwe okubba abatukuvu amwei nabonna abakowola eyibara lya Nyamwanga weyiswe Yesu Kristo mu buli kifo, niye omukama wabwe era oweyiswe. ³ Ekisa kibenge gyemuli ne mirembe ebizwa edi Nyamwanga weyiswe no Mukama weyiswe Yesu Kristo. ⁴ Nebalya ONyamwanga wange bulizo kulwanywe; olwa kisa kya Nyamwanga ekyabaweyibwe omu Kristo Yesu ⁵ kubanga omu buli kigambo mwagunduwalire omu ye mukubaza kwona nomu kutegera kwonna,n ⁶ kokutegera okwa Kristo ni kwanywezibwe omunywe. ⁷ Naye obutaswala mu kirabo kyona; nga mukubenderya okuswekurwa kwa Mukama weyiswe Yesu Kristo. ⁸ Era alibbanyweza okwiika oku nkomerero, obutabbako kyakunenyezebwa omukama weyiswe Yesu Kristo. ⁹ Nyamwanga mwesigwa eyabetere okwingira okweyikirya ekimwe kwona wamwei Yesu Kristo Omukama weyiswe ¹⁰ Naye mbegayirire, aboluganda , olweyibara lya Mukama weyiswe Yesu Kristo, mwikiriziganye nywekai na nywekai, okwawukana kulemenge okubba omunywe, naye mubbe no mutima gumwei nokulowoza kumwei ¹¹ Kubanga nako beyibwe ebiffe gyemuli, baganda bange, abo aba munyumba ya Kuloowe, nga aliyo okulwana omunywe. ¹² Kye mbazire nikyo kini nti buli muntu omunywe abaza nti, "gyendi Pawulo," "nanje wa Apolo," "nanje wa Keefa," "nanje wa Kristo." ¹³ Kristo ayawulibwemu? Pawulo yakomereyibwe kulwa nywe? oba mwabatizwe okwingira omwibara lya Pawulo? ¹⁴ Nabalya ONyamwanga kubanga timbatizanga ku muntu yenna omunywe, wabula Kulisupo no Gaayo ¹⁵ Omuntu yenna alemenge kubaza nga mwabatizibwe okwingira mwibara lyange. ¹⁶ Era nabatize ne nyumba ya Sutefaana. Era timayite nga nabatiza owondi yenna. ¹⁷ Kubanga OKristo tiyantumire okubatiza wabula okubulira enjiri- ti magezi ga bigambo, omusalaba gwa Kristo gulemenge okubba o gwabwerere ¹⁸ Kubanga ekigambo kya musalaba nibwo busirusiru edi abo abazikirire. Naye edi mwe abalokweyiibwe, amani ga Nyamwanga ¹⁹ Kubanga kyawandiikibwa nti "Ndizikiriza amagezi ga bagezi no bukabakaba bwa bakabaka ndibuyawo" ²⁰ Kale omugezi alayi? Omuwandiki alayi? Nyamwanga tiyaffire magezi ga ensi eni okubba gasirusiru? ²¹ Kubanga Nyamwanga mu magezi gamwei, yabweyine ge ensi teyinza kumumanya gekwekala amagezi gyayo, Nyamuhanga nikyo yazwire najuma okwakala omubusirusiru bwa kubulira enjiri okukola kwa abo abeyikirize. ²² Kubanga Abayudaya basaba obumanyiso na Abayonaani baswagana amagezi ²³ Naye yiswe tubulira Okristo eyakomeneyibwe, edi Abayudaayankonge nedi abamawanga obusirusiru. ²⁴ Naye edi abo abatte Abayudaaya era n'Abayonaani Kristo amayite mani ga era magezi ga Nyamwanga. ²⁵ Kubanga obusirusiru bwa Nyamwanga businga abantu amagezi; no bunaki bwa Nyamwanga businga abantu amani. ²⁶ Kubanga mulolere okwetebwa kwanywe, abaluganda, nka bamagezi ga mubiri ti bayingi aba yeteyibwwe, abakitinisyo abamani ti beyingi. ²⁷ Naye Nyamwanga yalondere ebisirusiru bya ensi akwatisya abagezigezi ensoni, era Nyamwaanga yalondere ebinaki bya ensi, akwatisye abamani ensoni. ²⁸ Ne bikopi bya ensi nebinyomebwa Nyamwanga yabironderera nebitaliiwo, ayewo ebiriwo. ²⁹ Waleme okubbawo omuntu yenna okwenyumiza omu meyiso ga Nyamwanga ³⁰ Naye okubwoyo nimwo muli Kristo Yesu, eyafukire amagezi gyetuli, okuzwa edi Nyamwanga, era no butukirivu, nokutukuziibwa, no kununulibwa. ³¹ . Nke bwe kyawandikibwa nti "Eyenyumiriza yenyumirizenge mu Mukama