¹ Nywe abantu abe Ninevi babalumbire. Oyo akwiza okumenya menya ecibuga kyaanywe abaikirekku! Mute Abaisiraeri aiguru okumwoyo ogugumu ogwerugurirye ecibuga. atete mukume engudo ezomucibuga. Mwesibe mwenyuude mwetegeke okulwana olutalo. ² Olwokuba Omukama Okanca akwaaba okwirayo Oyakobo ecitinisya kyaamwe ecyo nka necitinisya ecya basiraeri okwiiza okubanyaga ebintu. ³ Abalwani abamani aboyo akwiiza okumenyamenya ecibuga Nenevi, bakwaite engabo ezitukirivu, atete bazwaire ebizwaalo bya kasaayisaayi. Bakwetegeka kulumba! Ebigaali byaamulutalo bikumyansa soti muuro. Embalasi ezisika ebigali ebyo, zikweguguna okutandika olutalo. ⁴ Ebigaali byaabwe ebyomulutalo, bakubiwalabania omunguudo ezo mucibuga, nka bakubivugga edi neni omukibuga mwoonamwoona. Bikumyaasa nka oti ngadda ezikwaaka omuro atete mbimyansuuka embiro nka oli kumyaasa oti kwa kagoro. ⁵ Abakulu bali mukudumirwa, mbaaba eni bwe bagwa. Abazigu baali bakweyuna Omwoomo Ogwerugurirye ecibuga, nebatawo ecintu ecikingirya abalwani abakasuka oguntu ogufumula omwoomo ⁶ Enyiige ezo kumwiiga nezeigula, abantu abantu abo mucisagati ca kabaka nebatina muno. ⁷ Okwiini (queen) ne bamwambula ebivalo atete nibaba naye nka musibbe. Abaala abamuwerezanga babaire mukukunga sotti bungiiwa, bwe bekubba omukifuba Olwakunakuwala. ⁸ Abanntu bakwiruka okuliga omucibuga Ninevi nka oti maizi ne gayolooka okuligga omwizubba eryatikire omudumizi akakanda kweeta ati "Mweemeere naye nka ndowo akugaduka okwiira. ⁹ Munyage efeeza, Munyage ezaabu, Ecibuga cizwiire, ebyo bugaiga ebyabubeigi omuno. ¹⁰ ONinevi cizikiriire cirekeibwe awo cityo,atete ciwongoleire. Abantu emyoyo jabawoiremu irai, amagulu gakukubanga nambe, omumikono amaani mye, nensayane zigwa. ¹¹ Ecibuga cini cabanga oti mpuku ya mpologoma, empologoma ezito mwe zabaanga ezikulu nezizireteanga byeziyiggire nka ndowo ecizitinisya? ¹² Empologa ezisaiza zatincatincanga enyama mubufwiibufwii eku mala ezikali nobwanana bwaazo,nezizuly empuku zaazo. ¹³ Omukama Okanca afuga Eiye akukoba ati: Bonna ati mfxwokere muzigu waamu owe ONinevi atete okwooca ebigali byamu ebyomulutalo Omuuro, nabalwani baamu bakwaaba kwiitibwa ne bisso omulutalo. Nkwaaba okukwiiyaku ebyo byoona byoona bye wanyagire ku bandi atete tewacaaba ciragiro ca bukwenda bwaamu.