¹ Mwekomere okukunda kandi mwendere kimwe ebincoco by'omoyo, konka okukira mwetege okubara. ² Akugamba ''orurimi'' naba atakugambira bantu, kureka Ruhanga abw'okuba taroho akubisoborekerwa; konka iwe omoyo naba namugambisa enama. ³ Konka akubara naba nagambira abantu eby'okubombeka, nokubahamya n'okubawumuriza. ⁴ Akugamba ''orurimi'' naba nayeyombeka wenka, konka akubaburirwa naba nayombeka ekanisa. ⁵ Mumanye ngu ninyenda kumwena mugambe ''endimi.'' Konka okukira ku mubura. Akuba obura akira agamba endimi konka kureka agiora ayagisobora ngu ekanisa ebone kwombekwa. ⁶ Mbwenu bisemwe ku ndiza owanyu ningamba endimi ndibagasiraki kundiba ntagambire eki nayorekwa nari ekyokumanya, nari ekyokubura, nari ekyokubasomesa? ⁷ Nangwa n'ebintu ebigamba ebitine magara nk'emikuri nari enanga, kubikuba bitatanise maraka gabyo barimanya bata eki bikugamba? ⁸ Enzamba kwerigamba iraka rutakwetegerezebwa nowa eyetekatekere kuza arutaro? ⁹ Mbwenu imwebu ka murabe mutakugamba mu ''ndimi'' ebigambo ebikusoboroha barimanya bata ebikugambwa? Akuba muriba nimwisana nkabakugambira amusana. ¹⁰ Omunsi yona n'obwarimu endimi nyingi zita, tarowo narumwe orutine akurusobora. ¹¹ Kumba ntasoborekerwe rurimi mba komunyamahanga ari ogo akugamba nawe embera atyo. ¹² Nemwe nk'oku mwine obweziriki abiconco by'omoyo mwegaruzewo okwehamya kombeka ekanisa. ¹³ N'abwekyo okugamba ''orurimi'' asabe kuhebwa okusobora. ¹⁴ Akuba kumba ninsaba omu ''rurimi ''omoyo gwange gusaba konka amagezi gange tigagira kigakora. ¹⁵ Mbwenu ngirenta? Ninyiza kusabisa n'amagezi ninyiza kwesongoza omoyo kandi nyesongoza namagezi. ¹⁶ Ko ariba atatwarize atyo aza wasabira omugisa omoyo wenka omuntu ari arubazu rwabatakwetegereza arikiriza ata ati; Amina wamara kwebaza aza iwe atamanya ki wagamba. ¹⁷ N'amazima abwawe noba osimire kurungi konka ogu iwe takuyambibwa. ¹⁸ Ninsima Ruhanga akuba mwena nimbakiza kugamba ''endimi''. ¹⁹ Konka omukanisa omumwanya gw'okugamba ebigambo kakumi omu ''ririmi'' nkayenzere kugamba ebigambo bitano namagezi gange ngu nyegesa abandi. ²⁰ Bisemwe mutaba abana bato omu magezi, kureka omu bibi mube abato konka omubwege mubekakuru. ²¹ Omubiragiro kikayandikibwa ngu ndigamba nehinga eri omukanwa eri nkabantu abarikuyareba enimu ezindi konka n'obu ndigamba ntyo tibarimpura niko Mukama akugira. ²² N'abwekyo endimi nakamanyiso nabatakwikiriza t'ari abatakwikiriza konka okubara nakamanyiso abakwikiriza tari abakwikiriza. ²³ Ekanisa yona ka yakuba eyerundine, bona bagamba endimi kwatakutayamu abatakusoborekerwa nari abatakwikiriza tibakugira ngu mugwire iraru. ²⁴ Konka bona ka bakuba nibabura, kandi omuntu atakwikiriza nari atakusoborekerwa ka yakutayamu ankanwa bona kandi akasarwa bona omusango. ²⁵ Enama z'omutima gwewe ziswekwirwe. Abone kuzumara ansi nokuramya Ruhanga nayamwa ati mazima ko Ruhanga ari omurimwe. ²⁶ Mbwenu bisemwe biri bita? Ka mwerundana buri muntu arete ekyewe omwe arete zaburi ondizo ekyokusomesa, ondizo aswekurwawo, ondizo orurimi ondizo eky'okusobora. Byona bigume bikorwe abw'okombeka abantu. ²⁷ Ka arabe abireho abakugamba endimi, baagambe babiri aterenga ari basatu kandi bagambe amu mbu abewo n'okusobora. ²⁸ Konka ka arabe atarowo owokusobora, akugamba orurimi awuname omukanisa abigambe n'omutima gwewe kandiabigambire Ruhanga. ²⁹ Kandi ababurize bagambe babiri, nari basatu abandi babyetegereze. ³⁰ Konka ka arabe arowo asitamire yasukurwa ekigambo owaba nagamba awuname . ³¹ Akuba mwena nimubasa kuburaomwe omwe ngu bona babase kwega n'okwezirisana. ³² Emyoyo ya banabi etegekwa ba nabi. ³³ Akuba Ruhanga tiri Ruhanga w'okuzabira kureka nibyobusinge. ³⁴ Nkoku biri omukanisa zona ezabakwera. Abakazi bawunama omumakanisa akuba tibakwikirizibwa kugamba kureka okoroba nk'oku ebiragiro nabyo biragira. ³⁵ Kandi baba nibenda kusoborakerwa ebigambo bakiburize abaseza babo omuka akuba n'ikyensoni omukazi kugamba omu kanisa. ³⁶ Mbwenu nimugira ngu nimwe ekigambo kya Ruhanga kyakomokeremu? Nari nimwe mwenka abu kyayizire? ³⁷ Omuntu wena akwetekatekawo ngu ni nabi nari ow'omoyo amanye ngu eki mbayandikire n'ikiragiro kya Mukama. ³⁸ Kandi wena atakukikiriza, takwikirizibwa. ³⁹ N'abwekyo bozo betu mwetege munonga okubura kandi mutazibira okugamba endimi. ⁴⁰ Konka byona bikorwa kurungi bitebekanisibwe.