¹ Aale mwizanenge okanca, nk'abaana ba kanca abaganzi. ² Era mutambuurenge omu kwendya, nk'eira Okristo niyabenderye nywe niye waayo olu lwaiswe okubba ekisembo kya kikarango ekiwunya akawoowo akasai era asadaaka okanca. ³ Olwakubba nge muli baana ba kanca, kitisai okubba nga ensonga ze busiiyani, obugwagwa n'obutuubi bikusimoolwaku n'akadooli omunywe. ⁴ Tiwabbengawo bya nsoni gone ebisubiiro ebyabudoma, gone okusanzira ebinambulamu. baitu mutekeibwe okwebalyanga okanca. ⁵ kubanga ekyo mukyeteja kusai nti ndoowo musiiyani, oba mugwagwa, oba yegomba oyombe aramya ebiisani, ataa n'obugweta omu bukama bwa kristo n'okanca. ⁶ omuntu yeena atababeyegaanga n'ebigambo ebinambulamu, kubanga olwa bini obwandi bwa kanca bukwiza oku baana abatawuura. ⁷ Aale mutabbanga kimwe n'abo. ⁸ Olwakubba mbe mwali ndikiirye, baitu ati muli isaa omu mukama waiswe, mutambulenge nk'abaana na isana. ⁹ kubanga eisana niryo lireeta amakesa agabuguuda aga busai bwona bwona, obwikiriiri n'amazima. ¹⁰ mugezeku okwega ekyo okanca kyakutaka. ¹¹ mutabbangaanga kimwe n'ebikolwa ebiteera ebya ndikiirya baitu mubitookengeyo omu isana. ¹² kubanga kya nsoni n'okubisimoolaku ebyo byebakola omu kyama. ¹³ Baitu ebigambo byona nibiteebwa omu isana, embeera yabyo egituufu, ebonwa; kubanga buli kibonwa libba isana. ¹⁴ Nimwo azwa nakoba ati, " imuka we abbasirye, oyimbooke omu bafu, Oktisto yakwakira. ¹⁵ " Aale mubbe beteja engeri gyemubbaawo2 mutabba n;kabantu abatamaite, baitu nk'abantu abagezi; ¹⁶ Kolesya kusai buli mukisa gwoduna, kubanga bini ebiro bibbi. ¹⁷ mutabba badoma, baitu mugezengeku okutoolya ekyo omukama kyataka. ¹⁸ mutatamiranga mwenge, ogwaba siisa, baitu mwizulibwenge mwoyo. ¹⁹ Nga mukusimoorangana nga omu zabuli n'enyembo n'ebiyiiye bya mwoyo, nimukwemba enyembo ze kuramya n'ezabuli eji kanca n'okwangiriza omu myoyo gyanywe. ²⁰ omu ibara lya yesu kristo mukama waiswe, buliizo muweryengeyo okwebalya olwa buli kimwe eji kanca. ²¹ Muwuuranganenge olwakutaamu Okristo ekitinisya. ²² Abakali mugonderenge abaibaanywe, nka nimugondera omukama waiswe. ²³ kubanga omusaiza niye mutwe gwa mukali waamwe, nk'okristo naali omutwe gwa iramyo, omubiri gwamwe, eranga-te ye wanyenere niye mucunguri waayo. ²⁴ Baitu nk'eramye niriwuura Okristo, n'ibakali bayti bawuurenga abaibaabwe mu buli kigambo. ²⁵ Abasaiza, mutakenge abakali banywe, nk'okristo niyatakire eiramyo, niyewaayo oku lwayo; ²⁶ Leke ajeerye niyamala okugisayiirya n'okiginaabya n'amaizi omu kigambo. ²⁷ Leke alyereetere wanyerure eiranyo erya kitiinisya, nga ginambula binyangata gonze olufunyiri, oba kyona kyona ekyeisaniisiirya bini, baitu ebbe gyeru, eginambula bulemu. ²⁸ Abasaiza boona basaanire okwendya abakali baabwe nka boona nibendya emibiri gyabwe. omusaiza ayendya omukali waamwe yeena owanyenere owanyenere abba yeyendya. ²⁹ kubanga ndoowo muntu eyanobere omubiri gwamwe. ³⁰ kubanga tuta bitundu bya mubiri gwamwe ³¹ omuntu nikyo yazwanga n'aleka oitaamwe n'omaamwe niyegaita n'omukali waamwe; boona bari babbanga omubiri gumwe. ³² Ekyama kini kikulu, baitu nkusimoola oku kristo n'eiramyo. ³³ Baitu nywena abasaiza, buli omwe atakenge omukali waamwe nka niyetaka yenkai, n'omukali atengemu obaamwe ekitiinisya.