¹ .Bwanyima kuyayingwirewo emyaka ikumi nina,nagaruka ninamuka Yeruzaaremu, na Barunaba natwara na Tito. ² . Ninamukayo abw'ebinasurirwe; nabasobora engiri ei mbuura omubanyamawanga, konka omumubonano ababere nibasimwa abw'obukuru ngu ndeke kwisa nkakwirukira busa. ³ . Nangwa na Tito owu twagendene, nobu arabe ari omugriika, tagagemerwe kusarwa. ⁴ . konka akaba arowo abisemwe bebisuba abatayire omuritwe bwesereke kutata obusinge bwetu obutwine omiri Kristo Yesu, ngu batugare ombubuwuku. ⁵ .Abo tuturaborobirenangwa n'akwingana busa ngu amazima g'engiri gabone kurindwa obwanyu. ⁶ kandi ababere nibasimwa ngu nibakuru okubabere bari ira, ebyo timbetirewo, Ruhanga tasorora mubantu abw'obuganzi abakuru abo tibene kibanyongerewo. ⁷ . kureka baketegereza kunakwakyibwe engiri kugibuura abanyamawanga nkoku Petero yagikwakyibwe kugibuuraabasazirwe. ⁸ . mumanye ngu owabasise Petero kuba entumwa a basazirwe, nanyowe yambasise kuba entumwa a banyamawanga kubayetegerize omugisa ogunayerwe, Yakobo, na Keefa na Yowaana babere nibasimwa kuba empagi, batuwa omukonogwa buryo, ⁹ nyowe na Barunaba, okworeka ku bakwatanise netwe, ngu itwe tugende omubanyamawanga, nabo omubasazirwe. ¹⁰ . kureka ekibatusabire niokimwe, okwizuka aboro, kandi nanyowe ekyo nkaba nkyezirikire kukikora ¹¹ konka Keefa kuyayikire Antiokia,namwakanisiza kimwe niturebana akuba akaba asobeze butunu. ¹² akuba abatumirwe Yakobo batakizire, akaba narya n'abanyamawanga konka kubezire yayeyinya, yabecwawo ab'wokutina abasazirwe . ¹³ Kandi n'Abayuudaya abandi bamutoreza bakwatanise nawe omuburyarya nangwa na Barunaba nawe yatwarwa abwoburyarya bwabo. ¹⁴ konka kunarebere batakuratira mazima g'engiri, nagambira Petero omumeso ga bona nti: Iwe korabe notwaza nk'abanyamawanga, etari mitwarize y'ekiyuudaya, aza ori omuyuudaya, abwenki nogema Abanyamawanga kutwaza nk'abayuudaya ¹⁵ Itwe nobu turabe turi Abayuudaya tutari basisi abanyamawanga , ¹⁶ . nitumanya ngu omuntu taiwawo rubanza abwokwikyiriza ebiragiro, kureka abwokwikiriza Yesu kristo, kandi netwe tukekiriza kristo Yesu ngu tubone kwiwawo orubanza abwokwikiriza Kristo, kunu ta bwokwikiriza biragiro abwokuba tarowo muntu wena oyiwawo orubanza a'bwokwikiriza ebiragiro. ¹⁷ konka kuturabe twayenzire kwiwawo orubanza omuri Kristo ,kandi tukasangwa turi basisi, mbwenusi nimugira ngu Kristo nakwasize ekibi? Rubuuza! ¹⁸ Akuba kungaruka kwombeka abi nasenywire, mba nyeyorekere kundi musisi. ¹⁹ Abwokuba nyowe a bwebiragiro, nkafa a biragiro ngu mbone kuba awurire ari Ruhanga ²⁰ Nkabamba na kristo, tinkiri nyowe ori, kureka Kristo niwe aryomurinyowe, kandi amagara agu nyine omumubiri ngine a bwokwikiriza omwana waa Ruhanga owankunzire akewayo a bwange. ²¹ Tindikuyindura busa embabazi za Ruhanga akuba kuri okwiwawo orubanza kuyebwa abw'okwikyiriza ebiragiro, Kristo akabere aferire busa.