¹ Opaulo, omukwenda wa kristo Oyesu olwakataka kwa kanca edi abakiiriri abali omu efeso nabakiriiri omu kristo. ² Ekisa kibenge gyemuli no bucureri ebizwa edi okanca otaswe no mukama waiswe Oyesu kristo. ³ Yebalibwe okanca oyitamwe wa mukama waiswe, Oyesu kristo, eyatuwayire omu kristo buli mukisa gwonna ogwamwoyo oguzwa mubifo byamwigguru; ⁴ lwakuba yatolety mu ye nga ensi ekyaali kutondebwa, iswe tube abakiriri era obutakubaku kyakunenyezibwa. ⁵ Yatwire yirayi mukwendya okuba abaana bamwe okwakaara omu yesu kristo, nga niyasimire olwakutesa kamwe,. ⁶ Ekitinisa kyamwe lee kyangirizibwe, kye yatuwaire mbe omwoyo onganzi waswe. ⁷ muye tubba no kuyungibwa okwakaara mu musaayi, gwamwe, okusonyiyibwa ebyonoono byaiswe, nga obugudda bwakisa kyamwe nikiri, ⁸ kitumbisibwa gyetuli mu magezi gonna no kwetegya kwonna. ⁹ Lwakubba yatumanyisirye omu magezi nokweeteegya ekyama ekokwendya kwamwe nga niyasiimire yenka okuzwa okuntekateeka zeyategekere eyari mu kristo. ¹⁰ Entegeka ezayikirire omubwire bwazo, okugayitira amwe ebintu byona omu kristo, ebiri omigguru nebiri okunsi ¹¹ Muyo iswena nimwo tufokera abasika, bwa twayawuulibwe erayi mu kumalirira kwoyo akola byona nga bwakwendya mu kutesa kwamwe, ¹² Iswe abasobokere okusuubira omu kristo, twategebwa no kutolorwa tulyoke tubbewo olwa kulangira ekitinisa kyamwe. ¹³ mu oyo nywena, abawura ekigambo ekyamazima enjiri yakucunngura nokwikkiriza kwe mwakirize, mwatekebwaku envumbo eyomwoyo omutukiiriri eyasuubizibwe. ¹⁴ Oyo nigwo musingo gwabusika bwaswei, okwikya ekika kya kanca lwekiri kyungulwa, ekitinisa kyamwe kyangizibwenge. ¹⁵ Ninawulire okukiiriza omukama waiswe Oyesu okuli munywe bonna, nikyo nzuyire ntalekayo kwebalya, ngambasimolaku omu kusaba kwange ¹⁶ Ni kyenzwa sire kangayo kweebalya, nga nkubaba zaku omukusaba kwanje. ¹⁷ Nkusaba okanca wa mukama waiswe Oyesu kristo, oyitaswe owe kitiinisa, abawerye omwoyo gwamagezi no gwokuswekururwaku okumwetegya ye. ¹⁸ Emwyoyo gyanywe nigiswekulwaku ale nimweejja essuubi eryakweta kamwe bwe liri nobugudda obwakitinisa eya busika bwamwe mu bukiriri bwamwe. ¹⁹ Bayitu nobukulu bwamanni gamwe agasinga omuno edisibwe abayikkiriza nimwo buli, nga obuyinza onwaamanni gamwe nimwo bukoala. ²⁰ Ago geyakolyeserye omu kristo, bwe yamuzuukisirye okuzwa mu bafu, namwikalisya oku mukono gamwe omulyo mu bifo ebya mwigguru. ²¹ Gguru omuno okusinga okufuga kwonna nobuyinza namaani no bwami na buli yibaara erimolwa omumigya gini gyonkai kandi nimigyo egikwa ba okwiza. ²² Nata byona ansi wamagulu gamwe, namutawo okubba omutwe kubyonna edi ekkanisa, ²³ Nigwo mubiri gwamwe, okwekiirira ku mutwe oyo akiirirya byonna mu byonna.