¹ Mukuratire emitwarize yange, nkoku nanyenkuratira kristo. ² Nibasima abwokunyizuka omuribyona nokugumizamu omumigenzo nkoku nagibengiseze. ³ Konka ninyenda ingu imwe mumanye ku omutwe gw'omuseza ari Kristo n'omutwe gw'omukazi ku ari iba kandi omutwe gwa Kristo ku ari Ruhanga. ⁴ Omuseza wena akusaba nari akubura ayeswekerire naba aswarize omutwe gwewe. ⁵ Konka omukazi wena akusaba nari akubuura ateswekire naba aswarize omutwe gwewe akuba ni komwire enkomborora. ⁶ Omukazi karabe atakwenda kweswekera bamungembe isooke, konka ka kyiriba kiri ekyesoni omukazi okugemba isooke nari okumusara ayeswekerire. ⁷ Mumanye ingu omuseza tasemerire kweswekera akuba nekisani kya Ruhanga nekisani kyewe konka omukazi nekitinisa kyomuseza. ⁸ Akuba omuseza tarawangirwe kuruga omu mukazi, kureka omukazi niwe yarugire omumuseza. ⁹ Kandi omuseza tarawangirwe mukazi, kureka omukazi niwe yawangirwe omuseza . ¹⁰ Abwekyo omukazi asemerire kugira ekyokweswekera abwa bamarika. ¹¹ Konka omuri Mukama, omukazi taabawo ataroho museza n'omuseza tabawo atari mukazi. ¹² Akuba nkoku omukazi yarugire omuseza niko n'omuseza azarwa omukazi kandi byona mbiruga ari Ruhanga. ¹³ Nimwe mubitekatekeho: Tikirungi omukazi kusaba Ruhanga ateswekere? ¹⁴ Nangwa nengeso yobuntu tebegesa ingu omuseza akureka isooke ryewe rikakura nicyimuswaza? ¹⁵ Kwonka omukazi kwareka isooke ryewe ryakura kyiba eky'ekitinisa ariwe abwokuba akayebwa isooke kumuswekera. ¹⁶ Konka karabe aroho okwenda kureta empaka, amanye ingu omugenzo k'ogwo ntitugwine kandi n'omumakanisa ga Ruhanga tigurimu. ¹⁷ Omubinkwenda kubaragira tinkubasima akuba kamukuterana tarugamu kugenda omumeso kureka okugaruka enyima. ¹⁸ Ekyokubanza nimpura ingu kumuba mwerundine nka ekanisa abawo obutikyirizana omurimwebu kandi ebimwe ninyikiriza ngu niko biri. ¹⁹ Mumanye ingu okutana kusemerire kubawo omuriimwebu, abakusiimibwa omurimwe babone kurebwa. ²⁰ Kumuba mwerundine ntikuba kurya ebyokurya bya Mukama wetu. ²¹ Akuba omukurya komuntu wena abanza kuryaebyakurya,ebyakurya ebyewe abwewe omwe aguma ayine enzara ondizo asinzire. ²² Imwe ntimugira amazu g'okuriramu nokugotomeramu? nari muganya ekanisa ya Ruhanga mukacwa esoni abatine kantu? Mbagambire kyi? Mbasime abwekyo nangwa ntikubasima! ²³ Akuba ekinayerwe Mukama nikyo nabaherize, nimwe ingu mukama wetu Yesu, akiro ecyi bamuriremu orukwe akakwata omugati, ²⁴ kayamazire kusiima yagubega yagira ati ogu nigwo omubiri gwange oguherezibwayo abwanyu mugume mukore muti okunyizukirawo. ²⁵ Kaba mazire okurya yakwata atyo nekikopo yagira ati ekikopo eki niyo ndagano empyaka yomusanyo gwange mugume mukore muti mwaba nimugigwa okunyizukirawo. ²⁶ Akuba kamurya omugati ogu kandi mwanywana ekikopo ekyi muba nimworeka okufa kwamukama wetu kwicya abwariza. ²⁷ Nabwekyo omuntu wena akurya omugati gwa Mukama wetu akanywaakikopo kyewe nkoku kitasemire aragira omusango gwokusisa amubiri nomusayi ebya gwa Mukama. ²⁸ Nabwekyo omuntu ayekebere abone kuryaha amugati ogo noku nywa ekicopo ekyo. ²⁹ Akuba omuntu karya yanywa atetire amubiri gwa Mukama abangyeriri kandi nayegotomera omusango. ³⁰ Nikyo kiretire bingi omurimwebu kugira amagara mabi nokurwara, kandi nabanagire tibaribacye. ³¹ Kari twasegara omusango tweka titwakugusarirwe. ³² Konka nkoku tusarirwa mukama wetu, atuhana ingu turecye kusarirwa omusango amwe nabensi. ³³ Nabwekyo bisemwe kamuragume mwayeterana kurya mugume murindane. ³⁴ (Omuntu wena karabe aine enzara, atirane omuka). Murecye kweterana mukeretera omusango. Ebindi ninyiza kubibahabura nagaruka.