¹ Nabwekyo muzure itima ryona n'obugobya bwona n'oburyarya bwona n'iyari ryona n'okubiyirira abandi kwona. ² Mube nk'abanyabwere nimwetenga amate g'omwoyo agafungwire, gabakuze gabakuze gabiikye ahakujunwa; ³ kumurabe mwaroreze mwaroreze ahambabazi za mukama wetu. ⁴ Mwize ahari we niwe ibare eriwurire, eryayangirwe abantu, kkonka ari Ruhanga ritorenwe, eryobuguzi bwingi; ⁵ Kandi nemwe nkamabare agawurire mwombekerwe okuba enzu y'omwoyo n'oruganda rwabanyamurwa abarukwera abatamba ebitambo ebyomwoyo ebikusimwa Ruhanga abwa yesu Kristo. ⁶ Abwokuba omubyahandikirwe kikahandikwa ngu; deba ninteka omuri sayuni ibare ryobuhamizo bw'enzu eritorenwe er'obuguzi bwingi; kandi akumwikiriza tarikwata nsoni. ⁷ Nabwekyo ari imwe abarukwikiriza nowobuguzi bwingi konka abatarikwikiriza kikahandikwa ngu eibare eri abombeki bayangire niryo ryayindukire obuhamizo bwenzu; ⁸ Kandi ngu, nibare eriteza abantu enkobokyi, n'orukiri orubagwisa, baterwa enkobokyi, a' bwokuba. nk'oku bakitereirweho kara. ⁹ Konka imwe muri oruganda orutirenwe, abanyamurwa b'obukama, eiyanga eririkwera, abantu ba Ruhanga yayetoranire, ngu mubone kworeka oburungi bw'ogwo owabekyere ngu muruge omu mwirima, mutaye omu musana gwewe ogukutangaza. ¹⁰ Kara mukaba mutari eiyanga, konka hati muri eiyanga rya Ruhanga; kara mukaba mutasasirwe konka hati musasirwe. ¹¹ Abarukukundwa, nimbesengereza nkabagenyi kandi sbsgenzi mwerinde okwetenga okubi okwomubiri okutura nikurwanisa amagara ganyu, ¹² mugire emicwe mirungi omu banyamahanga, kandi kubaraze kubagambura nibabeta enkozi z'ebibi barebe ebirungi ebimukukora bw'okubungirwa. ¹³ Abwa Mukama mworobere obutegyeki bwona obw'abantu yaba buri obw'omugabe habwomutwe gwa boona; ¹⁴ nari obwabategyeki nkabatirweho kihana enkozi zebibi nokusima abakukora kurungi. ¹⁵ Abwokuba Ruhanga ekyakunda neki ngu okukora kurungi kwanyu kubumbe akanwa kabasema babura ekyokubagambaho omu butamanya bwabo. ¹⁶ Mugire obusingye, konka obusingye bwanyu mutabukozesa nk'ekyokweswekerera obubi, kureka mube abahuku ba Ruhanga. ¹⁷ Mwereze abantu boona ekitinisa. mukunde ab'isemwe. mutiine Ruhanga, muhe omugabe ekitinisa. ¹⁸ Imwe abahuku, mworobere bakama banyu nimubahereza ekitinisa kyoona, tibarungi bonka nabakubatwaza kurungi bonka kureka nabine orubwa n'abo. ¹⁹ Abwokuba omuntu asimwa yagumisiriza obusasi naturwa busa abwokugira omutima murungi hari Ruhanga. ²⁰ Mbwenu nimusimwa ki, kumurabe nimutwera abw'okukora kubi mukagumisiriza? mwabonabonesebwa, mukagumisiriza, ekyo nikyo kikusimwa ahari Ruhanga. ²¹ Kandi nikyo mwayetirwe, abwokuba na Kristo akabonabonesibwa, abwanyu yabasigira ekyokureberaho, ngu murabe omu muhanda pgu yarabiremu. ²² Uwe tarakozire kibi; n'omukanwa kewe tihararugiremu bugobya. ²³ Kuyazumirwe tiyabagarura; kureka akeyerezayo hali ogu acwa embanza ezamaazima. ²⁴ Nuwe yayekorire ebibi byetu omu mubiri gwewe ahamuti, ngu twebu abamazire kufa aha bibi, tugire amagara omukwikira. emihiririzi yewe niyo yabakirize. ²⁵ Abw'okuba mukaba nimuhaba nk'entaama, konka hati mugarukire aha murisa kandi omureberezi wamagara ganyu.