¹ Ecyi nicyo Mukama Ruhanga yanyorekere; reeba akaba nakangisa omuzinga gw'enzige obwe oruyiira nirutandika kumera, kandi orwe oruyiira n'orwamezere obunyancyi bwomugabe bumazire kutemebwa. ² Kuzamazire kurya obunyanchi omunsi nagira nti: Ayi Mukama Ruhanga ninkwesengareza, giira embabazi Yakobo nabaasa ata kugumawo aza ari muke? ³ Mukama niko kwegarukamu abwecyo akagira ati: ticyiribawo. ⁴ Kaandi ecyi nicyo Mukama Ruhanga yanyorekere, reeba Mukama Ruhanga akaba nayeta omuciro okugasaara omusango gwamarawo enyanza mpango kandi gukaba niguza kumarawo nensi. ⁵ Anyumawo nagira nti: ayi Mukama Ruhanga, ninkwesengereza rekerawo, Yakobo nabaasa ata kugumawo aza ari muke? ⁶ Mukama niko kwegarukamu abwecyo; Mukama RUHANGA akagira ati: necyo ticyiribawo. ⁷ Kandi ecyi nacyo nicyo yanyorekere reeba Mukama akaba ayemeera arugo rwamabaare orombekesiibwe kariiso agiine kariiso omungaro. ⁸ Mukama yambuza ati: Iwe Amosi noreebe cyi? namugarukamu nti: nindeeba kariiso, Mukama niko kugira ati: reeba ninta kariiso omubantu bange Israel, tindibasasiira gundi murundi. ⁹ Emyaka mikuru ya Israel eyokuramizamu eiyinduka ebifuruka n'emyanya ya Israel ekwera esenyebwe, kandi ndyayimuka ndwanise enzu ya Yeroboamu na rurara. ¹⁰ Anyumawo, Amazia omunyamurwa wa Beseeli yatuma ari Yeroboamu omugabe wa Israel nagira ati: Amosi akugiriire enaama yokukukora kubi agati y'Abisrael kandi, kandi ensi yetu tekubaasa kugumisiriza ebigambo byewe byona. ¹¹ Akuba okwe niko Amosi akugamba nagira ati: Yeroboamu ariitibwaw Ruhanga na Israel bamwiye omunsi yewe atwaribwe omubusibe. ¹² Anyumawo Amazia yagira Amosi ati: Iwe muyanuuzi we, otyo owungire omunsi ya Yuda obe niwo wamaara omusumi, oyanuureyo ¹³ Konka otagaruka kuyanuura Beseeli akuba nimwanya gw'omugabe ogukwera, kandi ni cyombeko cy'omugabe. ¹⁴ Amosi yagarukamu Amazia ati: nkaba ntari nabi ninga mwana wa nabi, kureka nkaba ndi omuriisa kandi omusarizi w'emisikamori. ¹⁵ Anyumawo Mukama yanyiya omukkurisa amatungo, yangira ati: genda ayanuure abantu bange Israel ¹⁶ mbwenu uraa ecyigambo cya Mukama, nogira oti: otayanuura Israel ebirigibawo kandi otagamba ecyigambo cyona ecy'okuwana enzu ya Isaaka ¹⁷ Nicyo Mukama akugiira ati: Omukazi wawe ariba maraaya omuri egyo tauni, batabani bawe na baara bawe baritibwa rurara, kandi ensi yawe eribaganisibwamu omuguwa, newe origwa omunsi etaboniire amazima Israel ariyibwa omunsi yewe atwaribwe omu busibe.