¹ Abaluganda, omuntu miyakdanga ekibi ekyakore, nywe abamwoyo mweterezenge omu mwoyo obuwombeki, mwegendereza ti kulwa nga nanywe mwika omukusendebwasendebwa. ² Mujunenganenge emigugu njwenka ma ywekai, mwikiryenga mutyo eiteeka lya Kristo. ³ Olwakuba omuntu niyerowozanga okuba ekintu,tinimwo ali, aba yebegabega. ⁴ Naye buli muntu yekeberenga yenkai okumulimo gwamwe, nokwenjumiriza kwabanga muniye so ti muwondi. ⁵ Lwakuba buli muntu alyetika omugugu gwabwe yenkai. ⁶ Aryegeresebwa ekigambo agabanirenge amwe ebisai nebiri moyo omwegesya. ⁷ Timubegebwanga, Okanca tasekeerwa, lwakuba omuntu ekijasiga , nikyalikungula. ⁸ Lwakuba alisigira omumubiri gwamwe, alikungura mukuginda. Oyo asigira omu omwoyo, alikungula obwomi bwa mwoyo abutaliwawo. ⁹ Tutairanga nnyuma amukukola ebisai tutakerwa, ebiro nibirika, tulikungula, era titubalika. ¹⁰ Nikwabonanga awerere, tubakorenge ebisai bona. Okusingaku abo abali omunyumba eyabwikiriri. ¹¹ Mulangasire nimbawandikire omunyugutta ezikoto omumukono gwange. ¹² Abo abendya okweikya omumubiri nibo bawaliriza okukomolebwanga, olwa kutina okuyigibwa olwa musalaba gwa Kristo. ¹³ Lwakuba nabo abakomoleibwe bona tibakwata mateeka, bataka nwe mukemolebwenga, basobole okwenyumirizanga okumibiri gyanywe. ¹⁴ Nje tinyendya kweyumirya okwiyako omu musalaba gwamukama waiswe Oyesu Kristo, olwogwo ensi ekomereirwe egyendi, nanje eri ensi. ¹⁵ Olwakuba okukomolebwa oba obutakomolebwa, tinikyo kikulu, okwiyaku okufuka ekitonde ekiyaka. ¹⁶ Abo abatamburanga omwiteeka eryo emirembe zibenge kwabo nosasirwa, noku Isiraeri wa Kanca. ¹⁷ Okuzwa nolwaleero, omuntu yennayenna agaane okungadya lwakuba enkozu za Yesu zasarwe kumubiri gwange. ¹⁸ Ekisa kya Mukama waiswe kibenge amwee nomwoyo gwanywe, abaluganda. Amiina.