¹ Ka yaabere naarabawo yaareba omuseza owaazerwe ari empumi. ² Abeegi beewe bamuuza bati: Rabi, owaasisire n'owa n'omuseza ogu nari n'abamuzere, nico yaazarirwe ari mpumi? ³ Yesu yaagarukamu ati: tarawumisibwe kusisa kwewe nari okw'abazere beewe, kureka cikabawo ngu emirimo ya Ruhanga eyorekebwe ariiwe. ⁴ Tasemerire kukora emirimo y'ogwo owantumire buciri eyangwe; eciro niciza, eci omuntu ataaribasa kukoramu ⁵ obu nciri omu nsi ndi omusana gw'ensi. ⁶ Ka yaamazire kugamba atyo yaacura amacwanti ayitaka yaagatobesa, yarisiiga omu meeso, ⁷ Yaamuragira ati: genda onaabe omu ciyanza ca Siloamu (amakuru gaaco ngu otumirwe yaagenda yaanaba yaagaruka naareba. ⁸ Bataayi beewe n'abaabere bamureeba kaara naaseega, baagira bati:ogu ti museza ow'abeere atuura n'aseega? ⁹ Abamwe baagira ngu niwe, abandi ngu, naangwa, konka nibiisana. iwe yaagira ati: ninyowe. ¹⁰ Baamubuuza bati; beetu si, ameeso gaawe gaawumuka gata? ¹¹ Yaagarukamu ati : omuseza akwetebwa Yesu yaatobesa itaaka, yaarinsiga omu meeso, yangira ati: genda aciyanza Siloamu, onaabe; nayowe naagenda, naanaba, naaweeza. ¹² Bamubuza bati: mbwenu iwe arinkayi? yaagira ati: tinkumanya. ¹³ Ayaabere ari mpumi baamutwaara baamwica Abafalisyo. ¹⁴ Kandi izooba eri Yesu yaatobirewo itaaka akawumura ameeso gewe, rikaba riri erya Sabato. ¹⁵ Abaafalisayo nabo baamubuza oku yaawumuka, yaabagira ati: yaansiga itaaka omu meeso, nanaaba naaweza. ¹⁶ Abamwe Abafalisayo baagira bati: tari wa Ruhanga akuba tarinda Sabato. Konka abandi baagira bati: omuntu omunsi naabasa ata kukora obumanyiso bukuru nk'obo? okuruga awo tibekirizana ¹⁷ Baagaruka baabuza ayabere ari mpumi bati: weeza iwe nk'oku yakuwumura n'omugambawo ci? Yaagira ati: ni Nabi. ¹⁸ Abaayudaya baayanga kwikiriza ka yaabere ari mpumi akawumuka, kwiica obu bayecere abazere beewe. ¹⁹ Baakababuza nibagira bati ogu niwe mutabani wanyu owumugira akazarwa ari mpumi? mbwenu yaawumuka ata? ²⁰ Abaazere beewe bagarukamu bati: nitumanya ngu ogu nimwaana weetu, kandi akazarwa awumire; ²¹ Konka oku yaawumuka ati, titukumanya, kandi n'owamuwumura titukumumanya. newe mumweburize ni mkuru nayegambira. ²² Abaazere beewe eci bagambire ebyo n'abwokutiina Abayudaya; abw'okuba Abayudaya bakaba baragene ngu omuntu weena arigamba Yesu ka ari Kristo abingibwe omuri Sinagogi. ²³ Abazeere beewe nico baagambire bati: ni mukuru mumweburize. ²⁴ Omuseeza ogu ayaabere ari mpumi, baamweta ogwa kabiri baamugira bati; yimbisa Ruhanga; itwe nitumanya ngu omuseeza ogu n'omusisi. ²⁵ Yaagarukamu ati: ka araabe ari musisi, tinkamanya; eci nkumanya ni cimwe; mbere ndi mpumi mbwenu nimpweza. ²⁶ Baamubuza bati: yaakugira ata? ameeso gaawe yaagawumuza ci? ²⁷ Yaabagarukamu ati: namara kubagambira konka mwayanga kuwura. Abw'enci nimwenda ngu ncigarukemu? newe nimwenda kuyinduka abeegi beewe? ²⁸ Baamubuza nibagira bati: niiwe mwegi weewe, itwe turi aba Musa. ²⁹ Nitumanya ngu Ruhanga akagamba na Musa; konka omuseza ogu titukumumanya ayi yaarugire. ³⁰ Omuseeza yaagarukamu naabagira ati: ka n'iyaano, imwe okutamanya ayi yaarugire, aza awumwire ameeso gange! ³¹ Nitumanya ngu Ruhanga tawura basisi, konka omuntu weena ka muramya, yaakora ebi akunda, ogu Ruhanga amuwurikiza ³² Okuruga akuwangwa kw'ensi ticikawurwaga ngu arowo arawumwire ameeso g'omuntu owaazerwe ari mpumi. ³³ Omuseeza ogu kuba abeere atari wa Ruhanga, tayine ci yaakubasize kukora. ³⁴ Baamugarukamu bati: iwe okazarwa omu bibi bisi; mbwenu neewe nooyenda kutwegesa! baamubinga. ³⁵ Yesu yaawura kabaamubinga; yaamuronda; ka yaamubwene, yaamubuza ati: noyikiriza omwana w'aRuhanga? ³⁶ Yaamugarukamu ati: n'owa Mukama wange nkamwikiriza? ³⁷ Yesu yaamugira ati: wamureeba niwe, ogu akugamba niiwe. ³⁸ Yaamugira ati:Mukama wange, niinyikiriza. Yaamuramya. ³⁹ Yesu yaamugira ati: okucwa emisango niikwo kwandesere omu nsi egi, ngu abatakureeba bareebe, kandi abakureeba bayinduke mpumi. ⁴⁰ Abamwe Abafarisayo ababere bamuri ayeyi baawura ebyo bigambo, baamubuuza bati: netwe turi mpumi? ⁴¹ Yesu yaabagarukamu ati : kuri noogira ngu muri mpumi, timwakugizire cibi; konka mbwenu abw'okugira muti; nitureeba nico ecibi canyu cikugumirawo.