¹ Anyuma ye'ebyo akagendagenga omuri Galilaya; tiyaayenda kugendagenda omuri buyudanya, abw'okuba Abayudaya bakaba nibenda kumwita. ² Kandi obugenyi bw'Abayudaya, obukw'etebwa obugenyi bw'ensisira (obutindi) bukaba buri ayeeyi n'okwika ³ Boozo baabo baamugira bati: ruga awo oze Buyudaaya, abeegi bawe babona kureba emirimo eyo kukora. ⁴ Akuba tarowo muntu akwenda kumanywa butunu, akakora omubonano bwesereke, ko reeba nookora ebi oyeyorekere ensi. ⁵ Akuba na boozo baabo tibakuza kumwikiriza. ⁶ Yesu yaabagambira ati: obunaku bwange tubukayikire; konka obwanyu na'bwaburizo. ⁷ Ensi tekubaasa kubanga, konka nyowe ninyanga, abw'okuba nimpamya ka emirimo yaayo eri mibi ⁸ Imwe murebe obugenyi; nyowe tinkabere kwiza ari obwo bugenyi akuba obunaku bwange tibukayikire. ⁹ Ka kayamazire kubagambira ebyo yaaguma Galilaya ¹⁰ Boozo baabo kabamazire kutemba abugenyi, nawe yaatemba, konka tiyagenda naarebwa, kureka yaagenda ayeserekere. ¹¹ Abayudaya bamuronda abugenyi, nibamuriiza bati: ari nkayi? ¹² Abawo okumuwakanawo munonga omu bantu; abamwe nibagira bati: n'omuseza murungi; abandi bati: nangwa, naayabisa abantu. ¹³ Konka abw'okutina abayudaya tarowo n'omwe owamugambirewo butunu. 141516Yesu okwegesa omu Yekalu ^{16 14} Obugenyi ka bwayikire agaati, Yesu yaatemba omuri yekalu, yaayegesa. ¹⁵ Abayudaya baatangara, nibagira bati: omuseza ogu akiyayi amagezi aga atakeegaga? ¹⁷ Omuntu weena, ka yenda kukora ebi ogu akunda,niwe arimanya yaaba okwegesa oku kuruga ari Ruhanga nari si ku nyegambira abwange ¹⁸ akweegambira abwewe naaba naayerondera ekitinwa; konka akuronda amutumire ekitinwa, niwe w'amazima, kandi omuriwe atarimu kutayikira kwona ¹⁹ Musa tarabayere ebigambo? konka omuri imwe tarowo ayica ebiragiro. nimwendera ci kunyita? ²⁰ Abantu baamugarukamu bati: orowo daimoni n'owa akwenda kukwita? ²¹ Yesu yaabagarukamu ati: nkakora ecintu cimwe, mwena mwacitangara. ²² Musa akabaterawo omugenzo gw'okusara (konka tikurarugire ari Musa, kureka ari baswenkuru banyu) kandi musara omuntu ari sabato. ²³ Mbwenu si omuntu ka araabe asarwa ari sabato ngu eciragiro ca Musa citayendwa, nimugwera ci kubi abw'okwicira cimwe omuntu ari sabato? ²⁴ mutaricwa emisango nimwiya amirebekere y'omuntu, mugume mucwe emisango z'oburyo. Abafarisayo okutuma ab'okukwata Yesu ²⁵ Kandi bamwe aba Yerusalemu baagira bati: omuseza owu bakuronda kwita tiwe ogu? ²⁶ Mbwenu ari anu, naagamba butunu, kandi tibine nk'oku bamugira! ebyo, abakuru nabamanya mazima ku ongu ari Kristo? ²⁷ Itwe nitumanya omuseza ogu eya kuruga; konka Kristo iwe ka riiza, tariwo n'omwe arimanya eyakuruga ²⁸ Nico Yesu yaagambire n'iraka riwango naayegesa omuri Yekalu ati: nyowe nimmumanya kandi nimmanya n'eya kuruga. Tinayizire abw'ange; owantumire n'ow'amazima, konka iwe timukumumanya. ²⁹ Konka nyowe nimmumanya abw'okuba nkaruga owari, kandi niiwe yaantumire. ³⁰ N'abw'eco baayenda kumukwata; konka tarowo nomwe owaamutirewo emikono, akuba obunaku bwewe bukaba butakayikire. ³¹ Konka abantu bengi baamwikiriza, nibagira bati: Kristo ka riiza arikora obumanyiso bwingi okucira obu omuseza okozere? ³² Abafalisayo abawura abantu nibamugambawo mpora batyo; abanyamurwa abakuru n'abafalisayo niico kutuma abakuru b'abasirikare kumukwata. ³³ Niico Yesu yagirire ati: asigara omwanya mucye, nyowe nciri amwe nemwe; anyimawo ngaruke ari ogu ayantumire; ³⁴ Murindonda, timurimbona; kandi eyi ndi timukubasa kwizayo. ³⁵ Abayudaya baamubuza bati: omuseza ogu nagenda kuza yi eyi tutarikumanya? naagenda kuza omu baatatanire omu bagriika ayegese Abaagriika? ³⁶ Eci eciyagamba n'ici ati: murindonda timurimbona, kandi ati: eyi ndi timuribasa kwizayo? ³⁷ Ayi izooba rya muyeru ery'eciro cikuru cobugenyi Yesu yayemera, yaagamba n'iraka riwango ati: omuntu weena ka ragire irowo ayize arinye anywe. ³⁸ Akanyikiriza, emigera y'ameezi g'amagara eriyementuka omunda yeewe nk'oku ebyayandikirwe bigamba. ³⁹ Eco akuba naacigamba ari mwoyo, owu abari kuyeebwa, akuba mwoyo akaba atakayimbisibwe. ⁴⁰ Abantu bewe, ka baawurire ebigambo ebyo baagira bati: mazima ogu ni nabi ori ⁴¹ Abandi bagira bati: woona Kristo n'imwo okuruga omuri Galilaaya? ⁴² Timukumanya oku eby'ayandikirwe biyamya ngu Kristo arikomoka omu ruganda rwa Daudi yabeere atwiremu? ⁴³ Okwo abantu niico bamuwakanirewo batyo ⁴⁴ Abamwe ariibo bakenda kumukwata; konka tine owaamutiirewo engaro. Nikodemu okutonganira Yesu ⁴⁵ Abakuru babasirikare baagaruka owa baanyamurwa abakuru n'Abafarisayo; bo baabuza bati: Abwenci mutamureta? ⁴⁶ Abacara b'abasirikare baagarukamu bati: Taraberewo omuntu akugamba nk'ogu museza! ⁴⁷ Abafarisayo baagarukamu bati:kandi si niimwe yabahabya? ⁴⁸ arowo n'omwe omu bategeki nari omu Bafalisaayo oramwikirize? ⁴⁹ Kureka abo bantu abaatamanya ebiragiro n'abakenerwe. ⁵⁰ Nikodemu omwe ariibo, owayizire ari Yesu kare yaabuza ati: ⁵¹ betu ebiragiro byetu nibirikira kucwera omuntu omusango, batabandize kuwuririza eci arikwitonganirawo, n'obu cakuba eca kozere? ⁵² Baamugarukamu bati: ari niiwe ori owa Galilaaya? ronda oreebe, karabe yaterewo nabi okuruga Galilaya. ⁵³ bagenda buri muntu yataha owaabo